Oberuschter

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Wappe
Wappe vu Oberuster
Bild
Oberuster
Basisdate
Kanton: Züri
Bezirk: Uschter
Gmeind: Uschter
PLZ: 8613
Koordinate: 697655 / 24495347.3481958.731045472Koordinaten: 47° 20′ 54″ N, 8° 43′ 52″ O; CH1903: 697655 / 244953
Höchi: 472 m ü. M.
Flächi: ca. 5 km²
Iwohner: 5000 31. Dezember 2008
Websyte: www.oberuster-nossikon.ch
Charte
Charte

Oberuschter (amtlich: Oberuster) isch än ehemaligi Zifilgmeind und äs Quartier fo dä Stadt Uschter im Kanton Züri.

Geografy[ändere | Quälltäxt bearbeite]

Oberuschter lyt am Uufer fo dä Uschtermer Aa, weschtlich fom Stadtzäntrum fo Uschter im sogenannte Aatal. Di südlichi Gränze bildeät dä Tämbrig, en Hügel fonärä Höchi fo 522 m ü.M., fo wo uus mä cha über di ganzi Stadt, dä Gryfesee und s Glatttal gsee.

Wappe[ändere | Quälltäxt bearbeite]

S Wappe fo Oberuschter isch än uusgschnittne silbrige Baum uf blauem Grund. Es git nu äin Belegt fo däm Wappe, nämlich äs bild über dä Tüür fom alte Schuelhuus fo Oberuschter. D Farbgebig isch unsicher, da s Wappe bi änre Renovation fom Schuelhuus aagmalet worden isch. Dä Baum grüen, dä Stamm brun und dä Hintergrund blau. Das can aber us heraldischer Sicht nöd sy. Dä Stadtrat fo Uschter hät am 13. Juli 1976 offfizell beschlosse, dass dä Baum silbrig uf blauem Grund sig.[1]

Fercheer[ändere | Quälltäxt bearbeite]

Oberuster isch dur di bäidä Busslinie 813, und 845, wo noi im Fiärtälschtundätakt faaräd, as fom dä ZOV öffäntliche Fercheersnetz aagschlosse. Dur Oberuschter füert d Kantonsstrass fo Uschter durs Aatal nach Wetzike, und in Oberuschter befindät sich dä Autbahnaschluss Uschter-Wescht fo dä A53. Obwohl d Zugliniä fo dä SBB fo Uschter nach Rapperswil zmizt dur Oberberuschter füert und s Quartier zweitäilt, hät Oberuschter ä käin eigägnä Bahnhof däfüur fiär Nivoübärgäng, wo mä oft ewig for dä gschlössänä Barriere warte muäss.

Infraschtruktur[ändere | Quälltäxt bearbeite]

Oberuschter besitzt än Coop-Supärmarkt, ä Bäckerei, ä Poscht und mehreri Beize. In Oberuschter git s ä Primarschuäl, än Chindsgi, ä Chrippä, s Altershäim Rosegarte, än Fuässballplatz und dä Abentürschpillplatz Holzwurm. S git än Quartiärferäin, wo ferschidäni Aläss und ä d Erschtauguschtfyr uf äm Tämbrig organisiärt. Dur Oberuschter füärt dä Industryleerpfad Züri Oberland, fo dem in Oberuschter ferschidäni interessanti Objekt exischtiäräd.

Gschicht[ändere | Quälltäxt bearbeite]

Oberuschter isch dä Chern fo dä erschtä mänschnliche Sidlige uf äm Stadtgebiät fo Uschter gsy. S ätischti Geboide im hütige Oberuschter isch s Fabrikgeboide namens Öle. Es hät fo 1636 bis 1884 as Prässi für Raps und anderi Produkt dient. Nachher hät d Spinnerei Hueber d Halle als Werkschtatt übernoo.[2]

Bis Aafang nünzäts Jahrhundärt isch Oberuschter än äigäni Zifilgmeind gsy. Am 9. Juli 1927 sind id ehemalige Zifilgmeinde fo Uschter zur politische Gemind Uschter feräint worde.[3]

Bilder[ändere | Quälltäxt bearbeite]

Weblink[ändere | Quälltäxt bearbeite]

 Commons: Oberuschter – Sammlig vo Multimediadateie

Referänze und Quälle[ändere | Quälltäxt bearbeite]

  1. Quälle: Stadtarchiv & Kläui Bibliothek Uster
  2. Tafle 16 fom Industryleerpfad Züri-Oberland
  3. Quälle: Syte über d Gschicht uf de Website fo dä Stadt Uschter (Memento vom 28. Mai 2016 im Internet Archive)