Thekla Walker
| Dialäkt: Undermarkgreflerisch |
D Thekla Walker (* 28. März 1969 z Dülmen) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg. Syt Mai 2021 isch si bade-wirttebärgischi Minischteri fir Umwält, Klima un Energiwirtschaft.
Lääbe
[ändere | Quälltäxt bearbeite]D Thekla Walker het s Abitur anne 1988 z Schelglenge absolviert un het derno vu 1989 bis 1997 an dr Universitet Dibenge Gschicht un Amerikanischtik studiert (ohni Abschluss). Vu 1993 bis 1999 het si im Huus vu dr Gschicht Bade-Wirttebärg gschafft, vu 2002 bis 2004 isch si Beufdraiti vu dr Stadt Geppenge fir Marketing gsii. 2002 bis 2003 het si an dr Naturschuel Fryybeg e Wyterbildig zur Naturpedagogi gmacht un vu 2003 bis 2006 am Seminar fir Waldorfpedagogik an dr Freie Hochschuel Stuegert e beruefsbeglaitende Kurs zur Uusbildig zum Klasselehrer. Vu 2004 bis 2005 het si as freji Mitarbaiteri bim Evangelische Missionswärch z Sidweschtdytschland un em Evangelische Verain fir d Schneller-Schuele im Noche Oschte gschafft. Derne isch si bis 2008 Referänti füi Presse- un Effetligkaitsarbet bim Bund vu dr Freie Waldorfschuele gsii. Anne 2009 isch si Projäktlaiteri bim NABU Stuegert un Dozänti fir Naturpedagogik an dr Duale Hochschuel Bade-Wirttebärg z Stuegert wore.[1] Si isch ghyrote un het zwai Chinder.
D Thekla Walker engaschiert sich syter anne 2008 fir di Griene. Vu 2009 bis 2014 isch si Stadtreti z Stuegert un vum 8. Oktober 2011 bis zum 19. Novämber 2016 aini vu dr baide Landesvorsitzerne vu Bindnis 90/Di Griene Bade-Wirttebärg (zämme mit em Oliver Hildenbrand) gsii.
Bi dr Landdagswahl 2016 het si mit 27,7 % vu dr Stimme s Erschtmandat im Wahlchrais Beblenga gwunne. Bi dr Landdagswahl 2021 het si ire Diräktmandat mit 31,4 % vu dr Stimme chenne verdaidige.
Syt Mai 2021 isch si im Kabinett Kretschmann III bade-wirttebärgischi Minischteri fir Umwält, Klima un Energiwirtschaft.
Weblink
[ändere | Quälltäxt bearbeite]
Commons: Thekla Walker – Sammlig vo Multimediadateie- Websyte vu dr Thekla Walker
- Abgordneteprofil bim Landdag Bade-Wirttebärg in dr 16. Wahlperiod
- D Thekla Walker uf dr Internet-Presänz vu dr bade-wirttebärgische Griene
- Der rasante Aufstieg der Thekla Walker, Badische Zeitung, 13 Septämber 2011
Fueßnote
[ändere | Quälltäxt bearbeite]- ↑ Vita Archivlink (Memento vom 6. Novämber 2013 im Internet Archive) uf thekla-walker.de
|
Dä Artikel basiert uff ere fräie Übersetzig vu dere Version vum Artikel „Thekla_Walker“ vu de dütsche Wikipedia. E Liste vu de Autore un Versione isch do z finde. |