Costa Rica

Us der alemannische Wikipedia, der freie Dialäkt-Enzyklopedy
Hops zue: Navigation, Suech
República de Costa Rica
Republik Costa Rica
Fahne vo Costa Rica
Wappe vo Costa Rica
Fahne Wappe
Wahlspruch: ¡Vivan siempre el trabajo y la paz!
(d Arbet und de Fride solle uff ewig läbe)
Amtspraach Spanisch
Hauptschtadt San José
Schtaatsform Bräsidentalrepublik
Schtaatsoberhaupt Laura Chinchilla Miranda
Regierigschef Laura Chinchilla Miranda
Flächi 51.100 km²
Iiwohnerzahl 4.301.712 (2011)
Bevölkerigsdichti 80 Iiwohner pro km²
Bruttoinlandsprodukt 26.238 US-$ (nominal, 2007)
5.905 US-$ (bro Ywohner)
Human Development Index 0,846
Währig 1 Colón = 100 Centimos; deilwis au US-Dollar
Nationalhymne Noble patria, tu hermosa bandera
Zitzone UTC-6
Kfz-Kennzeiche CR
Internet-TLD .cr
Vorwahl +506
LocationCostaRica.svg
Costa Rica map.png

Costa Rica (spanisch für „Riichi Küscht“, früener uf Tütsch au Kostarika gschrebe; spanischi Ussproch [ˈkostaˈrika]) esch en Staat z Zentralamerika. Es gränzt im Norde a Nicaragua und im Süde a Panama, im Weste a de Pazifik und im Oste a d Karibik.

Bevölcherig[ändere | Quälltäxt bearbeite]

Costa-Rica-Kolibrì

D Zämesetzig vo de Bevölcherig esch die: 94 % Mestize und Wiissi, 3 % Schwarzi, 1 % Indios, 1 % Chinese, 1 % söschtigi Usländer.
Costa Rica het de gringschti Ateil vo indigene Mensche under alle mettelameramerikanische Staate, de grösti Teil vo de Bevölcherig send Nachkomme vo spanische Iwanderer. Öppe 60 % vo de Ticos/Ticas (Costaricaner/-inne) läbed in Städt. Zwoi Drittel vo insgesamt vier Millione Iwohner im Land läbed im klimatisch begünstigte Hochland. Sedligsschwerpunkt esch das Valle Central, wo au die bedütende Städt San José, Heredia, Cartago ond Alajuela legged. Wechtigi Köschtestädt send Puerto Limón (Karibikköschte) ond Puntarenas (Pazifikköschte). Liberia esch s wertschafliche Zentrum vo de Nordwestregion Guanacaste ond het näbe San Jose als einzigi wiiteri vo Stadt Costa Rica en internationale Flughafe.

Religion[ändere | Quälltäxt bearbeite]

D Bevölcherig isch öberwiegend chrestlich (76,7 % römisch-katholisch, 13,7 % protestantisch). Es het au Gruppe wie Züge vom Jehova. Di römisch-katholisch Konfession esch Staatsreligion.

Geographii[ändere | Quälltäxt bearbeite]

Dr Vulkan Arenal

Topographisch loht sech Costa Rica in foif Grossrüüm iteile: Die vulkanische Bergchetti vo de Cordilleras, s Valle Central met de Hauptstadt San José, d Schwemmlandebene vo de Karibikköschte, die zentrali Pazifikköschte und die trocheni Halbinsle Nicoya im Nordweste. I de Cordilleras gets en Vellzahl vo aktive und verloschene Vulkän, under anderem au de Turrialba. Die meischt bsuechte Vulkän send de Poas (2704 m), de Arenal (1633 m) und de Irazu (3432 m). De höchschti Berg vo Costa Rica esch de Chirripo Grande met 3920 m.

S Klima gchennt zwoi Johresziite: Räge- ond Trocheziit. D Rägeziit goht vom Mai bis zum Novämber und Trochziit vom Dezämber bis am Aprel. Wäge de Lag zwösche 8° und 11° nördlechi Breiti liit Costa Rica i de Trope, aber es get en grossi Differänz be de Rägefäll. Z San José falled im Johr 1867 mm, z Puerto Limon a de Karibikköschte met 3518 mm fascht dopplet so vell.

Gsundheit[ändere | Quälltäxt bearbeite]

Z Costa Rica gets ca. 6800 Ärzt, das send pro 1000 Iwohner öppe 1,69 (2005). Für Gsundheitsufgabe get s Land ca. 689.654.600 $ us. Die täglechi Nahrigsufnahm pro Person liit be ca. 2610 kcal. Es get 12 000 HIV-infizierti (2005).
Die dorchschnettlechi Läbenserwartig esch im Johr 2004 be 78.3 Johr gläge.

Administrativi Glederig[ändere | Quälltäxt bearbeite]

San José

D Hauptstadt vo Costa Rica isch San José.

Wertschaft[ändere | Quälltäxt bearbeite]

Au wenn Costa Rica no starch landwertschaflech prägt esch, händ anderi Wertschaftssektore chöne usbout wärde. En grossi Bedütig het au de Tourismus, wo im Johr 2001 mit 1,1 Millione usländische Bsuecher 1.3 Mrd. US-$ brocht het. Au de Hei-Tech-Sektor esch usbout worde. En bedütende Devisebrenger vom Land esch en Chipherstelligsfabrik vo Intel. De Ateil vo de Landwertschaft am BIP esch em Johr 2005 be 7.9 % gläge (1965 no 23,5 %), dä vo de Industrii be 20,2 % ond dä vo de Dienstleischtige be 59.9 %. Die meischte Industriiundernäme legged i de Region San José. De Bananeabou i usdehnte Plantage send traditionel a de Karibikköschte um de Hafe z Puerto Limón ond neuerdengs au a de Pazifikköschte be de Hafestadt Golfito.

Weblink[ändere | Quälltäxt bearbeite]

 Commons: Costa Rica – Sammlig vo Multimediadateie


Information icon.svg Dä Artikel basiert uff ere fräie Übersetzig vum Artikel „Costa_Rica“ vu de dütsche Wikipedia.

E Liste vu de Autore un Versione isch do z finde.