Christian Kühn

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch
dr Chris Kühn (2014)

Dr Christian Kühn (* 9. April 1979 z Diibenge), vylmol au churz Chris Kühn, isch e dytsche Bolitiker (Bindnis 90/Di Griene) un Mitglid vum Dytsche Bundesdag. Syt em 8. Dezämber 2021 isch er Barlemäntarische Staatssekretär bi dr Bundesminischteri fir Umwält, Naturschutz, nukleari Sicherhait un Verbruucherschutz, Steffi Lemke. Vu 2009 bis 2013 isch er Landesvorsitzende vum Landesverband Bade-Wirttebärg vu Bindnis 90/Di Griene gsii.

No dr Schuel un em Zivildienscht z Geppenge het dr Kühn z Diibenge Bolitikwisseschafte un Soziologi studuert un isch syter anne 2009 Studieberoter an syre Universitet.

Dr Kühn isch in syre Schuelzyt im Jugedgmairot un in dr Naturschutzjuged aktiv gsii. Syt 1998 isch er Mitglid bi Bindnis 90/Di Griene. Vu 2002 bis 2006 un wider ab 2008 isch er Mitglid vum Chraisvorstand im Diibenger Chraisverband vu dr Griene. Är isch Mitarbaiter im Wahlchraisbiro vum Bundesdagsabgordnete Winfried Hermann gsii. Uf dr Landesdelegiertekumferänz (LDK) im Novämber 2009 z Biibra hän e di bade-wirttebärgische Griene zämme mit dr Silke Krebs zue aim vu dr zwai glychbrächtigte Landesvorsitzende gwehlt. Uf der LDK im Oktober 2011 z Oole isch er, näbe syre neigwehlte Mitvorsitzende Thekla Walker mit eme Rekordergebnis vu 95,7 Brozänt im Amt bstetigt. Bi dr Bundesdagswahl 2013 isch er iber di bade-wirttebärgisch Landeslischt uf Blatz 6 in dr Bundesdag yyzoge. Syt Dezämber 2013 isch er Sprächer fir Böu- un Wohnigsbolitik vu dr Bundesdagsfraktion vu syre Bartei.

Dr Kühn ghert zue dr Befirworter vun eme Bedingigslose Grundyychuu. Är isch au wie di maischte vu syne Barteifrynd e Gegner vu Stuttgart 21.

Är läbt z Diibenge, isch ghyrote un het e Suhn (* 2014).

Weblink[ändere | Quälltäxt bearbeite]

 Commons: Christian Kühn – Sammlig vo Multimediadateie
Dä Artikel basiert uff ere fräie Übersetzig vum Artikel „Christian_Kühn“ vu de dütsche Wikipedia. E Liste vu de Autore un Versione isch do z finde.