Försteland
S Försteland isch de Name vom Piet zwöschet de Städt Wil und Rorschach im Kantoo Sanggale. S Zentrum isch d Stadt Sanggale. Im Ooste grenzt s Försteland as Rintl, im Süüde as Appizellerland und as Toggeborg und im Weste und Norde as Tuurgi und an Bodesee. Politisch isch s Försteland hüt uuftailt i d Waalchrais Rorschach, Sanggale und Wiil.
Vercheer
[ändere | Quälltäxt bearbeite]S Försteland isch schwiizerisch und international seer guet as Vercheersnetz abonde. D Autobaa A1 verbindet d Städt Sanggale, Goosse und Wiil mit Zöri und anderene schwiizer Grosstädt. Di gliiche Städt liget au a de Iisebaalini Rorschach–Gempf und Zöri–Bregetz–Münche. Wiil isch e Iisabaachnotepunkt mit Lini is Toggeburg (Toggeborger Baa, ehmols TB, hüt SOB) und is Turgi (Frauefelder Bäändli, FWB). Sanggalle litt zodem a de Südostbaa (SOB), wo de Bodesee und s Toggeborg mit de Innerschwiz verbindet. Zodem gönd verschidnigi Linie vom Appizellerbäändli (AB) vo Sanggalle und Gosse uus.
Wertschaft
[ändere | Quälltäxt bearbeite]S Försteland isch zum grosse Tail ländlich mit Grääs- und Obstwertschaft, i de Agglomeratione vo Wil, Gosse und Sanggale gits au Industrii. De Turismus isch im westliche Tail nöd grad wichtig, woll aber büütet d Stedt Sanggale mit em Chlosterbezerk und Rorschach mit em Bodesee interessanti Uusfluugsziil. Wiil isch zodem e wichtigs Iichaufszentrm för de südlich Tuurgau und s undere Toggeborg.
Gschicht
[ändere | Quälltäxt bearbeite]S Försteland, früener au Aalti Landschaft ghaiise, isch binennt noch em Chlosterstaat Sanggale, wo vom ene Förstapt regiert woren isch.
Literatur
[ändere | Quälltäxt bearbeite]- Werner Vogler: Alte Landschaft (SG). In: Historisches Lexikon vo dr Schwiiz.
- Hans-Peter Höhener: Der Grenzatlas der stiftsanktgallischen Alten Landschaft von ca. 1730. i: Cartographica Helvetica Heft 6 (1992) S. 33–37 (Volltext uf e-periodica.ch) (Site cha nüme abgrüeft wärde; Suche im Webarchiv)
- Johannes Huber: Entlang der Fürstenland-Strasse: Die Kulturlandschaft der Abtei St. Gallen. 2 Bände. Verlag am Klosterhof, St. Gallen 2008, ISBN 978-3-906616-88-9.
- Johannes Huber: Die Fürstenland-Strasse entdecken in der Kulturlandschaft St. Gallen (= Schriften des Vereins für Geschichte des Bodensees und seiner Umgebung. Bd. 130). Thorbecke, Stuttgart 2012, ISBN 978-3-7995-1718-8.