Briehl (Friburg)
  | |
|---|---|
| Stadtkreis Friburg (FR) Bade-Wirttebärg, Ditschland | |
| |
| Basisdate | |
| Stadtdeil vu Friburg | |
| Stadtdeilnummere: | 23 |
| Gliderung: | 3 Bezirke: 231 Briehl-Güeterbahnhof 232 Briehl-Industrigebit 233 Briehl-Beurbarig |
| Geografischi Lag: | 48° 1′ 39″ N, 7° 51′ 5″ O |
| Hechi: | 245 m ü. NN |
| Flechi: | 10,97 km² |
| Iiwohner: | 6.248 (31.12.2005) |
| Bevelkerungsdichti: | 570 Einwohner je km² |
| Poschtleitzahl: | 79106, 79108, 79110 |
| Vorwahl: | 0761 |
Briehl isch e nordweschtliche Friburger Stadtdeil. Es bestoht us em 90 ha grosse Stadtbezirk 231 Brüehl-Güeterbahnhof im Südoschte un em 1006 ha grosse Stadtbezirk 232 Briehl-Industrigebit im Weschte un Norde. Anne 2013 isch dr Stadtbezirk Beurbarig, wo vochher zum Stiehlinger ghert het, uf Dränge vum Bürgerverein Briehl-Beurbarig, au offiziell im Stadtdeil Briehl zuegrechnet worre. Briehl lit zue grosse Deile uf ehemoliger Zähringer un Betzhusemer Gmarkig. Briehl isch mit dem Afang vu dr Industrialisierig vu Friburg ab em End vum 19. Johrhundert entstande.
Noochberstadtdeile sin Hochdorf im Nordweste, Zähringe un Herdere im Oste, dr Stiehlinger im Süde sowie Mooswald un Landwasser im Südweschte. Im Norde grenzt dr Stadtteil usserdem an d'Gmarkig vu Vörstette im Landkreis Emmedinge un Gundelfinge im Landkreis Brisgau-Hochschwarzwald.
Im Bewusstsi vu dr Bevölkerig isch dr Namme Briehl numme wänig verankeret. Mer schwätzt do vum Industrigebit Nord, em Flugplatz, dr Mess oder dr Neje Uni, während d'Wohngebite gmeihi zue Zähringe oder Herdere grechnet werre.
Rümlichi Gliderig un Infrastruktur
[ändere | Quälltäxt bearbeite]Die drei Stadtbezirke, wo Briehl drus bestoht, sin sehr uglich: S Industrigebit, wo ussem Industrigbit Nord, em Flugplatz, dr Nöie Mess un dr Faktultät fer agwendeti Wisseschafte vu dr Universität un au vil Wald (Mooswald) bestoht, isch flächemässig guet zehemol grösser wie dr Bezirk Güeterbahnhof oder gar d'Beurbarig.
Als Industrigebit het Briehl e sehr guet usbauts Strossenetz un au vili Industrigleiser vu dr Güeterbahn. Dr Güeterbahnhof selber isch aber in dr ledschde Johre merklich gschrumpft. Er isch e Usgangspunkt vu dr Rollende Landstross, also em Lkw-Transport Huckepack uff em Zug.
Fier nimmi benötigte Deile vum Gieterbahnhof isch d'Umwidmig in e Gwerbe- und Wohngebit sit 2012 in vollem Gang un im Oschte anne 2017 scho fascht fertig gsi, im Weschte degege noch in dr Erschliessigsphase.
Zahlriichi Firme produziere im Industrigebit, so Pfizer, wenn au nit Viagra, Rhodia (Zigarettefilter), Micronas (Elektronik). Es git mit IKEA, Möbel Braun un XXXLutz bim Fluegplatz gli drei grossi Möbelhüser in nägschter Nächi bienander. S Industrigebit findet z'Gundelfinge im Nordoschte si Fortsetzig.