FC Bayern München

FC Bayern München
	FC Bayern München
Ganze Name	Fußball‑Club Bayern, München e. V.; (Hauptverain); FC Bayern München AG; (Spiilbedriib Profifueßball)
Ort	Minche, Bayern
Gründet	27. Februar 1900
Vereinsfarbe	rot-weiß
Stadion	Allianz Arena
Plätz	75.000
Präsident	Herbert Hainer
AG-Vorstand	Karl-Heinz Rummenigge (Vors.); Jan-Christian Dreesen; Andreas Jung; Jörg Wacker; Oliver Kahn
Trainer	Julian Nagelsmann
Homepage	www.fcbayern.de
Liga	Bundesliga
2022/23	1. Platz

Dr Fußball-Club Bayern, München e. V.,^[1] churz FC Bayern München, isch e Sportverain us er bairische Landeshauptstadt Minche. Är isch am 27. Februar 1900 grindet woren un isch mit iber 251.000 Mitglider dr zwaitgrescht Sportverain vu dr Wält.

Bekannt woren isch dr FC Bayern München dur syni professionäll Fueßballabdailig, wu mittlerwyle in d FC Bayern München AG uusglideret isch. Di erscht Herremannschaft spiilt syt dr Saison 1965/66 ohni Unterbrächig in dr Bundesliga un isch mit 26 Maischtertitel dr dytsch Rekordsiiger, derzue mit 17 Pokalsiig dytsche Rekordpokalsiiger. Au uf dr internationale Ebeni isch dr Verain mit mit acht Europapokalsiig,^[2] dodervu sächs in dr Champions League bzw. em Europapokal vu dr Landesmaischter, ain vu dr erfolgrychschte Verain vu Europa. Zwaimol het dr FC Bayern München dr Wältpokal un aimol d FIFA-Klub-WM gwunne. Dr grescht Erfolg isch em Verain anne 2013 un 2020 glunge mit em Triple. Di erscht Mannschaft drait ihri Haimspiil syter anne 2005 in dr Allianz Arena uus.

Zum FC Bayern ghere au no anderi Abdailige: d Fueßballfraue sin 1976 un 2015 Dytsche Maischter un 2012 DFB-Pokalsieger wore. D Basketballer sin drei Mol Maischter un aimol Pokalsiiger wore, d Schachabdailig het nyyn Dytschi Maischterschafte un ain Europapokal gwunne un d Durner sin vier Mol Dytschi Maischter wore.

Gschicht

Dialäkt: Bärndütsch

1998 bis 2001 Di nationali Dominaz u der Gwinn vo der Champions League 2001

I der Saison 2000/01 isch es am 34. Spiltag (19. Mai 2001) im Spil gäge Hamburger SV, im Fernduell mit em FC Schalke 04 um gwinn vo der dütschi Meischterschaft zum ne Krimi cho. Da der Oliver Kahn immer wider vo de gägnerische Fans mit Banane isch beworfe worde, isch d Parti zwüschem Hamburger SV u em FC Bayern Münche, wäg de Banane wo d Hambuerger Fans uf’s Spilfäld gschosse hei u der dadruus resultierende Ufrumarbeite, verspätet Apfiffe worde. Das het derzue gfüehrt, dass i de andere Stadie d Spil scho sy Abpfiffe gsi, wäret im Volksparkstadion geng no isch gspilt worde. Nachdäm der HSV mit em ne Chopfballträffer mit 1:0 i Füehrig gangen isch, het’s für e Meischterschafts gwinn für d Bayern ganz schlächt usgseh. I der dritte Minute vo der Nachspilzyt het eine vo de HSV Spiler der Ball zum Goali Mathias Schober gspilt. D Hamburger hei der Schober i dere Saison vom FC Schalke 04 usglehnt gha. Da är der Ball i däre Situation i d Hand gno het, het der Schitsrichter Dokter Markus Merk das als verstoss gäge dRückpassregle gwärtet u e indiräckte Freistoss für e FC Bayern gä. Der Patrik Andersson het i der 94. Minute dä Freistoss verwandlet u zum 1:1-Ändstand usgliche. Mit däm Träffer hei sech d Münchner d Meischterschaft gholt u Schalke, wo wäg em verspätete Apfiff u em ne Missverständnis der gwinn vo der Meischterschaft vor em Ändi vom Spil z Hamburg gfyret hei, isch zwoite worde. Nach däm der Merk Abpfiffe het, isch der Oliver Kahn zu der Eggfahne gsecklet, het die us em Bode grisse u mit ere uf em Rügge gjubliet.

Vier Tag später hei d Münchner 25 Jahr nach em letschte gwinn vom Europapokal vo de Landesmeischter u zwöi Jahr nach em dramatische Finale z Barcelona der Title zum vierte Mal chönne gwinne. Ds Champions League-Finale zwüschem FC Bayern u em FC Valencia het z Mailand stattgfunde u isch mit 5:4 im Elfmeterschiesse entschide worde. Der Oliver Kahn isch der Held vom Abe worde wil är drei Elfmeter pariert het.

2013 bis 2019 D Meischterschaftsserie u der Abschid vom Schwinschteiger em Lahm u em Robbery

D Saison 2018/19 isch di erschti Saison vom Niko Kovač als Trainer u glychzytig di letschti Saison vom Franck Ribéry u em Arjen Robben bim FC Bayern. Sys erschte Pflichtspiil em Supercap gwinnt der Niko Kovač mit em ne 5:0 gäge sy Ex-Verein. Är gwinnt di erscht 6 Spiil i der Bundesliga denn chunnts zu nere Krise. Am 19. Oktober 2018 het's d Bosse vom FC Bayern du verjagt wäg de Mediebrichte. Si hei du e Pressekonfeänz gä wo du allerdings komplett us em Rueder glufen isch.^[3] Uf das abe hei d Bosse d Konferänz abbroche. Nach däm sech der FC Bayern Münche wird het gfange gah, het d Manschaft d Ufholjagt gstartet u sogar Borussia Dortmund überholt. Am Ändi vo der Saison het der Niko Kovač du ds Dubel gholt. I der Champions League isch Bayern gäge Leverpool em Champions League Siiger usgschiede.

Syt 2019 Gägewart

I der Summerpouse 2019 hei mit em Rafinia, em Arjen Robben u der Franck Ribéry grad drei Stütze wo im bim Tripel gwinn sy der bi gsi der Verein verla. U ou der Uli Hoeness het im Ougust sys langjärige Amt als Presidänt ab gä.^[4] Am 10. Spiltag vo der Saison 2019/20 het der FC Bayern e 5:1 Niderserlag gäge Eintracht Frankfurt kassiert. Es isch die höchsti Niderlag vo de letschte 10 Jahr gsi. Das het der Niko Kovač du derzue veralasst de Bosse sy Rücktritt azbieten u so isch es du cho, dass es nach chly meh als em ne Jahr zur Trennig zwüschem Niko Kovač u em FC Bayern Münche isch cho. Vor sym Poste bim FC Bayern het der Niko Kovač Eintracht Frankfurt trainiert.^[5] Nachdäm der Hansi Flick ds Training überno het, hei d Bayern 4 mal hinderenand gwunne. Am 21. Dezämber 2019 gwinnt der FC Bayern gäge Wolfsburg geit uf Platz 3 i d Winterpouse. Wäret der Winterpouse het me du entschide, das der Hansi Flick bis zum Ändi vo der Saison Trainer blibt. Im April isch sy Vertag bis i z Jahr 2023 verlengeret worde.

Gwunneni Title

Di erschti Mannschaft vom FC Bayern Münche spilt syt der Saison 1965/66 i der Bundeliga. Es isch der erfolgrychsti Club z Dütschland u isch dütsche Reckortmeischter. Syt der 20. Meischterschaft täge d Spiiler uf em Trigo vier Stärne. Der FC Bayern isch der erschti Club wo's gschaft het, es Double erfolgrych z verteidige.

Internationale Titel

Europapokal vo de Landesmeischter/UEFA Champions League (6)
1973/74	1974/75	1975/76	2000/01	2012/13	2019/20
Europapokal vo de Pokalsieger (1)
1966/67
UEFA-Pokal/UEFA Europa League (1)
1995/96
UEFA Super Cup (2)
2013	2020
Wältpokal (2)
1976	2001
FIFA-Klub-Wältmeischterschaft (2)
2013	2020

Nationale Titel

Dütschi Fussballmeischterschaft (32)
1931/32	1968/69	1971/72	1972/73	1973/74	1979/80	1980/81	1984/85	1985/86	1986/87
1988/89	1989/90	1993/94	1996/97	1998/99	1999/2000	2000/01	2002/03	2004/05	2005/06
2007/08	2009/10	2012/13	2013/14	2014/15	2015/16	2016/17	2017/18	2018/19	2019/20
2020/21	2021/22	2022/23
DFB-Pokal (20)
1957	1965/66	1966/67	1968/69	1970/71	1981/82	1983/84	1985/86	1997/98	1999/2000
2002/03	2004/05	2005/06	2007/08	2009/10	2012/13	2013/14	2015/16	2018/19	2019/20
Ligapokal (6)
1997	1998	1999	2000	2004	2007
Supercup (8)
1987	1990	2010	2012	2016	2017	2018	2020
Der „Supercup 1982“, wo der FC Bayern Münche im Frühlig 1983 gwunne hett, isch inoffiziell ustreit worde.

Spiiler

Kader vu dr Saison 2020/21

Position	Nr.	Nat.	Name	Geburtstag	im Verain syt	Verdrag bis
Goal	01	Deutschland	Manuel Neuer (C)	27. März 1986	2011	2023
	35	Deutschland	Alexander Nübel	30. Septämber 1996	2020	2025
	39	Deutschland	Ron-Thorben Hoffmann^II	4. April 1999	2015	2021
Abwehr	04	Deutschland	Niklas Süle	3. Septämber 1995	2017	2022
	05	Frankreich	Benjamin Pavard	28. März 1996	2019	2024
	08	Spanien	Javi Martínez	2. Septämber 1988	2012	2021
	17	Deutschland	Jérôme Boateng	3. Septämber 1988	2011	2021
	19	Kanada	Alphonso Davies	2. Novämber 2000	2018	2025
	20	Frankreich	Bouna Sarr	31. Januar 1992	2020	2024
	21	Frankreich	Lucas Hernández	14. Februar 1996	2019	2024
	23	Frankreich	Tanguy Nianzou	7. Juni 2002	2020	2024
	27	Osterreich	David Alaba	24. Juni 1992	2008	2021
	41	Vereinigte Staaten	Chris Richards	28. März 2000	2018	2023
	43	Deutschland	Bright Arrey-Mbi^II	26. März 2003	2019	2022
Mittelfäld	06	Deutschland	Joshua Kimmich	8. Februar 1995	2015	2023
	07	Deutschland	Serge Gnabry	14. Juli 1995	2017	2023
	10	Deutschland	Leroy Sané	11. Januar 1996	2020	2025
	11	Brasilien	Douglas Costa	14. Septämber 1990	2020	2021
	18	Deutschland	Leon Goretzka	6. Februar 1995	2018	2022
	22	Spanien	Marc Roca	26. Novämber 1996	2020	2025
	24	Frankreich	Corentin Tolisso	3. Ouguscht 1994	2017	2022
	28	Portugal	Tiago Dantas	24. Dezämber 2000	2020	2021
	29	Frankreich	Kingsley Coman	13. Juni 1996	2015	2023
	36	Deutschland	Angelo Stiller^II	4. April 2001	2010	2021
	42	England	Jamal Musiala	26. Februar 2003	2019	2022
Sturm	09	Polen	Robert Lewandowski	21. Ouguscht 1988	2014	2023
	13	Kamerun	Eric Maxim Choupo-Moting	23. März 1989	2020	2021
	14	Niederlande	Joshua Zirkzee	22. Mai 2001	2017	2023
	25	Deutschland	Thomas Müller	13. Septämber 1989	2000	2023

^II auch im Kader der zweiten Mannschaft

Ehmoligi Spiiler (Uuswahl)

Klaus Augenthaler (1976–1991, Libero)
Franz Beckenbauer (1964–1977, Libero)
Paul Breitner (1970–1974, 1978–1983, Verdaidigung, Mittelfäld)
Stefan Effenberg (1990–1992, 1998–2002, Mittelfäld)
Giovane Élber (1997–2003, Sturm)
Konrad Heidkamp (1928–1937, Verdaidigung)
Uli Hoeneß (1970–1978, Sturm)
Oliver Kahn (1994–2008, Dorwart)
Bixente Lizarazu (1997–2004, 2005–2006, Verdaidigung)
Sepp Maier (1962–1979, Dorwart)
Lothar Matthäus (1984–1988, 1992–2000, Mittelfäld, Abwehr)
Gerd Müller (1964–1979, Sturm)
Franz „Bulle“ Roth (1966–1978, Mittelfäld)
Karl-Heinz Rummenigge (1974–1984, Sturm)
Mehmet Scholl (1992–2007, Mittelfäld)
Georg „Katsche“ Schwarzenbeck (1966–1981, Verdaidigung)
Tom Starke (2012-2018 Dorwart)
Mats Hummels (2007, 2016-2019 Verdaidigung)
Rafinha (2011-2019 Verdaidigung)
Juan Bernat (2014-2018 Verdaidigung)
Franck Ribéry (2007-2019 Mittelfäld)
Arjen Robben (2009-2019 Mittelfäld)
James (2017-2019 Mittelfäld)
Sebastian Rudy (2017-2018 Mittelfäld)
Arturo Vidal (2015-2018 Mittelfäld)

Literatur

Dietrich Schulze-Marmeling: Die Bayern. Die Geschichte des deutschen Rekordmeisters. Die Werkstatt, Göttingen 2006, ISBN 3-89533-534-7.
Thomas Hüetlin: Gute Freunde. Die wahre Geschichte des FC Bayern München. Blessing, München 2006, ISBN 3-89667-254-1.
Ralf Grengel, Rafael Jockenhöfer: 100 Jahre FC Bayern München… und ein paar Titel mehr. powerplay-Verlag, Berlin 2001, ISBN 3-9804611-3-0.
Dietrich Schulze-Marmeling: Der FC Bayern und seine Juden. Aufstieg und Zerschlagung einer liberalen Fußballkultur. Verlag Die Werkstatt, Göttingen 2011, ISBN 978-3-89533-781-9^[6]
Christoph Bausenwein, Dietrich Schulze-Marmeling: FC Bayern München. Unser Verein, unsere Geschichte. Verlag Die Werkstatt, Göttingen 2012, ISBN 978-3-89533-894-6.

Weblink

Commons: FC Bayern München – Sammlig vo Multimediadateie

Offiziälli Websyte vum FC Bayern Münche

Fueßnote

↑ ^1,0 ^1,1 Volle Name/Langname noch em Verainsregischter VR 2463 am Amtsgricht Minche: "Fußball-Club Bayern, München eingetragener Verein"; lueg unter https://www.handelsregister.de
↑ Dr UEFA Super Cup isch do nit mitzellt, wel dä europäisch Titel normalerwys nit as Europapokal klassifiziert wird.
↑ Stellungnahme zu Medienberichten | Hoeneß, Rummenigge & Salihamidžić im FC Bayern-Pressetalk vom 19. Okober 2018
↑ Uli Hoeneß über seinen Rückzug als Präsident FC Bayern Pressekonferenz ds Video vom 30. Ouguscht 2019
↑ FC Bayern trennt sich von Trainer Niko Kovač. Mitteilig vom FC Bayern Münche vom 3. Novämber 2019.
↑ Vgl. Markwart Herzog: Fußball unterm Hakenkreuz In: H-Soz-u-Kult, 15. Juni 2011 (Sammelrezension zu: Gregor Backes: „Mit Deutschem Sportgruss, Heil Hitler“. Der FC St. Pauli im Nationalsozialismus. Hamburg 2010/Dietrich Schulze-Marmeling: Der FC Bayern und seine Juden. Aufstieg und Zerschlagung einer liberalen Fußballkultur. Göttingen 2011/Jakob Rosenberg u. a. (Hrsg.): Grün-Weiß unterm Hakenkreuz. Der Sportklub Rapid im Nationalsozialismus (1938–1945). Wien 2011).

Dä Artikel basiert uff ere fräie Übersetzig vu dere Version vum Artikel „FC_Bayern_München“ vu de dütsche Wikipedia. E Liste vu de Autore un Versione isch do z finde.

[FCB-1] 1,0 ^1,1 Volle Name/Langname noch em Verainsregischter VR 2463 am Amtsgricht Minche: "Fußball-Club Bayern, München eingetragener Verein"; lueg unter https://www.handelsregister.de

[2] Dr UEFA Super Cup isch do nit mitzellt, wel dä europäisch Titel normalerwys nit as Europapokal klassifiziert wird.

[3] Stellungnahme zu Medienberichten | Hoeneß, Rummenigge & Salihamidžić im FC Bayern-Pressetalk vom 19. Okober 2018

[4] Uli Hoeneß über seinen Rückzug als Präsident FC Bayern Pressekonferenz ds Video vom 30. Ouguscht 2019

[5] FC Bayern trennt sich von Trainer Niko Kovač. Mitteilig vom FC Bayern Münche vom 3. Novämber 2019.

[6] Vgl. Markwart Herzog: Fußball unterm Hakenkreuz In: H-Soz-u-Kult, 15. Juni 2011 (Sammelrezension zu: Gregor Backes: „Mit Deutschem Sportgruss, Heil Hitler“. Der FC St. Pauli im Nationalsozialismus. Hamburg 2010/Dietrich Schulze-Marmeling: Der FC Bayern und seine Juden. Aufstieg und Zerschlagung einer liberalen Fußballkultur. Göttingen 2011/Jakob Rosenberg u. a. (Hrsg.): Grün-Weiß unterm Hakenkreuz. Der Sportklub Rapid im Nationalsozialismus (1938–1945). Wien 2011).

[1]

[2]

[3]

[4]

[5]

[6]