Franz-Josef Winterhalter
Dr Franz-Josef Winterhalter (* 1949 z Fryburg) isch e dytsche Lehrer un Kommunalbolitiker (Freii Wehler). Mer chännt en in dr Region vor allem as friejere Bresidänt vu dr Muettersproch-Gsellschaft.
Lääbe
[ändere | Quälltäxt bearbeite]Familie un Beruef
[ändere | Quälltäxt bearbeite]Dr Winterhalter isch Oberried mit zwoo Schweschtere ufgwagse. Sy Vater un sy Unkel hän e Unternäme fir Bus un Transportwäge ghaa. Är isch mit Alemannisch ufwagse un het erscht uf em Gimnasium, em Kolleg St. Sebastian z Stääge, Hochdytsch aafange schwätze. Noch em Abitur anne 1968 het er sy Wehrdienscht z Berchtesgaden gmacht, isch derno retuurchuu uf Oberried un het an dr Universidet Fryburg Mathematik un Physik studiert. Noch em Studium het er vu 1977 bis 1989 as Gimnasiallehrer am Kolleg St. Sebastian z Stääge gschafft.
Ghyrote het dr Franz-Josef Winterhalter anne 1974 e Fryburgeri un het mit ire ne Suhn (* 1978) un e Dochter (* 1981).
Kommunalbolitik
[ändere | Quälltäxt bearbeite]Bi dr Burgermaischterwahl z Oberried anne 1989 het er si as Kandidat vu dr Freie Wehler ufstellte loo un isch ins Amt gwehlt wore, was dodmol e Iberraschig gsii isch. Är isch schließli 24 Johr lang e beliebte Burgermaischter gsii. Vor syre Amtszyt as Burgermaischter isch er scho Mitglid vum Oberrieder Gmairot gsii.
Är het z Oberried unter anderem di Alemannisch Wuche yygfiert.
Muettersproch-Gsellschaft
[ändere | Quälltäxt bearbeite]Anne 2007 isch er Bresidänt vu dr Muettersproch-Gsellschaft, im Johr 2020 het er nimi kandidiert. Wel mer nieme gfunde het, wu as Bresidänt het welle aadrätte, isch ibergangswys e „gschäftfierende Vorstand“ us dr Uschi Isele, em Jürgen Hack un em Günther Becker yygrichtet wore.
In dr Zyt, wu dr Winterhalter Bresidänt gsii isch, het d Muettersproch-Gsellschaft unter andrem 2009 s „Alemannische Wörterbuch für Baden“ vum Rudolf Post un dr Friedel-Scheer-Nahor uusegee un 2012 zäme mit dr Badische Heimat s alemannische Liederbuch „Woni gang und stand““ vum Uli Führe un em Stefan Pflaum.
Im Johr 2015 het d Muettersproch-Gsellschaft mit em em Feschtakt im Burgerhuus Zähringe z Fryburg am 19. Juni s 50-jehrig Jubliäum gfyyrt.
Wel dr SWR all weniger Dialäkt im Brogramm het, het d Muettersproch-Gsellschaft Unterschrifte gsammlet fir e „Mundartstund“, churz vor dr Wynächte 2016 het mer em SWR 12.147 Unterschrifte chenne ibergee, brocht het die Aktion aber nyt.
Im Lauf vu dr Johr isch d Mitgliderzahl gsunke, e Dail Regionalgruppe hän wäge Iberalterig mieße ufglest wäre, wäge däm het mer 2017 bschlosse, ass Projektteam bildet wäre, wu punktuäll, in ganz Sidbade verdailt, Veraastaltige chenne blane un durfiere.
Derzue het d Muettersproch-Gsellschaft in syre Bresidäntschaft au verschidenei Dialäkt-Wettbewärb (mit)organisert, unter anderem dr „Alemannerock-Wettbewärb“ z Oberried 2007, dr 1. Wettbewärb vu dr Aktion „Mundart in der Schule“ fir Schueler us ganz Bade-Wirttebärg 2008 un dr groß Mundartwettbewärb 2010 zäme mit dr Badische Zytig un SWR4.
Sunschtigs Engaschmänt
[ändere | Quälltäxt bearbeite]Dr Winterhalter isch zwanzg Johr lang Mitglid im Oberrieder Bfaargmairot gsii.
Uuszaichnige
[ändere | Quälltäxt bearbeite]Anne 2010 isch dr Winterhalter mit dr „Staufermedaille“ uuszaichnet wore.
Weblink
[ändere | Quälltäxt bearbeite]- Anja Bochtler: Franz-Josef Winterhalter steigt bei der Muettersproch-Gsellschaft aus, Badische Zeitung, 24. Septämber 2020
- Wolfgang Grosholz: Staufermedaille für Franz-Josef Winterhalter, Badische Zeitung, 19. Novämber 2010