Stühlinger (Freiburg)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe vu Friburg
Wappe
Stiehlinger (Freiburg-Stühlinger)
Stadtkreis Friburg (FR)
Bade-Wirttebärg, Ditschland
Lag im Stadtkreis Friburg
Basisdate
Stadtdeil vu Friburg
Stadtteilnummere: 51
Gliderung: 2 Bezirke
512 Stüehlinger Eschholz
513 Ald-Stüehlinger
Geografischi Lag: 48° 00′ 04" N, 07° 50' 17" O
Hechi: 265 m ü. NN
Flechi: 2,25dep1 km²
Iiwohner: 18.243 (01.01.2007)
Bevelkerungsdichti: 8.108 Iiwohner je km²
Poschtleitzahl: 79106
Vorwahl: 0761
Internetufdritt: www.freiburg.de

Dr Stiehlinger isch e weschtlich vu dr Aldstadt glägene Friburger Stadtdeil. Er het öppe 18.200 Iwohner (1. Jänner 2007) un isch ufdeilt gsi in die drei Stadtbezirke: Stiehlinger-Beurbarig (511), Stiehlinger-Eschholz (512) und Ald-Stiehlinger (513). Im Oschte wird er begrenzt dur d'Bahnanlage vu dr Dütsche Bahn AG mit em Hauptbahnhof, im Süde durch d'Dreisam, im Weschte durch d'Gleiser vu dr Güeterbahnstrecki un im Norde grenzt er an dr Stadtdeil Brüehl.

Bis 2012 het dr Bezirk Beurbarig (mit em Hauptgodsagger), obwohl dr Bürgerverein sit jeher mit Briehl zämme gsi isch, statistisch als Bezirk 511 zum Stiehlinger ghert. Sit 2013 ghert er als Bezirk 233 zum Stadtdeil Briehl. Dodemit het dr Stiehlinger sitterher numme meh zwä Bezirk.

Bevölkerig[ändere | Quälltäxt bearbeite]

Obwohl in dr ledschde Johre nit uerheblich baut worre isch, nimmt d'Zahl vu dr Iwohner ab; vor allem Familie mit Kinder verlen dr Stadtdeil. Vu anno 1996 bis anno 2000 isch d'Zahl vu dr Familie vu 773 uf numme noch 653 zruckgange. Dorum git's au verhältnismässig wäniger Kinder wie in der Gsamtstadt, aber defir dütlich meh Singles un au wäniger Seniore. Wäge dr relativ günschtige Miete läbe relativ vil Studente im Stiehlinger.

Verkehr[ändere | Quälltäxt bearbeite]

D'Abindig an öffetlichi Verkehrsmittel isch ufgrund vum näbe dra befindliche Hauptbahnhof erschtklassig. Au füehre drei vu dr vier Strossebahnlinie vu Friburg dur dr Stiehlinger, dezue Buslinie. S'Hauptdurchgangsstross (Eschholzstross) isch aber wäge dr Vorrangschaltig vu dr Tram stauträchtig. Mit em Aschluss Ochsebrugg isch dr Stiehlinger im Süde an dr Autobahnzuebringer Middi un demit hervorragend ans Fernstrossenetz abunde.




Information icon.svg Dä Artikel basiert uff ere fräie Übersetzig vum Artikel „Stühlinger_(Freiburg)“ vu de dütsche Wikipedia.

E Liste vu de Autore un Versione isch do z finde.