Gliichgschlächtlichi Ee

Gliichgschlächtlichi Ee mögli

Anerchännig vo usländische Ee

Ee legalisiert aber s Gsetz nonig i Chraft

Iitreiti Partnerschaft mögli

Bedingti Anerchännige

Kei Anerchännig vo gliichgschlächtliche Paar

Di gliichgschlächtlich Ee, salopp au Homo-Ee gnännt, isch ä Ee, zivil oder religiös, wo beidi Partner s gliich Gschlächt händ. S eerscht Land, wo d gliichgschlächtlich Ee legalisiert hät, isch Holland gsii, nämli im Jahr 2001. Sit dem 8. Juli 2019 gits 27 Länder, wo homosexuelli Paar chönd hürate: Argentinie, Australie, Belgie, Brasilie, Dänemark, Düütschland, Ecuador, Finnland, Frankriich, Holland, Irland, Island, Kanada, Kolumbie, Luxeburg, Malta, Neuseeland, Norweege, Öschterriich, Portugal, Schwede, Spanie, Südafrika, Taiwan, s Vereinigt Königriich, diä Vereinigte Staate und Uruguay. Z Mexiko gilt di gliichgschlächtlich Ee nöd im ganze Land, aber i Teil devo.

Im Zämehang mit der Iifüerig vo de gliichgschlächtliche Ee redt mer au vo der «Ee für alli» oder vo der «Öffnig vo der Ee». Mit der Ee händ gliichgschlächtlichi Paar vil meh Rächt, wiä zum Biispiel s Rächt zum Adoptiere, s Rächt, ohni Eerbschaftsstüre dörfe eerbe, oder s Rächt, medizinischi Entscheidige z träffe. Umfrage zeiged, das allewiil meh Lüt di homosexuell Ee understützed, hauptsächli z Europa, z Australie und z Amerika.

I andere Länder wie de Schwiiz, Italie, Griecheland usw. gits anderi Rächtsinschtitut, wo di gliichgschlächtliche Paar anerchänned, wo aber i de Gliichberächtigung mit de heterosexuelle Ee weniger wiit gönd.

Länder, wo di gliichgschlächtlich Ee gchänned

Länder, wo s Rächt uff gliichgschlächtlichi Eheschlüüssig händ

	Land	I Chraft	Aamerkige
1	Niederlande Niiderlande	1. April 2001	2000 hät s holländisch Parlament d Ee für gliichgschlächtlichi Paar uftaa. Das Gsetz isch sit em 1. April 2001 i Chraft. I de Karibische Niderlande (Bonaire, Saba und Sint Eustatius) chönd gliichgschlächtlichi Paar sit 2012 d Ee schlüüsse. Uf Aruba, Curaçao und Sint Maarten cha die Ee nöd gschlosse wärde, aber ä holländischi Ee wird anerchännt.
2	Belgien Belgie	1. Juni 2003	Im Jahr 2003 hät Belgie as zweits Land i de Welt di gliichgschlächtlich Ee iigfüert. Sit 2006 chönd gliichgschlächtlichi Paar au adoptiere.
3	Spanien Spanie	3. Juli 2005
4	Kanada Kanada	20. Juli 2005	S eerscht Land usserhalb vo Europa; scho sit em Juni 2003 i di gliichgschlächtlich Ee i 8 vo 10 Provinze und 1 vo 3 Territorie mögli gsii.
5	Südafrika Südafrika	30. Novämber 2006	S eerscht und einzig Land z Afrika
6	Norwegen Norwege	1. Jänner 2009
7	Schweden Schwede	1. Mai 2009
8	Portugal Portugal	5. Juni 2010	Sit 2016 chönd gliichgschlächtlichi Paar au adoptiere.
9	Island	27. Juni 2010	D früenerig Premierministerin vo Island und iri Partneri sind eis vo de eerschte gliichgschlächtliche Paar gsii, wo ghürate händ.
10	Argentinien Argentinie	22. Juli 2010	S eerscht Land z Südamerika
11	Dänemark Dänemark	15. Juni 2012
12	Brasilien Brasilie	16. Mai 2013	Scho vorane legal in 12 vo 26 Teilstaate
13	Frankreich Frankriich	18. Mai 2013
14	Uruguay	5. Augschte 2013
15	Nöiseeland	19. Augschte 2013	S eerscht Land z Ozeanie. Di gliichgschlächtlich Ee isch nöd möglich i de Ussegebiet Cookinsle, Niue und Tokelau.
16	Vereinigtes Konigreich Vereinigts Königriich	13. März 2014	Z England, z Schottland und z Wales chönd gliichgschlächtlichi Paar siit 2014 d Ee schlüüsse. Z Nordirland isch es sit 2020 mögli. Di homosexuell Ee isch au legal uf Guernsey, de Isle of Man, z Gibraltar, uf de Falklandinsle, uf Bermuda, uf de Pitcairninsle, im Britische Territorium im Indische Ozean, im Britische Antarktis-Territorium und uf de Insle Ascension und Tristan da Cunha.
17	Luxemburg Luxeburg	1. Jänner 2015
18	Vereinigte Staaten Vereinigti Staate	26. Juni 2015	De Oberst Grichtshof vo de Vereinigte Staate bschlüüsst im Verheltnis föif zu vier, dass d Gliichheitsrächt i de Verfassig d Legalisierig vo de homosexuelle Ee verlangi.
19	Italien Irland	16. Novämber 2015	Im Mai 2015 hät s irisch Volch d Verfassig gänderet, zum de gliichgschlächtliche Paar s Rächt zum Hürate gää. Irland isch s eerscht Land, wo s Volch di homosexuell Ee legalisiert.
20	Kolumbien Kolumbie	28. April 2016
21	Finnland Finnland	1. März 2017
22	Malta	1. Septämber 2017
23	Deutschland Dytschland	1. Oktober 2017	S Gsetz isch vom dütsche Parlament mit 393 zum 226 aagnoh worde.
24	Australien Australie	9. Däzämber 2017	I änere Volchsbefragig, wo zwüsched em Septämber und em Novämber 2017 stattgfunde hät, hät s australisch Volch mit 62 % «Ja» zur gliichgschlächtliche Ee gsait. S Gsetz isch vom Parlament am 7. Däzämber aagnoh worde (128-4) und isch sit em 9. Dezämber i Chraft.
25	Osterreich Öschterriich	1. Jänner 2019	Am 6. Dezämber 2017 hät de Verfassigsgrichtshof vo Öschtriich entschide, dass gliichgschlächtlichi Paar au hürate dörfed. De Entscheid tritt am 1. Jänner 2019 i Chraft.
26	Republik China	24. Mai 2019	S eerscht Land z Asie.
27	Ecuador	8. Juli 2019	Am 12. Juni 2019 hät de Verfassigsgrichtshof vo Ecuador bschlosse, dass gliichgschlächtlichi Paar au hürate dörfed. De Entscheid tritt am 8. Juli 2019 i Chraft.