Gitarre

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Gitarre
engl.: guitar, ital.: chitarra, griech.: κιθάρα, (Kithara), abgeleitet von dem persischen: Setar „Dreisaiter“), fran.: guitare
Classical Guitar two views.jpg
Klassifikation Saiteninstrument (Chaste-Halslaute)
Zupfinstrument
Donumfang Range guitar.png
Doonbischbil Tonleitere uf erä Konzärtgitarre
Notation Tabulature
Note im oktavierte Violinschlüssel
Verwandti Instrumänt Hawaiigitarre, Ukulele, Laute, Banjo, Mandoline

D Gitarre isch e Saiteninstrument, wo zu de Zupfinstrument ghört.

Gschicht[ändere | Quälltäxt bearbeite]

D Gitarre stammt wohrschiinlig us Spanie und isch us dr spotmittelalterlige guitarra latina, wo vier Saite gha het, entwicklet worde. D Klangkörper vo de erste Gitarre si nit so breit, aber drfür diefer gsi as die vo modärne Instrument, und in dr Mitti si si weniger verängt gsi. Si hai drei Doppelsaite und ei eifachi Saite für die hoche Dön gha, s Schalloch isch rund gsi, hüfig mit Ornament drum. D Saite si c-f-a-d' gstimmt gsi, wie die mittlere Saite vo dr Luute und vo dr Vihuela, und dr Stimmchopf isch däm von erä Giige ähnlig gsi. No im 16. Johrhundert het si non ä Saite und im 18. ä sächsti Saite übercho.

Dr Ufbau von erä akustische Gitarre

Ä chli spöter si d Doppelsaite mit eifache Saite usgwächslet worde und die si jetzt uf E-A-d-g-b-e' gstimmt worde, so wie si s hüt immer no wärde. Sit em 19. Johrhundert wärde si mit Metalschruube gstimmt. D Bundstäb, wo ursprünglig us Darm gmacht und am Hals festbunde worde si, si mit Metalbundstäb ersetzt worde. S Griffbrätt isch ä bitz höcher as dr Körper und bis zum Schallloch verlengeret worde, und im Korpus siini Donqualitäte si verbesseret worde.

Die akustischi Gitarre[ändere | Quälltäxt bearbeite]

Die modärni akustischi Gitarre het sich sit em spoote 19. Johrhundert nüme vil veränderet. Si wird immer no zum groosse Deil us Holz baut, d Stäg si us Horn, Holz oder Plastik und d Mechanik us Metal, Plastik oder Holz. Bi de Saite het s Nylon d Darmsaite verdrängt.

Die elektrischi Gitarre[ändere | Quälltäxt bearbeite]

Hauptardikel: Die elektrischi Gitarre

Die erste elektrische Gitarre si akustischi Gitarre gsi, wo mit emä Mikrofon usgrüstet gsi si. Hützudag wird im allgemeine uf ä Resonanzkörper verzichtet, wil d Schwingige vo de Saite vom ä Donabnähmer ufgnoh und denn elektronisch versterkt wärde. Dr Korpus isch dorum hüfig nüm hohl, und au si Form wird nüm vo dr Akustik bedingt.

Dr Elektrischi Bass[ändere | Quälltäxt bearbeite]

Dr elektrischi Bass (E-Bass) isch e bsunderi Form vo dr elektrische Gitarre. Wie bi dr E-Gitarre wird au do ganz uf e Resonanzkörpr vrzichtet. Als Bassinstrumänt übrnimmt är in de Lieder meistens d Bassspur. Gspilt wirdr, indäm dr Gittarist d Saite (meistens vier, alternativ au bis zu siebe Saite) mit de Finger zupft, wobis do mehreri Möglichkeite zum Spiele git.

Weblingg[ändere | Quälltäxt bearbeite]

Wikibooks-logo.svg Wikibooks: Gitarre — Lern- und Lehrmaterialie

 Allmänd (Commons): Guitar – Album mit witere Multimediadateie