Diskussion:Schluchsee (See)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Kandidatuur[Quälltäxt bearbeite]

  1. Symbol support vote.svg Läsig De Artikel isch jo im Schryybwettbewärb usszeichnet worde, ùn isch mindeschtens läsig! Verbesserigspünkt wäre no Einzelnoochwys vo Quelle, grad zur Ethymologi vùm Name, ùn e chly lengri Yyleitig, wo di wichtigscht Sache zämmefasst. --Terfili (Diskussion) 03:57, 27. Sep. 2016 (MESZ)
    • Ich bii do mittlerwyli skeptisch. Ass dr Name urspringli vu 'Schluuch' soll chuu, glaub i no dr erschte Noowys (Slocse bzw. Schluochsee) ender doch nit. S cha aber natyrli syy, ass hite dr Name volkstymologisch aagläänt isch an 'Schluuch'. Ich persenlig chänn dr Name nume mit eme churze u, aber ich bii au nit vu dert. --Holder (Diskussion) 06:16, 27. Sep. 2016 (MESZ)
    @Freigut: chenntsch du bitte mol gschwind im Badische Werterbuech nooluege, eb dert ebis stoot zum Name? Merci vylmol. --Holder (Diskussion) 06:25, 27. Sep. 2016 (MESZ)
    @Holder: Tialäktaali Uusspraach i de Regioon: Schluochs (1925, wol äigetli s Glych wie s nööchscht), Schluechs (1978, ganz bräit biläit), Schlues (1933 und 1978), modèrn au Schluchsee (1978; mit churzem /u/). Hischtoorischi Bileeg: lacus Sluochse (983), der sê ze Sluoze (1312). A Düütige gèbs: «nach Krieger 2, 866 ‚See in der Schlucht‘, nach Litbl. 1917, 375 ‚langgestreckter, schlauchförmiger See‘». – Das ales nach em Badische Wöörterbuech IV 622 f. Und na en Komäntaar vo miir: Di zwäit Düütig gaat nööd, di alten und di nöie Bileeg händ all en Diftong, e Hèèrläitig vo ‚Schlauch‘ müesst aso en alts *slûchsê reschp. e hüttigs *Schluuchsee voruussetze. Die eerscht Düütig mag sy; di hüttig Mundaart gchänt zwaar ekäis Schluecht me, sondern säit Schlucht, was us de Schriftspraach chunt; wil Schluecht i de mee alpynen und vooralpyne Tialäkt aber hütt na voorchunt, mäin i, es seg vor langer Zyt au im Süüdschwarzwald emaal läbig gsy. So richtig glaube tuen i die Düütig aber au nööd, de früescht Bileeg isch nu sluoch-, nöd sluocht-; s «z» im zwäite hischtoorische Bileeg chönt aber uf es t+s hiiwyse. Sicher isch dèè Name ämel nanig tüüted. Vilicht isch gaar ekäis Grundwoort -see daa? I de Mundaart ghöört -s ämel nöd zumene -see. En Gruez vom --Freiguet (Diskussion) 10:05, 27. Sep. 2016 (MESZ)
    Ha iez de Täggscht im Artikel aapasset. --Freiguet (Diskussion) 10:22, 27. Sep. 2016 (MESZ)
    @Freigut: Dankeschen vylmol, ich haa des jetz gly au uf dr dewiki dryydue. --Holder (Diskussion) 11:24, 27. Sep. 2016 (MESZ)
    Prima! --Freiguet (Diskussion) 11:30, 27. Sep. 2016 (MESZ)
  2. Symbol support vote.svg Läsig --Schofför (Diskussion) 00:17, 28. Sep. 2016 (MESZ)
  3. Symbol support vote.svg Läsig D Schluri und s Alter vo de Staumuur sött me em ufmerksame Läser früehner erchläre, am beschte grad i de Yleitig. --Pakeha (Diskussion) 14:25, 28. Sep. 2016 (MESZ)
  4. Symbol support vote.svg Läsig No dr Korrektur vu dr Etymology. --Holder (Diskussion) 11:38, 4. Okt. 2016 (MESZ)
  5. Symbol support vote.svg Läsig dito. --Freiguet (Diskussion) 16:31, 4. Okt. 2016 (MESZ)
  6. Symbol support vote.svg Läsig --Henri Berger (Diskussion) 11:02, 10. Okt. 2016 (MESZ)

Usswärtig: usszaichnet als läsig. (Noch über einre Wùch 6 Pro- ùn kei Contra-Stimme). --Terfili (Diskussion) 10:39, 23. Okt. 2016 (MESZ)

Do ane kopiert vo Wikipedia:Bsunders glungeni Artikel/Abstimmigarchiv 2016. --Terfili (Diskussion) 10:41, 23. Okt. 2016 (MESZ)

Merci villmòl für dè Status 'läsig'. Mir isch diè etǜmologischi Umdütung allerdings is Aug gschprungè. Dè Uusdrugg Schluecht isch in èrè Abwandlung i dè Südschwarzwälder durchuus in Gebruuch, un zwar als Nammè vom Schluuchsee-Abfluss Schlüècht, èn Fluss, wo im Mittelteil in èrè steilè Schlucht zwüschè Rièderschteeg un Guètèburg. Beidi Ableitigè sin möglich, abber offèsichtlich nit subber z belegè. Ich würd vorschlaa, beidi Möglichkeitè als söttigi z kennzeichnè, un diè fäälende Belegbarkeit so z vomerkè, im bsunderè deshalb, well beides sy cha, bloss nit Schluch-, d.h. entwedder Schluuch- odder Schluèch-. Dass diè hütig Schrybwys ent-alemannisyrt dehèr cho ka, sièt mò scho bi Aha, wo selbschtvoschtändlich Aaha uusgschprochè wörd, abber halt nit so gschribbè wörd. Mò sött also in Betracht ziè, dass diè urschprünglich Schrybwys zwar bybhaltè worrè isch, d Uusschprõch sich abber gänderèt hèt, also è gschribenès u hützdaag halt u un nit uu uusgschprochè wörd. --fideli (Diskussion) 12:07, 24. Okt. 2016 (MESZ)
Äh, wie wird de Name jetz eigetli in de moderne Mùndart (also wemmer nit grad Schluechs sait) gnau ussgsproche? Mit eme lange oder chùrze [u]? Also [ʃluxz̥eː] oder änder [ʃluːxz̥eː]? Ich chùmm bi däm Pùnkt jetz nämli nümm ganz mit. --Terfili (Diskussion) 13:16, 24. Okt. 2016 (MESZ)
Di modèrn Uussprach isch Schluchsee mit churzem, offenem /u/, aso [ʃlʊxz̥eː]. Und näi, Fideli, Schluuch- mit langem, gschlossenem /u:/, aso [uː], isch nöd mögli. Zum Eerschte lönd all hischtoorische Beleeg e söttigi Interpretazioon nöd zue, und zum Zwäite lönds au di rezänten Uussspraachwariante nöd zue. Zum Dritte miech en söttige Name au motyyvisch ekän Sinn – der alt Schluechs, aso dèè vor de Stauig, isch ja wäiss Gott ekän «Schluuch» gsyy. --Freiguet (Diskussion) 10:04, 25. Okt. 2016 (MESZ)
Dè Ur-Schluchsee isch sèlbschtvoschtändlich no mee schluuchförmig gsi wiè dè hütig Stausee. D Chartè isch jo i dè Artikel iibundè, sèll chammer nit übbersää. S mag durchuus sy, dass Schluch- vo Schluoch- odder Schluèch- abglaitet isch, sèll han i nit bschtrittè. Abber diè Yheimischè sägèd hützdaag, wiè obbè korrèkt erwäänt, Schluchsee mit kurzem, offenem u. Im Gegèsatz zuè dè Schlücht, wo bi dè Yheimischè Hoch- un Südschwarzwälder bis hüt Schlüècht heissè duèt, ergo isch dè Diphthong dört (öppè 6 km vom Schluchsee èwäg !) am Läbbè blibbè, wa ebbè bim Schluchsee nimmi dè Fall isch. Letschtes Beleeg für d fäälende Diphthong bim Schluchsee: d Schluchseewärch wörrèd im örtlichè Dialèkt als Schluri un nit als Schlueri odder Schluori benamst => kein Diphthong => q.e.d. Un è letschti Bemerkig: S isch hochwóórschinlich, daß Schluch- vo Schluoch- odder Schluèch- hèr chunnt, s lòt sich abber nit hundertbrozèntig bewyysè, well irgendwenn mòl dè Diphthong d Schwarza durab gschpüèlt worrè isch. Insofèrn muèn i dè Uussaag vom Freiguet widderschprèchè. --fideli (Diskussion) 12:07, 17. Nov. 2017 (MEZ)

Extärni Link gänderet[Quälltäxt bearbeite]

Sali Mitautore,

Ich haa 1 extärni Link uf Schluchsee (See) gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 14:58, 9. Sep. 2017 (MESZ)

Extärni Link gänderet[Quälltäxt bearbeite]

Sali Mitautore,

Ich haa 1 extärni Link uf Schluchsee (See) gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 17:39, 17. Mär. 2020 (MEZ)