Communauté de communes

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Communauté de communes (alem.: „Gmeinschaft vo Gmeinde“) bezeichnet z Frankriich e Verband vo mehrere Gemeinde. Si isch e Rahme, für zum kommunali Ufgoobe gmeinsam z bewältige und cha mit em dütsche Amt oder ere niidersächsische Samtgmeind vergliche wärde.

Am 1. Januar 2005 het s z Frankriich 2'343 Communautés de Communes gee. Si hai d SIVOMs witgehemd abglöst.

Rächtsstatus[ändere | Quälltäxt bearbeite]

Noch de gültige Bestimmige vom Code général des collectivités territoriales (CGCT) (alem.: „Allgemeins Gsetz über Gebietskörperschafte“) in dr Fassig vo 1999 isch e Communauté de communes en „öffentligi Institution vo dr interkommunale Zsämmenarbet“ (établissement public de coopération intercommunale), wo vo mehrere französische Gmeinde bildet wird, won e zsämmehängends Territorium ohni Enklave umfasse. Communautés de communes, wo kei gschlossnigs Territorium umfasse, wo aber zum Zitpunkt, wo die Bestimmig in Chraft dräten isch, scho existiert hai, chönne wiiterhi bestoh.

D Initiative für d Bildig von ere neue Communauté de communes cha vo eim oder mehrere Gmeindirööt vo de beteiligte Gmeinde cho oder vom ene zueständige Prefekt as Representant vom Zentralstaat. Im zweite Fall muess d Commission départementale de la coopération intercommunale vom bzw. vo de betroffene Departemänt zuestimme. Die neui Communauté de communes cha dur en Erlass vom bzw. vo de Prefekte erschaffe wärde, wenn d Gmeindirööt vo mindestens zwei Drittel vo de betroffene Gmeinde mit mindestens dr Helfti vo de Iiwohner oder vo mindestens dr Helfti vo de Gmeinde mit mindestens zwei Drittel vo de Iiwohner zuegstimmt hai. E Communauté de communes cha für en unbefristeti Zit oder für e begränzti Zit bildet wärde.

Organ[ändere | Quälltäxt bearbeite]

E Communauté de communes wird vom ene conseil communautaire gleitet, wo d Mitgliider von em vo de Gmeindirööt gwehlt wärde. D Sitzverdeilig wird äntwäder eistimmig dur en Abkomme zwüsche de beteiligte Gmeinde festgleit, oder es cha mit dr gliiche Mehrheit vo Gmeindirööt, wo für d Erschaffig vo dr Communauté de communes nötig isch, e Sitzverdeilig proportional zur Bevölkerigszahl beschlosse wärde. In beide Fäll muess jedi bedeiligti Gmeind mindestens ei Mitgliid stelle und daf maximal d Helfti vo de Mitgliider haa.

Kompetänze und Finanze[ändere | Quälltäxt bearbeite]

D Communauté de communes übernimmt in jedem Fall d Kompetänze vo de bedeiligte Gmeinde in Frooge wo d Regionalblanig und die gmeindeübergrifendi Wirtschaftsentwicklig aagöhn. Drüber us muess si mindestens eine vo dene Kompetänzberiich überneh: Umwältschutz, Wohnigsbaupolitik, Stroossebau und -underhalt und Abfallabfuehr, dr Bau und Underhalt vo de Grundschuele und vo Kultur- und Sportirichtige.

Die genaue überdraite Kompetänze wärde vo de Gmeindirööt vo de bedeiligte Gmeinde mit dr gliiche Mehrheit beschlosse, wo zur Gründig vo dr Communauté de communes nötig isch.

D Communautés de communes bechömme d Iinahme us dr Grundstüür, dr Wohnigsstüür und dr Gwärbstüür über und us andere Stüüre und Abgoobe, wo zur Finanzierig vo de Ufgoobe bestimmt si, won ene überdrait worde si.


Litratur[ändere | Quälltäxt bearbeite]

  • Rüdiger von Hülst, André van Montfort: Inter-Municipal Cooperation in Europe, Springer, Niederlande, 2007, Seiten 75 ff. ISBN 978-1-4020-5378-8 (engl.)
Dä Artikel basiert uff ere fräie Übersetzig vum Artikel „Communauté_de_communes“ vu de dütsche Wikipedia.

E Liste vu de Autore un Versione isch do z finde.