Beyoncé Knowles

Us der alemannische Wikipedia, der freie Dialäkt-Enzyklopedy
Beyoncé

Date
Geburtsname Beyoncé Giselle Knowles
Übername Beyoncé, Sasha Fierce
Uf d Wält cho 4. September 1981
Houston, Texas, Vereinigit Staate
Genre R&B, Hip Hop, Soul, Funk, Pop, Dance-Pop, Rock, Latin Pop
Beschäftigung Singer-Songschriiberin, Platteproduzäntin, Schauspiilerin
Stimmlag Mezzo-Sopran
Aktiv 1990 bis hüt
Label Columbia
Het gspiilt mit Destiny's Child, Jay Z, Sean Paul, Usher
Website www.beyonceonline.com

Beyoncé Giselle Knowles-Carter[1] En-us-Beyonce.ogg [biˈɒnseɪ] (* 4. September 1981 z Houston, Texas) esch e US-amerikanischi R&B ond Soul-Sängerin, Schouspelerin ond Model. Bes im Johr 2005 esch si Metgled vom R&B-Trio Destiny's Child gse. Setem 4. Aprel 2008 esch si metem US-Rapper Jay-Z verhürotet.[2][3] Ehre grosse Dorchbroch as Solokönstlerin het Beyoncé metem Lied "03 Bonnie & Clyde" gschafft.

Biografie[ändere | Quälltäxt bearbeite]

Vorherigs Läbe ond Karrierestart[ändere | Quälltäxt bearbeite]

D Knowles esch im Johr 1981 as erstgeboreni vom Mathew Knowles ond de Tina Beyince z Houston, Texas uf d Wält cho. Sie esch di öuter Schwöschter vo de Solange Knowles, e Songwriterin, Schouspelerin ond Sängerin. Knowles het verschedeni Schuele bsuecht, wo sie dete scho ehres Talänt het chönne onder Bewiis stelle. Si het Gsangs- ond Tanzonterrecht gnoh ond am örtleche Chelechor metgsonge.

1990 het d Knowles gmeinsam met de LaTavia Roberson ond ehrne Schuelfröndinne Kelly Rowland, LeToya Luckett, Keke Wyatt und Ashley Támar Davis d Tanz- ond Gsangsgroppe Girls Tyme gröndet. Gmanaged vo ehrem Vater Mathew ond ikleidet vo de Muetter Tina, eschs i de Band dor zahlrichi Uftrett i Gsangswettbewerb ond Ichoufszentre glonge, uf lokaler Äbeni z'bekannt wärde. Wo si en Plattevertrag met Elektra Records ergattert hend, het mer usem Quartett Knowles, Rowland, Luckett ond Roberson de Groppename im Johr 1993 i Destiny's Child omgändert.

Destiny's Child[ändere | Quälltäxt bearbeite]

In lokale Events sin Destiny's Child zäme ufträtte ond noch vier Johre esch s Quartett im Johr 1997 zu Columbia Records gwächslet. Im folgende Johr hend sie ehres Debut-Aubom Destiny's Child usebrocht, bi dem ehre ersti Hit "No No No" enthalte esch. Witeri Chart-Erfolg hend met de Tetle "Bills Bills Bills" ond "Say My Name" gha. Vom zwöite Aubom The Writing's on the Wall send meh as sebe millione Verchöif bestätigt worde.

Am Höheponkt vo de Karriere hend sech zwöi Metgleder vo de Band glöst. Dor das hend Destiny's Child di zwöi nöi Metgleder d Michelle Williams ond d Farrah Franklin ufgnoh. D Farrah Franklin het d Groppe jedoch nor noch sächs Mönet us interne Problem verloh ond somet esch usem Quartett es R&B-Trio entstande.

S Trio het de Tetu "Independent Women Part I" ufgnoh wo de Soundtrack zum Kinofilm Charlie's Angels gse esch. Im Mei 2001 esch ehres drette Studioaubom erschene wo Platz 1 in USA, Grossbritanie, Düütschland, Öschtriich, Belgie, Niderland ond onderanderem au i de Schwiiz erreicht het. Noch de Wälttournee hend sech d Wäg vo de Bandmetgleder im Johr 2002 vorerscht wäg de Solokarrierene trennt.

Zwöi Johr spöter, 2004, hend sech d Rowland, d Knowles ond d Williams ernöit troffe om ehres vierte Studioaubom Destiny Fulfilled ufznäh. S Aubom het sech öber 6 Millione mou verchouft ond met de Tetle "Lose My Breath", "Soldier", "Girl" ond "Cater 2 U" send ehne witeri Top 10-Hits glonge. Im Aprel 2005 hends ehri Wäuttournee Destiny Fulfilled ... And Lovin' It gstarte, wobi sie bi ehrem Barcelona, Spanie -Bsuech verköndet hend, dass sie sech ändgöutig trennid.

Solo-Karriere[ändere | Quälltäxt bearbeite]

Im 2002 esch sie met ehrere Rolle als „Foxxy Cleopatra“ im Film Austin Powers: Goldständer gross usecho ond het de groovig Tetusong "Work It Out" dezue bigstürt. Nochdem Williams ond Rowland bereits ehri Solo-Bemüehige gmacht hend, het Knwoles ehres Debut-Soloalbom Dangerously in Love im Juni 2003 veröffentlecht. Vier Veröffentlichige vo ehrem Aubom hend Top 10 vo de Charts erklomme, onder anderem "Crazy In Love", es Featuring metem Rapper Jay-Z, ond "Baby Boy", zäme metem Sean Paul, wobi bedi Singles im Sommer ond Herbscht 2003 henderenand Platz 1 vo de Charts beleit hend ond jewils met Platin uszeichnet worde send.

Witerfüehrend het sie ehri Film-Karriere metem Kinofilm Der Rosarote Panther, i de Rolle vo de „Xania“, zäme metem Steve Martin, wo de Inspektor Clouseau gspöut het. De Film het im Februar 2006 in USA Premiere gfiiret ond het i de erste Woche bereits $21.7 Millione Billetverchöif zöuht. D Knowles het zudem de Tetusong "Check On It" ufgnoh, featuring Slim Thug, ond het met dem Song d Spetzi vo de US-Charts erreicht ond das esch somet ehre erschti Nommer-1-Hit vomene Soundtrack.

Ehres zwöite Studioaubom B'Day esch am 4. September 2006 wältwit erschene. Es esch eigentlech vörs Johr 2004 plant gse, jedoch het sie s Aubom mösse hendereschiebe wöu sie met de Destiny's Child s letschte Aubom ufgnoh het. D Knowles het metem Rich Harrison, Rodney Jerkins ond em Sean Garrett z New York gschaffet. Enerhalb vo drüü Woche es Aubom komplett gse ond Knowles het alli Songs Co-gschrebe ond Co-produziert. Lead-Single vom Aubom esch "Déjà-Vu" gse, es featuring metem Jay-Z ond het sech ufem Platz 1 vo de UK-Charts gsecheret. Die zwöit internationali Single vo veröffentlecht worde esch, esch "Irreplacable" im Oktober 2006 gse. I de Länder Nöiseeland, Irland, USA ond Auschtralie het sie chönne en Nommer-1-Hit lande. Knowles het ehres Aubom B'Day Re-released ond het e Deluxe Version veröffentlecht. In Präsänz vom ehrem Aubom het Knowles ehri lang The Beyoncé Experience Konzärt-Tour am 10. Aprel 2007 z Japan gstartet ond het am 30. Dezember 2007 ehres letschte Konzärt in Las Vegas gä. Met de Tour het si öber 90 Grossstädt bsuecht.

Im am 5. Dezember 2008 erschenene Kinoföum Cadillac Records het d Knowles d Rolle vo de amerikanische Soul-Sängerin Etta James öbernoh, wobi sie de Ufseg ond Fall vo de James ehrem Musig-Label Chess Records zeigt.

Im Joor 2008 ghört d Beyoncé Knowles zu de Topverdiener. Luut de Forbes-Liste esch d Knowles met 87 Millione Jooresichomme ufem Platz drüü, Platz eis esch d Madonna met 110 Millione, gfolgt vo de Celine Dion met 100 Millione Iinahme.[4]

D Beyoncé Knowles während ehre I Am...-Tour in Zöri.

Beyoncé Knowles het ehres drette Abuom I Am... Sasha Fierce am 14. November 2008 i de USA veröffentlecht. Am 7. November 2008 esch d Single "If I Were a Boy" erschene.[5] "If I Were a Boy" esch ide Schwiiz dor reini Downloads ufe Platz 5 cho.[6] Während dem, dass "If I Were a Boy" ide Charts gseh esch, esch s Lied "Single Ladies (Put a Ring on It) ad Spetzi vo de Irische-, Schwedische- ond US-Charts klätteret ond het i Länder wie: Ängland, Törkei ond Kanada au e grosse Erfolg chönne verbueche. Als dretti Single esch s Lied "Diva" plant xeh, wo bereits scho vor Veröffentlechig uf Platz 82 ide USA glandet esch ond de Song "Halo", wo im erschte Quartal 2009 publiziert worde esch. De Song "Ego" esch einzeln en Amerika-Veröffentlechig xeh, wobii d Knowles dezue de Rapper Kanye West als Gastvocal gnoh het. Als sächsti wäutwiti Veröffentlechig esch met "Sweet Dreams" en globale Top-Ten-Hit ufe Markt cho. För ehri vo I Am... Sasha Fierce Platinum Edition z'promote het d Beyoncé Knowles "Broken-Hearted Girl" veröffentlecht. Als achti ond vorussechtlech letschti Single vom Albom I Am... Sasha Fierce het si zäme met de Pop-Sängerin Lady GaGa s Lied "Video Phone" publiziert.[7]

För de Föum Obsessed spöut d Knowles näbem britische Schouspeler Idris Elba ond de amerikanische Schouspelerin Ali Larter. De Kinoflim esch im Aprel 2009 ide USA ond im Sommer 2009 international veröffentlecht worde. De Föum het sech am Eröffnigs-Wochenänd ide USA ufe Platz 1 positioniert ond insgesamt $28.6 Millione ignoh.[8] Im Früehlig 2009 het osserdem ehri drett Wält-Tournee, d I Am... Tour, gstartet, wobii d Knowles vo Amerika, Afrika, Europa, Asie bes zu Australie usgwählti Städt bsuecht.

För die MTV Video Music Awards-Verastaltig, wo am 13. September 2009 stattgfonde het, esch d Beyoncé in ganze nüün Kategorie nominiert xeh.[9] Sie het d Verastaltig als grossi Abrühmerin döffe verloh met insgesamt drüü Priise, dronder de Priis för ehres "Single Ladies"-Video als Video des Jahres.[10] För d Grammy-Awards 2010, de bedütensti Musigpriis, esch d Beyoncé zäh Mou nominiert. Somet het d Beyoncé bereits im Vorfäld als grossi Favoritin för de wechtigst Musigpriis vo de Wäut gältet.[11] Insgesamt het sie 6 Grammy-Awards chönne verzeichne, was zuvor no kei wiiblechi Könstlerin vorher gschafft het.[12]

Am 13. Dezember 2013 het d Knowles ehres 5. Studioalbum veröffentlicht, wo de Titel Beyoncé trait.

Nöij Projekt[ändere | Quälltäxt bearbeite]

S Management vo de Beyoncé verhandelt inzwösche meteme Bitrett bi de US-Serie Desperate Housewives.[13] Im Juli 2009 esch bekannt gä worde, dass d Knowles Interässi anere Nöijuflag vom 1992 produzierte Föum Sister Act hätti, d Beyoncé Knowles wörd gärn d Rolle als Nonne vo de früehner gspellte Whoopi Goldberg öbernäh.[14] D Knowles het es Agebot vom Hotel Caesars Palace, dass sie en Dauershow dorchführt ond ganzi $750'000, omgrächnet 510'000 Euro pro gmachte Uftrett öberchonnd.[15][16] Luut de Knowles sett esch plant sie d Veröffentlichig för ehres nöchste Aubom bereits im Joor 2010. Das hett sie bim letschte Konzärt in Ängland vo ehrere erfolgriiche I Am... Tour verluutet.[17]

Diskografie[ändere | Quälltäxt bearbeite]

Albums[ändere | Quälltäxt bearbeite]

Johr Aubom Chartposition[18] Certifikatione/Verchöif
USA DE AT CH AU UK WW
2003 Dangerously in Love
  • Erschts Studioalbum
  • Veröffentlichig: 24. Juni 2003[19]
1
1
3
2
2
1
1
  • ARIA: Platin
  • BPI: 2x Platin
  • IFPI: Platin
  • Wältwiti Verchöif: +8'000'000
2006 B'Day
1
5
13
2
8
2
1
  • ARIA: Platin
  • BPI: 2x Platin
  • IFPI: Platin
  • Wältwiti Verchöif: +6'128'040
2008 I Am... Sasha Fierce
1
17
22
7
3
2
1
  • ARIA: Platin
  • BPI: Platin
  • IFPI: Platin
  • Wältwiti Verchöif: +5'132'500[24]

EPs[ändere | Quälltäxt bearbeite]

Johr Tetu Chart-Positione
USA DE AT CH
2004 Live at Wembley
  • Veröffenltechig: 27. April 2004
  • Label: Columbia
17 59 6 73
2007 Irreemplazable
  • Veröffentlechtig: 28. August 2007
  • Label: Columbia
105
2009 Above and Beyoncé: Dance Mixes
  • Veröffentlechtig: 16. Juni 2009
  • Label: Columbia
35

Singles[ändere | Quälltäxt bearbeite]

Johr Tetu Chartposition[25] Aubum
USA DE AT CH AU UK WW
Solo
2003 "Crazy in Love" 1 6 6 3 2 1 1 Dangerously in Love
"Baby Boy" (metem Sean Paul) 1 4 18 5 3 2 3
"Me, Myself and I" 4 35 51 41 11 11 8
2004 "Naughty Girl" 3 16 29 18 9 9 6
"Dangerously in Love 2" (nor Airplay) 57 - - - - - -
2006 "Déjà Vu" (featuring Jay-Z) 4 9 12 3 12 1 8 B'Day (ond Deluxe Edition)
"Ring the Alarm" 11 - - - 54 46 37
"Irreplaceable"/"Irremplazable" 1 11 11 9 1 4 1
"Upgrade U" 59 - - - - - -
2007 "Beautiful Liar" (met de Shakira) 3 1 2 1 5 1 2
"Get Me Bodied" 68 - - - - - -
"Green Light" - - - - - 12 -
2008 "If I Were a Boy" 1 3 3 3 3 3 1 1 I Am... Sasha Fierce
"Single Ladies (Put a Ring on It)" 1 40 5 7 3
2009 "Halo" 2 5 5 6 4 3 4 3
"Diva" 19 40 72 -
"Ego" 39 8 17 16 2 5 -
"Sweet Dreams" 3 10 11
"Broken-Hearted Girl" 4 14 38 62 14 27 -
"Video Phone" (feat. Lady GaGa) 65 40 58 -
Soundtrack / Anderi
2002 "Work It Out" - 75 - 48 21 7 22 Austin Powers in Goldmember
2003 "Fighting Temptation" - 57 - 42 - - - The Fighting Temptations
2006 "Check on It" (feat Slim Thug & Bun B) 1 11 10 7 - 3 2 The Pink Panther
2007 "Listen" 61 18 32 10 - 16 - Dreamgirls
2008 "At Last" 67 - - - - - - Cadillac Records
Als featured Könstlerin
2000 "I Got That" (Amil feat. Beyoncé) - - - - - - - All Money Is Legal
2002 "'03 Bonnie & Clyde" (Jay-Z feat. Beyoncé) 4 6 28 1 2 2 7 The Blueprint2: The Gift & the Curse
2007 "Hollywood" (Jay-Z feat. Beyoncé) - - - - 98 - - Kingdom Come & B’Day Deluxe Edition
"Until the End of Time" (Justin Timberlake & Beyoncé) 17 39 - - - - - FutureSex/LoveSounds Deluxe Edition
2008 Love in This Club, Part II (Usher feat. Beyoncé & Lil Wayne) 18 - - - 96 59 - Here I Stand
"Just Stand Up" (met 14 Sängerinne) 11 - - - 39 26 19 Wohltätigkeits-Single
2009 "Telephone" Lady GaGa feat. Beyoncé 3 3 3 4 3 1 1 The Fame Monster
Joor Tetu Chartposition[25] Aubum
USA DE AT CH AU UK WW

1 teilwiis met "Single Ladies" as B-Side.
2 teilwiis met "Diva" as B-Side.
3 teilwiis met "Ego" as B-Side.
4 teilwiss met "Video Phone" (feat. Lady GaGa) as B-Side.

Filmografie[ändere | Quälltäxt bearbeite]

  • 2001: Carmen: A Hip Hop Opera als Carmen Brown.
  • 2002: Austin Powers in Goldständer als Foxxy Cleopatra
  • 2003: The Fighting Temptations als Lilly
  • 2004: Fade to Black als Beyoncé Knowles
  • 2006: Der Rosarote Panther als Xania
  • 2006: Dreamgirls als Deena Jones
  • 2008: Cadillac Records als Etta James
  • 2009: Obsessed als Beth Charles
  • 2009: Desperate Housewives als Gaschtuftrett¹

¹ werd no abklärt

Lidraduur[ändere | Quälltäxt bearbeite]

Weblink[ändere | Quälltäxt bearbeite]

 Commons: Beyoncé Knowles – Sammlig vo Multimediadateie

Referenze[ändere | Quälltäxt bearbeite]

  1. Beyoncé Knowles' name change. (Nicht mehr online verfügbar.) In: The Boston Globe. 23. Dezember 2009, archiviert vom Original am 21. März 2013; abgruefen am 14. Februar 2024 (amerikanischs Änglisch).
  2. Beyoncé und Jay-Z haben geheiratet. In: Augsburger Allgemeine. 7. Januar 2018, archiviert vom Original am 14. Februar 2024; abgruefen am 14. Februar 2024.
  3. Hip-Hop-Hochzeit. Beyoncé und Jay-Z sollen geheiratet haben. In: Die Welt. Archiviert vom Original am 14. Februar 2024; abgruefen am 11. Februar 2024.
  4. Beyoncé esch Topverdienerin 2008. In: rollingstone.de. Abgrüeft am 24. Juni 2009. (Site cha nüme abgrüeft wärde; Suche im Webarchiv)[1] [2] Vorlage:Toter Link/www.rollingstone.de
  5. I Am... chonnt im November (Änglisch) In: hiphop.popcrunch.com. Archiviert vom Original am 8. Oktober 2008. Abgrüeft am 9. September 2008.
  6. If I Were a Boy erreicht Platz 5 dor reini Downloads. In: hitparade.ch. Abgrüeft am 12. November 2008.
  7. Beyoncé feat. Lady GaGa. In: lifestyle.mamiweb.de. Abgrüeft am 16. Oktober 2009.
  8. Obsessed ide erst Woche $28.6 Millione. In: boxofficemojo.com. Abgrüeft am 25. April 2009.
  9. Beyoncé esch nüün Mou nominiert. In: naanoo.com.
  10. Beyoncé als MTV VMA Gwönnerin. In: bild.de. Abgrüeft am 14. September 2009.
  11. Grammy Awards 2010: Beyoncé erhält 10 Nominierige. In: focus.de. Abgrüeft am 3. Dezember 2009.
  12. Grammy Awards 2010: Beyoncé erhält 6 Grammy-Preise. In: spiegel.de. Abgrüeft am 1. Februar 2009.
  13. Gastuftrett bi Desperate Housewives. In: viviano.de. Archiviert vom Original am 1. Dezember 2012. Abgrüeft am 19. Mai 2008.
  14. Beyoncé het Interässi am Remake vo Sister Act. In: oe24.at. Abgrüeft am 6. Juli 2009.
  15. Las Vegas Dauershow förd Beyoncé. In: smash247.com. Archiviert vom Original am 12. Dezember 2009. Abgrüeft am 9. Dezember 2009.
  16. Las Vegas Dauershow förd Beyoncé met grosser Summe. In: tikonline.de. Abgrüeft am 9. Dezember 2009.
  17. Nöchsts Beyoncé Album chonnd im 2010. In: promiflash.de. Abgrüeft am 26. November 2009. (Site cha nüme abgrüeft wärde; Suche im Webarchiv)[3] [4] Vorlage:Toter Link/www.promiflash.de
  18. USA CH AT DE (Site cha nüme abgrüeft wärde; Suche im Webarchiv)[5] [6] Vorlage:Toter Link/www.musicline.deAU
  19. Release vo Dangerously In Love. In: billboard.com. Archiviert vom Original am 17. August 2007.
  20. 20,0 20,1 Dangerously In Love & B'Day: RIAA-Zertifikation (Änglisch) In: riaa.com.
  21. Release vo B'Day. In: billboard.com. Archiviert vom Original am 4. Dezember 2007.
  22. If I Were a Boy/Single Ladies/I Am... Release. In: musiktipps24.com. Archiviert vom Original am 13. Oktober 2008. Abgrüeft am 10. Oktober 2007.
  23. I Am... Sasha Fierce: RIAA-Zertifikation: Platin (Änglisch) In: riaa.com. (Site cha nüme abgrüeft wärde; Suche im Webarchiv)[7] [8] Vorlage:Toter Link/www.riaa.com
  24. I Am... Sasha Fierce Verchöif. In: worldwidealbums.net. Archiviert vom Original am 12. März 2009. Abgrüeft am 22. März 2009.
  25. 25,0 25,1 USA CH AT DE (Site cha nüme abgrüeft wärde; Suche im Webarchiv)[9] [10] Vorlage:Toter Link/www.musicline.deAU