VfB Schduagert

VfB Schduagert
	VfB Schduagert
Ganze Name	Verei für Bewegungsspiele Schduagert 1893 e. V.
Spitzname	Rote Schwoba
Ort	Schduagert, Bada-Wirdaberg
Gründet	9. September 1893
Vereinsfarbe	Weiß-Rot
Stadion	MHPArena
Plätz	60.449 (Indernazional: 54.812)
Präsident	Claus Vogt
Vorstand	Thomas Hitzlsperger; Stefan Heim; Jochen Röttgermann
Trainer	Sebastian Hoeneß
Homepage	www.vfb.de
Liga	Bundesliga
2024/25	9. Platz

Dialäkt: Schwäbisch

Dr VfB Schduagert (offiziell Verein für Bewegungsspiele Stuttgart 1893 e. V.) isch an Spordverei ausm Schduagerter Stadtbzirk Bad Cannstatt. Mid iber 100.000 Mitglidr isch dr VfB dr greischde Spordverei vo ganz Bada-Wirdaberg.

Dr VfB isch bsonders für sei Fuaßballabteilung bekannt. D Fuaßballmannschaft vom VfB isch fünf mol Deitschr Moischdr wora (1950, 1952, 1984, 1992 ond 2007) ond hot vier mol da DFB-Pokal gwonna (1954, 1958, 1997 ond 2025).

D Rote schbielad in dr MHPArena im Neckarpark.

Rivala send dr FC Bayern München, dr KSC ond d Blaue Kickers ausm Schduagerter Stadtdoil Dägerloch.

Gschicht

Am 9. September 1893 isch dr Fußballverein Stuttgart gründet worda. Vier Johr später hot sich en Cannstatt dr FC Krone gründet. Die zwoe Verai hend sich dann am 2. April 1912 zammagschlossa ond sich da Nama Verein für Bewegungsspiele Stuttgart 1893 e. V. geba. En seiner erschda Säsoo hot der VfB en dr Südkreisliga gschbield, was domols d’ hegschda Liga war.

Em Johr 1946 isch der VfB Moischdr en der amerikanischa Besatzungszone worda, an Moischdr von ganz Deitschland isch en dem Johr koiner ausgschbield worda. Vier Johr später hot’s dann mit der erschda deitscha Moischdrschaft klappt ond zwoe Jahr druff glei nomåhl.

Als d Bundesliga 1963 gründet worda isch, war dr VfB oins vo de sechzehn Grindongsmitglieder. Bisher hend se d Bundesliga dreimol gwenna kenna. Seit dr dritta Moischdrschaft dirfed se an Stern uffm Trikot traga.