Flaz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Flaz
De Flaz bi Punt Muragl

De Flaz bi Punt MuraglVorlage:Infobox Fluss/KARTE_fehlt

Date
Gwässerkennzaal CH: 46
Laag Engadin, Graubünde, Schwiiz
Flusssystem Donau
Abfluss über Inn → Donau → Schwarzes Meer
Quelle Mündig vom Rosegbach in Berninabach
46° 29′ 33″ N, 9° 54′ 1″ O46.49259.9001388888889
Vorlage:Infobox Fluss/QUELLHÖHE_fehlt
Mündig bi Samaade in Inn46.5433333333339.8920833333333Koordinaten: 46° 32′ 36″ N, 9° 53′ 31″ O; CH1903: 788158 / 157613
46° 32′ 36″ N, 9° 53′ 31″ O46.5433333333339.8920833333333
Vorlage:Infobox Fluss/MÜNDUNGSHÖHE_fehltVorlage:Infobox Fluss/HÖHENUNTERSCHIED_fehlt
Lengi 6,5 kmVorlage:Infobox Fluss/NACHWEISE_fehlen
Iizugsgebiet 194,0 km²Vorlage:Infobox Fluss/NACHWEISE_fehlen
Abfluss MQ
7,85 m³/s
Rächti Nääbeflüss Ova da Fain
Linggi Nääbeflüss Morteratschbach
Gmeinde Pontresina, Celerina/Schlarigna, Samaade

De Flaz (rätoromanisch il Flaz?/i oder au rätoromanisch  Ova dal Flaz?/i = Flazbach) isch en Fluss im Oberengadin und en Näbefluss vom Inn.

Der Afang het er im Zäntrum vo dr Gmaind Pontresina, a dere Stell, wo der Berninabach und der Rosegbach zämeflüsset. Das isch im Taal unde zwüschet em Dorf Pontresina und em Baanhof vo de Räätische Baan. De Berninabach chunt durs Berninataal vom Beninapass oben abe und dur di ängi Schlucht bi Pontresina dure in Taalbode. Über d Schlucht goot d Punt Ota. Dr Rosegbach het syn Louf vom Roseggletscher under em Piz Roseg dur s Rosegtaal uf Pontresina abe und chunt noch em letschte Taalabschnidd Clavadels zum Berninabach.

Vom Zämefluss vo de beide Oberlöif a heisst de Bach Flaz. Die Stell liit uf 1755 Meter über Meer. Öpe hundert Meter spöter chunt vo linggs d Gmaindgränze zwüsche Pontresina und Celerina an Flaz und louft vo do aa zwöiehalb Kilometer im Fluss. Dä louft unden am Wiiler Muragls verby, het drü Brugge vo de Kantonsstroosse und zwöi vo de Räätische Baan und chunt denn noch der Taalstazioon vo de Muottas Muragl-Baan und bi Acla usem Taal vo Pontresina uf d Ebeni vo Samaade use. Uf dr Oschtsyte vom Flugplatz vo Samaade verby goot er em Bärgfuess vom Muottas Muragl noo bis Gianda Naira (rätoromanisch gianda heisst uf dütsch Gröllhalde) und mündet grad vor em Val Champagna-Bach in Inn; d Ymündig liit uf de Höchi vo 1695 Meter.

S alte Flussbett vom Flaz isch vor dr Flusskorrekzion, wo dr Kanton Graubünde ane 2004 wäg de Hochwassergfoor gmacht het, vo Acla aa mee gäge Nordweschte ggange und het de Inn scho oben a Samaade erreicht. Dere Linie noo goot no jetz die alte Gmaindgränze vo Celerina und Samaade.

Bi der Ymündig het de Flaz mee Wasser als de Inn, und das bedütet, ass er räin hüdrologisch gsee eigentlich als Hauptfluss vom Inn-Sisteem cha gälte – und denn, wil de Inn bi Passau mee Wasser abebringt als d Donau, won er in se ymündet, isch de Flaz im Ganze gsee sogar der Afang vom hüdrologische Flusssischteem vo de Donau.

Weblink[ändere | Quälltäxt bearbeite]

 Commons: Flaz – Sammlig vo Multimediadateie