Sankt Petersburg
Us der alemannische Wikipedia, der freie Dialäkt-Enzyklopedy
|
|
|
| Wappe | Flagge |
|---|---|
.png) |
.png) |
| Charte | |
 |
|
| Basisdate | |
| Land |  Russland |
| Föderationschreis | Nordwestrussland |
| Stadt mit Subjäktstatus | St. Petersburg |
| Ywohner | 4'580'620 (2006) |
| Flächi | 1431 km² |
| Bevölkerigsdichti | 3201 Ywohner/km² |
| Höchi | 3m ü. NN |
| Koordinate | 59° 56' N, 30° 16' O |
| Sproch(e) | Russisch |
| Vorwahl(e) | (+7)812 |
| Bostleitzahl(e) | 190000–199406 |
| Stadtglyderig | 18 Bezirk |
| Kfz-Kännzeiche | 78, 98 |
| Zitzone | UTC+3 (Summerzit: UTC+4) |
| Bürgermeister | Walentina Matwijenko |
| Internetsite | www.gov.spb.ru |
|
|
|
 |
|
| Dialäkt: Lozärnerdütsch |
Sankt Petersburg (russ. Санкт-Петербург) oder poetisch uusdröckt „Venedig vom Norde“, esch die zwöitgröschdi Schtadt vo Russland und lyd im Delta vom Floss Newa ade Oschtsee. Nochdem de Zar Peter der Grosse s’Sompfgebiet vo de Newamöndig vo de Schwede eroberet hed, hed er zom d’Schtellig sechere agäblich am 16. Mäi 1703 Sankt Petersburg gröndet. Dank de optimal Lag ond de Nöchi zom Meer esch Sankt Petersburg rasch gwachse, de wechtigscht Marineschtötzponkt worde ond schliesslich au d’Hauptstadt vom Zarerych. D’Schtadt esch planmässig öber 100 Insle ond 42 Kanäl, öber die 320 Brogge füehred, bout worde, wobi de Architekt Domenico Trezzini us Astano, es Dorf im Tessin (Schwiiz), en wesentliche Teil vo de Planig gleischded hed. Er hed onder anderem au die markant Peter–Paul–Kathedrale bout, weli met ehrem schpetzige Dach öberhaupt ned zo Russland passt, wie au mängs anders ned i dere Stadt, da de Zar Peter I. stark europaorientiert gsy esch.
Metem Usbroch vom 1. Wältchrieg esch d’Schtadt uf Petrograd (Petersstadt) ombenennt worde. Bim Usbroch vode Revolution hedmer met em Panzerkreuzer Aurora uf de Wenterpalascht, d’Eremitage, gschosse ond ehn gschdörmt, do die provisorisch Regierig i dem Gebäude, weles höt eis vode gröschde Musee uf de Wält esch, tagt hed. Noch em Tod vom Revolutionär Lenin esch d’Schtadt zo sine Ehre uf Leningrad ombenennt worde. 1941-1944 esch d’Schtadt 900 Täg lang vode Nazis belagert worde. Währed dere Zyyt send öber 470 000 Börger oms Läbe cho. Wäge dem hed Petersburg 1965 de Ehretitel vonere Heldestadt becho.
Noch de Uflösig vo de UdSSR esch d’Schtadt 1991 weder uf Sankt Petersburg tauft worde.
Höt läbed guet 4'790'000 Mönsche z Petersburg.
