Waldighofen

Wàldighoffe

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch. Lueg dezue au Froge un Antworte zum Dialäkt.

Wàldighoffe Waldighofen
Wappe	Kart
Basisdate
Stààt	Frànkrich
Region	Elsass
Département	Owerelsass
Arrondissement	Altkírech
Kanton	Hírsínge
Kommünàlverbànd	Ill un Gerschbach
Geographischi Lag:	47° 33′ 05″ N 07° 19′ 03″ O
Heh	400 m (342 m–446 m)
Inwohner	1.483 (1. Jänner 2009)) [1]
Flech	4,14 km²
Boschtleitzàhl	68640
INSEE-Code	68355
Adress vun dr Verwàltung (Mairie)	2, place Jeanne d'Arc F-68640 Waldighofen
Maire (Bürgemeischter): lfd. Amtszitt	Henri Hoff 2001-2008
D'Peter-un-Paul-Kírech z'Waldighofe

Wàldighoffe (IPA: [ˈʋɑld̥ig̊hofə]; ditsch un franzesisch offiziell: Waldighofen, franzesisch aü: Waldighoffen) isch e Ortschaft im Sundgaü, 25 Killemetter eschtlig vu Basel. S lit zwische 342 un 446 Metter iber em Meer un het 1999 fascht 1200 Iiwohner gha.

Gschicht

Wàldighoffe ìsch zem erschte Mol gnannt worre ànne 1188 as Waltenchoven, 1315: Waltikouen.

D Härkumpft vum Ortsnamme isch umstritte. Ei Asicht isch, ass dä Namme vu "Waldingen" kunnt - dämno wär er d Bezeichnig vum e erschte alamannische Siidligskern - "Waldo" wär do dr Namme vum e alamannische Sippefiährer. No däre Meinig wär "-hofen" erscht speter an dr Namme kumme - Wàldighoffe dät drno heiße: "d Hef vu Waldinge".

E anderi Meinig sait, ass Wàldighoffe ebis mit eme Dinghof z due het - e Hof, wu Abgobe fir d Herschaft hän miäße ani brocht wäre. Eso e Hof isch bis ins 16. Johrhundert bedriibe wore.

Kirch

Wàldighoffe isch draditionäll e katholischi Ortschaft; dr eltescht Deil vu dr Kich isch üs em 15. Johrhundert. 1905 isch am Blatz vu dr alte Kapälle e großi neiji Kirch boije wore; d alt Kapälle isch jetze e Sitteschiff vu dr neije Kirch - si isch 1923 fertig gsii un het kenne gwicht wäre. D Kirchepatron sin dr St. Peter un dr St. Paül.

Bevelkerungsentwicklung

Johr	1962	1968	1975	1982	1990	1999	2007
Iiwohner	936	967	1039	1017	1048	1178	1412

Verwàltung

Dr Maire vu Wàldighoffe isch dr Henri Hoff. Wàldighoffe ghert zum Kommünalverband Communauté de communes Ill et Gersbach.

Nathan Katz

Am 24. 12. 1892 isch dr alemannisch Dichter Nathan Katz z Wàldighoffe uf d Wält kumme. Dr het in däm Dorf si Kindheit un Jugend verbrocht un het sich do siner Läbdig drheim gfiählt. Waldighoffe haltet hit no s Adänke an dr Nathan Katz wach. Bin Schuel- un Sportzäntrum isch e kurzi Stroß noch däm Dichter benännt, derte stoht aü e Dänkmol (Kopf) vu däm Dichter. Am Geburtshüüs, wun er aü sini erschte Kindheitsjohr verbrocht het, isch e Gedänkschild. D Metzg vu sinem Vatter exischtiärt nimmi in dr ürspringlige Form.

Zweisprochigs Stroßeschild

Im Nathan Katz si Geburtshüüs

Dialekt

Dr elsassisch Dialekt vun Wàldighoffe ghert zum Hochalemannisch.

Weblink

 Allmänd (Commons): Waldighofen – Sammlig vo witere Multimediadateie

• Informatione iber Wàldighoffe uf Franzesisch