Haid (Friburg)
  | |
|---|---|
| Stadtkreis Friburg (FR) Bade-Wirttebärg, Ditschland | |
| |
| Basisdate | |
| Stadtvirtel vu Friburg | |
| Stadtdeil: | 62 St. Jerge 61 Hasle |
| Stadtbezirk: | 621 St. Jerge-Nord 614 Hasle-Haid |
| Geografischi Lag: | 47° 59′ 20″ N, 7° 47′ 49″ O |
| Hechi: | 240 m ü. NN |
| Flechi: | 1,91 km² |
| Iiwohner: | ()
|
| Poschtleitzahl: | 79111 79114 |
| Vorwahl: | 0761 |
| Internetufdritt: | gewerbegebiet-haid.de |
D' Haid isch e Wohn- un Gwerbegebiet im Südweschte vu Friburg im Breisgau, wo ussem zue Hasle ghörige Stadtbezirk-Haid im Oschte (mit Gwerbefläche im südliche Drittel) un em zue Sant Jerge ghörige Gewerbegebiet Haid im Weschte bestoht.
Hasle-Haid isch noochem Zweite Weltkrieg, s'weschtlich Gwerbegebiet sit ca. 1980 entstande.
D'Haid wird vu dr Besançonallee as Süddeil vu dr Friburger Weschtumfahrig durchschnitte un het im Süde e Aschluss an d'Umgehig vu Stant Jerge (B3/B31). Sowohl dr Autobahnzuebringer Middi wie au dr Autobahnzuebringer Süd sin schnell erreichbar. Dr Südweschte vum Gewerbegebiet het au no e "halbe" Aschluss an d'Sant-Jergemer Umgehig.
Mit dr Krüzig Munzinger Stross/Besançonallee befindet sich die nooch dr Kronebrucke in dr Innestadt verkehrsriichscht Friburger Krüzig uf dr Haid.
Bi sällere befindet sich au d'Endhaltestelle vu dr Strossebahnlinie 3 vu dr Friburger Verkehrs AG (VAG), wo vu dr Haid über Hauptbahnhof un Aldstadt ins Vauban-Viertel füehrt.
D'VAG het uf dr Haid au ihr Unternehmenssitz un gröschte Betribshof. Denäbe git's zahlriiche Verbrüchermärkte un Autohüser uf dr Haid, weswäge au bi dr Haid mitem Begriff "Automeile" gworbe wird.
Im Oschte vu dr Haid verlauft d'Güeterbahnlinie vu dr Rhidalbahn. D'Güeterbahnhof Süd isch aber ufgä worre, so dass kei Betrib uf dr Haid iber e Industrigleisaschluss verfüegt. Die einzig Schineabindig wird vu dr Strossebahn hergstellt.