Froidwyl

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Wappe
Wappe vu Froidwyl
Bild
Froidwyl
Basisdate
Kanton: Züri
Bezirk: Uschter
Gmeind: Uschter
PLZ: 8615
Koordinate: 697725 / 247869Koordinaten: 47° 22′ 28″ N, 8° 43′ 57″ O; CH1903: 697725 / 247869
Höchi: 545 m ü. M.
Flächi: ca. 2,5 km²
Iwohner: 1200 31. Dezember 2013
Websyte: www.freudwil.net
Charte
Charte

Froidwyl (amtlichi Schrybwys: Freudwil) isch ä ehemaligi Zivilgmäind und äs Quartiär vo dä politischä Gmäind Uschtär im glychnamigä Bezirk. Am 31. Dezämbär 2013 hät Froidwil öppä 1200 Ywonnär ghaa.

Geografy[ändere | Quälltäxt bearbeite]

Froidwyl lyt ufämnä Hügäl im Nordnordoschtä vo dä Schtatt Uschtär. Froidwyl isch äs Puurädorf, wo vom Rescht vo dä Gmänd dur än Wald abtrännt isch. Im Nordwescht gärnzt Froidwyl a Feeraltorf, im Südweschtä a Wermätswil, im Süde uf dä andärä Sytä vom Wald ännät dä Autobahn a Chirchuschtär und Winikä-Gschwadär, im Südoschtä a Werrikä, im Oschtä a Nänikä und im Nordoschtä a Volki.[1]

Wappä[ändere | Quälltäxt bearbeite]

Uf äm Schpitz vom Schuälhuusgloggäturm git s ä Wättärfaanä, wo druf Symbol vom Wappä vo Froidwyl isch. Sin uurschprüngli blauä Schild isch dur dä Schtattraatbschluss vo 1976, wo di noiä Quartiärwappä feschtgläit hät in blau gändärät wordä und Tannä isch zur Untärschädig vom Wappä vo Baumä uf än güänä Drüberg gschtellt wordä. Das git s hüttig Wappä uf vonärä grüänä Tannä mitämänä rotä Schtamm, wo ufämänä grüänä Drüberg schtaat, ufämänä silbrigä Schild.[2]

Värcheer[ändere | Quälltäxt bearbeite]

Froidwyl lyt absyts vo dä befaaränä Värcheerswäg. Vo dä Autobaanuusfaart Uschtär-Nord von dä A53 gaat d Froidwylärschtraas duur dä Wald is Dorf. Vom Dorf gaat än andäri Schtraass nach Wermeätswil und nach Feeraltorf. Dä Aaschluss an öffäntlichä Värcheer isch dur s Poschtauto gwäärläischtät, wo d Buslinä 827 zum Baanhof Uschtär bediänt.

Seehäswürdigkäite[ändere | Quälltäxt bearbeite]

Dä ländlichi Dorfchern mit synä Rigälhüüsär isch no ganz im altä Schtyl erhaltä. S Waarzäichä von Froidwyl isch natüürli s altä Schuälhuus.

Infraschttruktur[ändere | Quälltäxt bearbeite]

In Froidwyl giz äs Dorfreschtorant und di alti Primarschuäl. Ussärhalb vom Dorf isch ä grossi Chysgruäb, wo dä Vorraat no für guät 15 Jaar langät.

Gschicht[ändere | Quälltäxt bearbeite]

Di erscht urkundlichi Erwäänig vo Froidwyl datiärt us äm Jaar 1264 imänä Rödäl vo dä Habsburgär und dä Kyburgär.[3]

Bis Aafang vom 20. Jahrhundärt isch Froidwyl ä äigäni Zivilgmäind gsy. Am 9. Juli 1927 sind di eehemaligä Zivilgmäindä vo Uschtär zur hüttig politischä Gmäind Uschtär zämägläit wordä.[4]

Bildär[ändere | Quälltäxt bearbeite]

Weblink[ändere | Quälltäxt bearbeite]

 Commons: Froidwyl – Sammlig vo Multimediadateie

Fuässnotä[ändere | Quälltäxt bearbeite]

  1. Quällä: Reta mapo 1:20000 de Swisstopo (Site cha nüme abgrüeft wärde; Suche im Webarchiv)[1] [2] Vorlage:Toter Link/map.geodataviewer.admin.ch
  2. Fabrice Burlet: Die Wappen von Uster (D Wappä vo Uschtär), Stadtarchiv & Kläui Bilbiothek, p. 10. Archiviert vom Original am 4. März 2016; abgerufen am 5. Dezember 2018.
  3. Chronology vo dä Gschicht vo Uschtär uf dä Website vo dä Schtatt. Archiviert vom Original am 23. März 2016; abgerufen am 5. Dezember 2018.
  4. Quällä: Sytä übär Gschicht vo Uschtär uf dä Website vo dä Schtatt (Memento vom 28. Mai 2016 im Internet Archive)