Iiwohnerrat Wettige
De Iwohnerrat Wettige isch s Gmeindsparlament vo de Schwiizer Iiwohnergmeind Wettige. Er isch de ältischt Iiwohnerrat im Kanton Aargau und het am 21. Januar 1966 zum erschte Mol taged. Sit sinere Gründig het er 50 Mitglider.
Vorgschicht
[ändere | Quälltäxt bearbeite]Di legislativ Gwalt in ere Gmeind ligd in de Schwiiz normalerwiis bi de Gmeindsversammlig. Das isch bis im 1965i au z Wettige so gsi. Dur s starke Bevölkerigswachstum sit em Aafang vom 20. Jahrhundert bis in d 1960er-Johr, isch es immer schwiriger worde, s Quorum an Stimmberechtigte z erfülle, wo damals vorgschribe gsi isch. Das het bi 50 % vo de 20- bis 60-jährige Manne gläge und in de 1960er-Johr e Beteiligung vo über 2000 Stimmbürger erfordered. Wenn s Quorum nöd erfüllt worde isch, dann het d Versammlig müesse vertagd werde, was in de 10 Johr vor de Iiführig vom Iiwohnerrat acht Mol passiert isch. D Iiführig vom Iiwohnerrat isch dur e kantonali Gsetzesänderig ermögliched worde, wo im 1963 verabschided wore isch. Im Dezember 1964 isch denn vo de Gmeindsversammlig di noi Gmeindsordnig bschlosse worde und am 14. November 1965 hend d Wahle zum erschte Iiwohnerrat stattgfunde.
Vo 1966 bis hüt
[ändere | Quälltäxt bearbeite]De erschti Präsident vom Iiwohnerrat isch de CVP-Politiker und späteri Grossratspräsident Max Knecht worde. Sini Partei het damals 16 vo de 50 Sitz gha und het d Mandatszahl bis aafangs vo de 1980er-Johr uf 19 chönne usbaue, bevor d Sitzzahl retour gange isch uf hüt 12 Sitz. Dafür het d SVP, wo am Aafang vo de 1980er numme zwei Sitz gha het, in de Legislatur 2014/17 zu de CVP chönne ufschlüsse und isch mit 12 Sitz im Rat verträte gsi. In de Zwüscheziit het d SVP numme no 11 Sitz, wil einer bi de Wahle am 24. September 2017 verlore gange isch. Nach de Iifüerig vom Frauewahlrecht im 1971 sind bi de Gsamternoierigswahle im 1973 zum erschte Mal füf Frau gwählt worde, wo am Aafang vo de Legislatur 1974 ihres Mandat aaträte hend. Di erschti und bisher einzig Präsidentin vom Iiwohnerrat isch d Margrit Wahrstätter gsi, wo das Amt als höchschti Wettigeri in de Jahr 2000 und 2001 bekleided het.
Wahlergäbnis und Sitzverteilig
[ändere | Quälltäxt bearbeite]Wahlergäbnis un Sitzverteilig vo de Wahl vom 24. September 2017
[ändere | Quälltäxt bearbeite]| Aazahl Sitz | 50 |
| Legislaturperiode | 2018/2021 |
| Wahlberechtigti | 12'577 |
| Abgebni Wahlzettel | 5'248 |
| Wahlbeteiligung |
| Partei | Stimmezahl (Kandidatestimme und Zuesatzstimme) |
Sitz (01.01.2018) |
|---|---|---|
| Chrischtlichdemokratische Volkspartei (CVP) | 56'028 | 12 |
| Schwiizerischi Volkspartei (SVP) | 49'348 | 11 |
| Sozialdemokratischi Partei (SP) | 40'220 | 9 |
| Freisinnig-Demokratischi Partei (FDP) | 34'083 | 7 |
| Evangelischi Volkspartei (EVP) | 15'471 | 3 |
| WettiGrüen | 11'358 | 2 |
| Grünliberali Partei (glp) | 17'309 | 4 |
| Forum 5430 | 11'637 | 2 |
| Freii Wähler Wettige | 1'784 | – |
Präsidente vom Iiwohnerrat
[ändere | Quälltäxt bearbeite]| Jahr | Name | Partei/Fraktion |
|---|---|---|
| 1966–1967 | Max Knecht | CVP |
| 1968–1969 | Walter Bopp | SP |
| 1970–1970 | Ernst Quenzer | FDP |
| 1970–1971 | Werner Auer | FDP |
| 1972–1973 | Anton Käppeli | EVP |
| 1974–1975 | Bernhard Meier | CVP |
| 1976–1977 | Hansruedi Burkhard | SP |
| 1978–1979 | Ernst Bär | FDP |
| 1980–1981 | Uli Burger | EVP |
| 1982–1983 | Werner Suter | CVP |
| 1984–1985 | Peter Wider | SP |
| 1986–1987 | Ernst Ryser | FDP |
| 1988–1989 | Ruedi Wagner | SVP |
| 1990–1991 | Marcel Meier | CVP |
| 1992–1993 | Walter Hunkeler | LDU |
| 1994–1995 | Walter Hugentobler | FDP |
| 1996–1997 | Felix Feiner | SP |
| 1998–1999 | Alois Voser | CVP |
| 2000–2001 | Margrit Wahrstätter | EVP |
| 2002–2003 | Heinz Germann | FDP |
| 2004–2005 | Marcel Huggenberger | SP |
| 2006–2007 | Werner Wunderlin | CVP |
| 2008–2009 | Hermann Steiner | SVP |
| 2010–2011 | Beat Brunner | FDP |
| 2012–2013 | Marco Kaufmann | Forum 5430 |
| 2014–2015 | Joseph Wetzel | SP |
| 2016–2017 | Paul Koller | CVP |
| 2018– | Hansjörg Huser | SVP |
Quelle
[ändere | Quälltäxt bearbeite]«Das waren die Pioniere im Aargau», Artikel im Badener Tagblatt vom 19. Oktober 2016