Novartis

Novartis AG
Unternähmensform	Aktiegsellschaft
ISIN	CH0012005267
Gründig	1996
Sitz	Basel, Schwiiz
Leitig	Joe Jimenez (CEO) Daniel Vasella (VR-Präsident)
Mitarbeiter	96'700 (31. Dezämber 2008)
Umsatz	44,267 Mrd. USD (2009)
Branche	Biotechnologii und Pharmazii
Uffdritt im Netz	www.novartis.com

D Novartis AG (vo lat. novae artes «neui Künst») isch e Biotechnologii- und Pharmaundernähme mit Sitz z Basel (Schwiiz). Novartis isch1996 us ere Fusion vo de beide ehemolige Basler Pharma- und Chemiiundernähme Ciba-Geigy AG und Sandoz. Es isch denn die grössti Firmefusion uf dr Wält gsi. Hüte isch Novartis s drittgrösste Pharmaundernähme uf dr Wält.

Gschicht

Novartis goht uf mehreri Basler Firme zrugg, wo sich alli im 19. Johrhundert mit dr Produktion vo Anilinfarbstoff us Teer beschäftigt hai. Näben em Rhii, wo Wasser gliiferet het un wo mä d Abfäll dri gheit het, , het s no anderi Faktore gee, wo d Entwicklig vo dr Basler Farbstoffindustrii begünstigt hai: es het Färbereie gha, e guet usbaute internationale Handel, lokals Kapital und gnueg Arbetschreft. Die erste Chemiker und s Know-how für d Farbstoffhärstellig si us Frankriich cho. Usser dr Hoffmann-La Roche göhn alli Basler Pharmaundernähme mit Wurzle im 19. Johrhundert uf d Teerfarbeproduktion zrugg und hai über mehreri Stuefe zu Novartis fusioniert.

Novartis Firmensitz z Basel

Litratur

• Christian Zeller: Globalisierungsstrategien – Der Weg von Novartis. Springer-Verlag, Berlin/New York 2001, ISBN 3-540-41629-3

Weblingg

 Allmänd (Commons): Novartis — Witeri Mulitimediadateie zum Artikel

• Website vo dr Novartis
• Website vo dr Sandoz
• Website vom Novartis Aagestellte Verband (Schwiiz), abkürzt: NAV
• Novartis Stiftig
• Campaign for Access to Essential Medicines
• Artikel Novartis im Historische Lexikon vo dr Schwiiz