Christian Kühn
| Dialäkt: Undermarkgreflerisch |
Dr Christian Kühn (* 9. April 1979 z Diibenge), vylmol au churz Chris Kühn, isch e dytsche Bolitiker (Bindnis 90/Di Griene). Syt Februar 2024 isch er Bresidänt vum Bundesamt fir d Sicherhait vu dr nukleare Entsorgig. Dervor isch er vu 2013 bis 2024 Mitglid vum Dytsche Bundesdag un vu 2021 bis 2024 Barlemäntarische Staatssekretär bi dr Bundesminischteri fir Umwält, Naturschutz, nukleari Sicherhait un Verbruucherschutz gsii. Vu 2009 bis 2013 isch er Landesvorsitzer vum Landesverband Bade-Wirttebärg vu Bindnis 90/Di Griene gsii.
Lääbe
[ändere | Quälltäxt bearbeite]No dr Schuel un em Zivildienscht z Geppenge het dr Kühn z Diibenge Bolitikwisseschafte un Soziologi studuert un isch syter anne 2009 Studieberoter an syre Universitet.
Dr Kühn isch in syre Schuelzyt im Jugedgmairot un in dr Naturschutzjuged aktiv gsii. Syt 1998 isch er Mitglid bi Bindnis 90/Di Griene. Vu 2002 bis 2006 un wider ab 2008 isch er Mitglid vum Chraisvorstand im Diibenger Chraisverband vu dr Griene. Är isch Mitarbaiter im Wahlchraisbiro vum Bundesdagsabgordnete Winfried Hermann gsii. Uf dr Landesdelegiertekumferänz (LDK) im Novämber 2009 z Biibra hän e di bade-wirttebärgische Griene zämme mit dr Silke Krebs zue aim vu dr zwai glychbrächtigte Landesvorsitzer*ne gwehlt. Uf der LDK im Oktober 2011 z Oole isch er, näbe syre neigwehlte Mitvorsitzeri Thekla Walker mit eme Rekordergebnis vu 95,7 Brozänt im Amt bstetigt.
Bi dr Bundesdagswahl 2013 isch er iber di bade-wirttebärgisch Landeslischt uf Blatz 6 in dr Bundesdag yyzoge. Bi dr Bundesdagswahl 2017 un bi dr Bundesdagswahl 2021 isch er iber di grien Lischtze wider in Bundesdag gwehlt wore. Vu 2013 bis 2021 isch er Sprächer fir Böu- un Wohnigsbolitik vu dr Bundesdagsfraktion vu syre Bartei gsii un fir sy Bartei au ordeli Mitglid un Obmann im Uusschuss fir Böu, Wohne, Stadtentwicklig un Kommune. Dernäbe isch er stellverdrättend Mitglid im Uusschuss fir Umwält, Naturschutz un nukleari Sicherhait un im Uusschuss fir Rächt un Verbruucherschutz gsii. Vu 2018 bis 2021 isch er au stellverdrättend Mitglid im Huushaltsuusschuss gsii.
Ab em 8. Dezämber 2021 isch er Barlemäntarische Staatssekretär bi dr Bundesminischteri fir Umwält, Naturschutz, nukleari Sicherhait un Verbruucherschutz, Steffi Lemke, gsii.
Am 15. Februar 2024 isch dr Kühn as Noofolger vum Wolfram König Bresidänt vum Bundesamt fir d Sicherhait vu dr nukleare Entsorgig wore. Sy Abgornetemandat het er niderglait, fir iin isch dr Jürgen Kretz in Bundesdag noogruggt. Im Amt vum Barlemäntarische Staatssekretär isch dr Jan-Niclas Gesenhues sy Noofolger wore.
Är läbt z Eemahausa, isch ghyrote un het zwee Sihn un e Dochter.
Weblink
[ändere | Quälltäxt bearbeite]
Commons: Christian Kühn – Sammlig vo Multimediadateie
|
Dä Artikel basiert uff ere fräie Übersetzig vum Artikel „Christian_Kühn“ vu de dütsche Wikipedia. E Liste vu de Autore un Versione isch do z finde. |