UBS

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel beschribt die schwiizerischi Grossbank UBS. Für wiiteri Bedütige vo UBS lueg UBS (Begriffsklärung)


  UBS AG
Staat Schweiz
Rächtsform Aktiegsellschaft
ISIN CH0024899483
BC-Nummere 230[1]
BIC UBSWCHZH80A[1]
Gründig 29. Juni 1998 (Fusion)
Sitz vom Undernähme Züri und Basel, Schwiiz
Gschäftsdate 2009[2]
Bilanzsumme 1'476,053 Mrd. CHF
Mitarbeiter 69'023
Leitig

Leitig vom Undernähme

Oswald Grübel
(CEO)
Kaspar Villiger
(VR-Präsident)

Website www.ubs.com

D UBS AG isch e Schwiizer Grossbank mit Hauptsitz z Züri und z Basel. Si zelt zu de wältwiit grösste Vermögensverwalter.

Konzärnüberblick[ändere | Quälltäxt bearbeite]

D UBS AG isch im Juni 1998 us dr Fusion vo de beide Schwiizer Grossbanke entstande:

  • Schweizerische Bankgesellschaft (Union de Banques Suisses) mit Hauptsitz z Züri (SBG/UBS)[3]
  • Schwiizerische Bankverein mit Hauptsitz z Basel (SBV)[4]

D UBS isch in über 50 Länder und an alle wichdige Finanzplätz uf dr Wält mit Niiderlassige verdräte. Am 31. Dezämber 2007 het dr Konzärn wältwiit 83'560 Mitarbeiter beschäfdigt, drvo öbbe 39 % in Nord- und Latiinamerika, 33 % in dr Schwiiz, 16 % im übrigen Europa und 12 % im asiatisch-pazifische Ruum. Ändi 2007 het d UBS 3‘189 Milliarde Franke Kundegälder verwaltet und isch die grössti Vermögensverwalterin uf dr Wält gsi.[5] Si isch en Aktiegsellschaft noch schwiizerischem Rächt. Ihri Aktie si an dr SIX Swiss Exchange und an dr New York Stock Exchange (NYSE) glistet.

Dr Konzärn isch in vier Beriich iideilt: Global Wealth Management & Swiss Banking, Investment Bank, Global Asset Management und Corporate Center.

Konzärnleitig und Verwaltigsroot[ändere | Quälltäxt bearbeite]

Konzärnleiter (CEO) isch sit em 26. Februar 2009 dr Oswald Grübel, er isch noch em Marcel Rohner cho.

Verwaltigsrootspresidänt isch dr Kaspar Villiger (sit 2009), Vizepresidänt dr Sergio Marchionne (sit 2007). Zum Verwaltigsroot ghöre no dr Michel Demaré (sit 2009), dr Rainer-Marc Frey (sit 2008), dr Bruno Gehrig (sit 2008), d Ann Godbehere (sit 2009), dr Axel Lehmann (sit 2009), dr Helmut Panke (sit 2004), dr William G. Parrett (sit 2008), dr David Sidwell (sit 2008) und dr Peter Voser (sit 2005).

Usbildig[ändere | Quälltäxt bearbeite]

D UBS AG bietet jedes Johr über 300 Blätz für Lehrling und Praktikante in dr ganze Schwiiz aa. Wenn möglig wärde alli wenn si mit dr Usbildig fertig si, vo dr UBS AG übernoh. Drnäbe bestöhn wältwiit Taläntförderigsprogramm für die beste Lehrabsolvänte und für Hochschuelabgänger.

Wichdigsti Gschäftsberiich[ändere | Quälltäxt bearbeite]

Wealth Management[ändere | Quälltäxt bearbeite]

Mit eme Netz vo öbbe 180 Gschäftsstelle wältwiit duet d UBS e Summe vo mehr als 3,27 Billione Franke verwalte (2,18 Billione €).

Investment Banking und Wärtschriftegschäft[ändere | Quälltäxt bearbeite]

D UBS ghört zu de wältwiit grösste Investmentbanke und nimmt im Gschäft mit institutionelle und Firmekunde e füehrendi Stellig ii.

Global Asset Management[ändere | Quälltäxt bearbeite]

D UBS isch e füehrendi Vermögensverwalterin für institutionelli und privati Kunde und Finanzintermediäri uf dr ganze Wält.

Privat- und Firmekundegschäft Schwiiz[ändere | Quälltäxt bearbeite]

Im Schwiizer Bankgschäft bedräit dr Marktaadeil vo dr UBS je noch Kundesegmänt zwüschen eme Viertel und eme Drittel. D UBS füehrt Bank- und Wärtschriftedienstleistige für öbbe 2,6 Millione Privat- und rund 143'000 Firmekunde us. D Kundebasis umfasst institutionelli Aaleger, öffentligi Körperschafte und Stiftigen mit Sitz in dr Schwiiz und 3000 Finanzinstitut wältwiit.

Litratur[ändere | Quälltäxt bearbeite]

  • Dirk Schütz: Herr der UBS – Der unaufhaltsame Aufstieg des Marcel Ospel. Orell Füssli Verlag, Zürich 2006, ISBN 978-3-28005261-7.

Fuessnote[ändere | Quälltäxt bearbeite]

  1. 1,0 1,1 Iitrag im Bankestamm vo de Swiss Interbank Clearing
  2. Kennzahle vom dritte Quartal 2009 (PDF)
  3. Schweizerische Bankgsellschaft, Iidrag im Handelsregister vom Kanton Züri
  4. Schweizerischer Bankverein, Iidrag im Handelsregister vom Kanton Basel-Stadt
  5. Geschäftsbericht der UBS 2009

Weblingg[ändere | Quälltäxt bearbeite]