Asea Brown Boveri

Us der alemannische Wikipedia, der freie Dialäkt-Enzyklopedy
Hops zue: Navigation, Suech
ABB Ltd[1][2]
Unternähmensform Aktiegsellschaft
ISIN CH0012221716
Gründig 1988
(ASEA: 1883, BBC: 1891)
Sitz Züri, Schwiiz
Leitig

Joseph Hogan [1][3]
(CEO)
Hubertus von Grünberg [1]
(VR-Präsident)

Mitarbeiter 117'000
(2009)
Umsatz 31,795 Mrd. USD (2009)[4]
Branche Energii- und Automationstechnik
Uffdritt im Netz www.abb.com

D ABB Ltd [1] isch e Konzärn in dr Elektrotechnikbranche, wo si Hauptsitz z Züri het. Er isch 1988 us dr Fusion vo dr schwedische Allmänna Svenska Elektriska Aktiebolaget (ASEA) und dr schwiizerische Brown, Boveri & Cie (BBC) entstande. Dr Konzärn isch wältwiit dätig und beschäftigt hüte im Ganze öbbe 117'000 Mitarbeiter in 100 Länder. D Aktie vo dr ABB Ltd si an dr Schwiizer Börse SIX Swiss Exchange kotiert.[5]

Gschäftsfälder[ändere | Quälltäxt bearbeite]

D Asea Brown Boveri operiert als Konzärn für Energii- und Automatisationstechnik in underschiidlige Gschäftsfälder.[6]

Energiitechnikprodukt[ändere | Quälltäxt bearbeite]

Schaltvorrichdig für e Verdeiler vo ABB
Sitz vo dr ABB z Züri-Nord

Das Gschäftsfäld umfasst Energiitechnikprodukt und d Kundedienst drzue. Das si Schlüsselkomponänte für d Stromüberdrägig und -verdeilig. Drzue ghöre zum Bischbil Transformatore, Schaltaalage, Leistigsschalter, Kabel und anders Zuebehör.

Energiitechniksystem[ändere | Quälltäxt bearbeite]

Dr Beriich Energiitechniksystem bietet Versorgigsundernähme schlüsselfertigi System und Dienstleistige für d Stromüberdrägig, Stromverdeilig und für Chraftwärk. D Hauptfälder vo däm Gschäftsberiich si Understatione und Automatisierigsszstem für Understatione. Wiiteri Schlüsselprodukt si flexibli Wächselstrom-Überdrägigssystem (FACTS), Hochspannigs-Gliichstrom-Überdrägig (HVDC) und Netzwärkmanagement-System. In der Stromerzügig offeriert die Division d Instrumentierig, Stüürig und Elektrifizierig vo Chraftwärk.

Automationsprodukt[ändere | Quälltäxt bearbeite]

Dä Gschäftsberiich lieferet Aadriib, Elektromotore und Generatore, Niiderspannigsprodukt, Instrumentierig und Prozässanalyse, und Leistigselektronik. D Aawändigsgebiet vo dene Problemlösige gönge vo dr Verfahrens-, Fertigungs- und Versorgigsindustrii bis zu Gschäfts- und Wohnbaute.

Prozässautomation[ändere | Quälltäxt bearbeite]

Dä Gschäftsberiich offeriert integrierti Lösige für d Automatisierig und Optimierig vo industrielle Produktions- und Gschäftsprozäss und branchespezifischi Aabassige drzue. S Leistigsaagebot richtet sich bsunders an d Branche Öl und Gas, Energie, Chemii und Pharma, Zällstoff und Babbiir, Metallverarbeitig, Mineral, Marine und Turbolader.

Robotertechnik[ändere | Quälltäxt bearbeite]

ABB isch Aabieter vo Industriiroboter, Robotersoftware, modulari Fertigungszälle und offeriert Dienstleistige für die underschiidlige Aawändigsberiich vo dr Automation. Gliiferet wärde Industriiroboter in allne Grössene, Lackier- und Spezialroboter für d Branche Giesserei, Metalverarbeitig, Kunstoffverarbeitig, Autoindustrii, Verpackig und Palletiere. ABB het wältwiit meh as 160'000 Roboter installiert.[7] 2006 isch s Global Robotics Headquarters uf China (Shanghai) züglet,[8] wo sit 2007 ABB-Industriiroboter broduziert wärde.[9]

Litratur[ändere | Quälltäxt bearbeite]

  • Kevin Barham, Claudia Heimer: ABB: the dancing giant – creating the globally connected corporation. Financial Times, London 1998, ISBN
  • Catrina Werner: ABB – Die verratene Vision. Orell Füssli, Zürich 2003, ISBN 3-280-06004-4

Fuessnote[ändere | Quälltäxt bearbeite]

  1. 1,0 1,1 1,2 1,3 Eintrag im Handelsregister des Kantons Zürich
  2. ABB Aktionärsmitteilung vom 28. März 1999 bezüglich Aktienumtausch und neuer Firmenname ABB Ltd.
  3. ABB ernennt Joseph Hogan zum neuen CEO, Medienmitteilung vom 17. Juli 2008
  4. ABB Ltd., Facts and Figures
  5. SIX Swiss Exchange: Stammdaten der ABB Ltd
  6. www.abb.de Unsere Geschäftsfelder, abgrüeft am 17. Dezämber 2009
  7. ABB Produktüberblick/Robotertechnik, Abgrüeft am 16. Dezämber 2009
  8. Isabbelle Liu, ABB. ABB Robotics helps to improve productivity for Chinese auto customer , ABB, September 29, 2006. 
  9. ABB starts robot production , China Daily, September 29, 2006. 

Weblingg[ändere | Quälltäxt bearbeite]