Mooswald (Freiburg)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe vu Friburg
Wappe
Mooswald (Freiburg-Mooswald)
Stadtkreis Friburg (FR)
Bade-Wirttebärg, Ditschland
Lag im Stadtkreis Friburg
Basisdate
Stadtteil vu Friburg
Stadtteilnummere: 52 (Bezirke: 521, 522)
Geografischi Lag: 48° 00′ 49" N, 07° 49' 33" O
Hechi: 244 m ü. NN
Flechi: 1,63dep1 km²
Iiwohner: 7.169 (31.12.2006)
Bevelkerungsdichti: 4.398 Iiwohner je km²
Poschtleitzahl: 79110
Vorwahl: 0761
Internetufdritt: www.freiburg.de

Mooswald isch e Stadtdeil im Weschte vu Friburg im Brisgau, wo us dr beide Stadtbezirke Mooswald-Wescht (521) und Mooswald-Oscht (522) bestoht.

D'Nordoschtgrenze bildet dr Stadtdeil Brüehl mit Fluegplatz, Universitäts-Campus fer Agwendeti Wissenschafte un em Gelände vu dr Friburger Mess. Im Nordweschte grenz Mooswald an Landwasser, im Südweschte an Betzehüse mit em Seepark und im Oschte an dr Stadtteil Stüehlinger. D'Grenze zue Brüehl bildet s'Gleis vu dr Brisacher Bahn, zue Landwassser d'Westrandstross (wo abschnittswiis uf Friburger Partnerstädt daift isch) un zum Stüehlinger d'Gleiser vu dr Güeterbahn.

Dr Namme vum Stadtdeil isch vum glichnammige Wald abgleitet, wo er dragrenzt.

Gschichte[ändere | Quälltäxt bearbeite]

Anno 1932 beschliesst dr Stadtrot vu Friburg dr Bau vu ere Vorstadtsidlig am domolige Weschtrand vu dr Stadt am Mooswald uf ehemoliger Betzehüsemer Gemarkig, noochdem d'Richsregierig anno 1931 wäge dr hoche Arbetslosigkeit grösseri Beschäftigungsprogramme initiiert het. D'Hüser sin zum grosse Deil in gegesitiger Eigearbet vu dr Sidler sälber baut worre un hän deno in Erbbau kauft werre känne.

Nooch 1933 ischs Projekt as Nationalsozialistisches Siedlungswerk furtgsetzt worre. Anno 1934 wird e Sidlerbund gründet. Die schlichte Hüser hän im Afang (bis am End vu dr 1930er Johre) weder Strom noch Gas noch e Aschluss an d'Abwasser-Kanalisation gha. D'Wasserversorgig isch z'erscht durch Pumpbrunne uf dr Grundstücker erfolgt. Grossi Gärte hän e witgehendi Selbstversorgig mit Herdepfel un Gmües ermöglicht un au Kleidierzucht erlaubt. Anno 1938 wird die katholische Kilche Heiligi Familie baut. Bim Luftagriff uf Friburg im November 1944 wird dr Stadtdeil zue 80 % zerstört.

Scho anno 1945 het wiider regi Ufbaudätigkeit mit eifachschte Mittel igsetzt. Anno 1948 wird an dr Bahnstrecki uf (Alt-)Brisach im Nordweschte vom Stadtdeil e Haltestelle Im Wolfswinkel, (später "Freiburg West" daift) igrichtet, wo in dr 1990er Johre uf Landwasser verlegt worre isch. Anno 1952 wird dr hütig Bürgerverein Mooswald e.V. gründet. D'Stadt Friburg richtet im noche Wolfswinkel (wo scho zum Stadtdeil Brüehl ghört) e Mülldeponi i. Anno 1953 wird die evangelisch Markuskilche as e Notkilche baut. Mit dr Mooswaldschuel erhaltet dr Stadtdeil anno 1955/56 e Volksschuel un au e Gmeinschaftshus wird fertig.

Nooch em End vum Zweite Weltkrieg isch fer d'Iwohner vu Mooswald e ständigs Thema d'Erhaltig vum westlich glägene Mooswald, wo aber durch d'Usdähnig vu dr Stadt nooch Weschte (bispilswiis Rodige zum Bau vum Stadtdeil Landwasser) immer meh in Mitleideschaft zoge worre isch.

Baute un Irichtige[ändere | Quälltäxt bearbeite]

Im Stadtdeil git's zwei Kilche, Heiligi Familie (katholisch) un d'Markuskilche (evangelisch). Ferner befindet sich dr Jüdisch Fridhof vu Friburg dert. Schuele im Stadtdeil sin d'Paul-Hindemith-Grundschuel, d'Wentzinger-Schuele (Realschuel un Gymnasium) sowie d'Mooswaldschuel, hüt e Schuel fer Erziegigshilf. Erholigsmöglichkeite biete die weschtliche Mooswälder un dr im Südweschte gläge Seepark im Stadtteil Betzehüse. S'gröscht Hallebad vu Friburg. s'Weschtbad, ghört zwar zue Betzehüse, lit aber am Mooswälder Ufer vum Flückiger See un isch numme vu Mooswald us erreichbar.

Verkehr[ändere | Quälltäxt bearbeite]

Keini vu dr vier Friburger Stadtbahnlinie fahrt dr Stadtdeil a. D'Brisgau-S-Bahn Friburg–(Alt-)Brisach bedient dr Stadtdeil mit dr Haltestelle Neue Messe/Universität. Hauptverkehrsstross isch d'Elsässerstross, uf wellere au dr Liniebus 10 vu dr Friburger Verkehrs AG (VAG) verkehrt. Vierspurigi Strosse im Weschte (Paduaallee) un im Oschte (Berliner Allee) mache dr Stadtdeil fer Kraftfahrzüge licht erreichbar.

Weblink[ändere | Quälltäxt bearbeite]



Information icon.svg Dä Artikel basiert uff ere fräie Übersetzig vum Artikel „Mooswald_(Freiburg)“ vu de dütsche Wikipedia.

E Liste vu de Autore un Versione isch do z finde.