Winikä-Gschwadär
| Wappe | |
|---|---|
 | |
| Bild | |
_032.JPG) | |
| Basisdate | |
| Kanton: | Züri |
| Bezirk: | Uschter |
| Gmeind: | Uschter |
| PLZ: | 8600 |
| Koordinate: | 696863 / 246516 |
| Höchi: | 473 m ü. M. |
| Flächi: | ca. 2,5 km² |
| Iwohner: | 3650 31. Dezember 2013 |
| Websyte: | www.winikon-gschwader.ch |
| Charte | |
.jpg) | |
Winikä-Gschwadär (amtlichi Schrybwys: Winikon-Gschwader) isch ä ehemaligi Zivilgmäind und äs Quartiär vo dä Gmäind Uschtär im glychnamigä Bezirk. Am 31. Dezämbär 2013 hät Winikä-Gschwadär öppä 3650 Ywonnär ghaa.
Geografi[ändere | Quälltäxt bearbeite]
Werikä lyt im Nordweschtä vo dä Schtatt Uschtär und gränzt im Oschtä an äs Naturschutzgebiät, wo s Quartiär vo Werrikä trännt. Winikä-Gschwadär beschtaat us äm Dorf Winkiä, wo sin ländlichä Charaktär bewaart hät und äm Schtattquartiär Gschwadär, wo mit äm Zäntrum vo Uschtär värwachsä isch. Nordweschtlich vo Winikä isch s Zäntrum mit dä Schportaalagä, wo sich s Fuässballschtadion und s Halläbad befindät.[1]
Wappä[ändere | Quälltäxt bearbeite]
S Wappä zäigt ä roti Trubä ufämänä rotä Schild. D Trubä isch än Hywys uf dä Wyabou, was ja au us äm Namä hervorgaat und wo z Winkiä scho sit äm früänä Mittälaltär Tradizion hät.[2]
Värcheer[ändere | Quälltäxt bearbeite]
Im Nordweschtä vo Winikä befindät sich dä Autobaanzuäbringär Uschtär-Nord vo dä Autobaan A53. Durs Quartiär füärt d Wintärtuurärschtrass. D Aabindig an öffäntlichä Värcheer wird dur di bäidä schtättischä Busliniänä 725 und 811 sichärgschtellt.
Sehäswürdikäitä[ändere | Quälltäxt bearbeite]
In Winikä befindät sich di alti Uschtärmär Schtatthaltärei Winikä mit sim Gloggätürmli, wo untär Dänkmalschutz schtaat und als Boudänkmaal vo regionalär Bedüütig igschtuuft isch.
Infraschtruktur[ändere | Quälltäxt bearbeite]
Z Winikä-Gschwadär befindät sich s Primarschuälzäntrum Gschwadär. Im Nordweschtä vo Winikä isch dä Fuässballplatz und s Halläbad Uschtär, wo am 9. Mai 1985 dur dä Teckiyschturz, wo 15 Mäschä gschtorbä sind, truurigi Berüämthäit erlangt hät.[3] Im Südä vom Quartiär git s än Supärmarkt vom Aldi.
Gschicht[ändere | Quälltäxt bearbeite]
Di erschti uurkundlichi Erweenig vo Winikä schtammt us äm Jaar 1325 us dä Lischtä vo dä Lehä vo Habsburg a Rapperschwil.[4] Näbäd äm Autobaanaaschluss hät 1914 än Puur äs Grab us dä La-Tène-Zyt us äm drittä Jarhundärt vor Chrischtus gfundä, wo vil wertvollä Schmuck enthaltä hät. 1926 isch d Zivilgmäind Winikä-Gschwadär uufglöst und i di noi politischi Gmäind Uschtär integriärt wordä.[5]
Bildär[ändere | Quälltäxt bearbeite]
-
Ehemaaligi Schtatthaltärei Winikä -
Primarschuälzäntrum Gschwadär -
Dorfbrunnä vo Winnikä
_044.JPG)
_050.JPG)
_041.JPG)
Weblink[ändere | Quälltäxt bearbeite]
Commons: Winikä-Gschwadär – Sammlig vo MultimediadateieFuässnotä[ändere | Quälltäxt bearbeite]
- ↑ Quällä: Online-Chartä 1:20000 vo Swisstopo (Site cha nüme abgrüeft wärde; Suche im Webarchiv)
- ↑ Quällä: Stadtarchiv & Kläui Bibliothek Uster
- ↑ Luäg atropedia.net. Archiviert vom Original am 12. Mai 2014; abgruefen am 12. Mai 2014.
- ↑ Gschichtlichi Chronologie uf dä Website vo dä Schtatt Uschtär. Archiviert vom Original am 12. Mai 2014; abgruefen am 12. Mai 2014.
- ↑ Tegscht übär d Gschicht vo Winikä-Gschwadär uf dä Website vom Quartiärväräin Winikä-Gschwadär
