Postleitzahl

Us der alemannische Wikipedia, der freie Dialäkt-Enzyklopedy

D' Postleitzahl (PLZ; englisch postal code; USA ZIP Code) isch e Ziffere- oder Buechstabe-/Zifferekombination innerhalb vu Postadresse uf Briefe, Pakete oder Päckli, wo dr Zuestellort igrenzt.

Funktionell ähnlet e Postleitzahl dr Telefonvorwahle un Kfz-Kennzeiche bzw. den Amtliche Gmeischlüssel.


Schribwiise[ändere | Quälltäxt bearbeite]

D'Schribwiise vu Postleitzahle reglet in Dytschland d'DIN 5008. Demnooch werre Postleitzahle nit dur Leerzeiche oder ähnlichs underglideret.

Gschichte vu der Postleitzahle[ändere | Quälltäxt bearbeite]

Zum erste Mol isch 1853 vu dr Postverwaltig vu dr Thurn und Taxis mit Hilf vu Ringnummerestempel ermöglicht worre, Örter us eme Zahlecode z'erchennen. Carl Bobe het 1917 Dytschland in Großrüüm, regionali Beriiche un örtlichi Beriiche ime Organisationsschema glideret.

Am 25. Juli 1941 isch in dr Verfüegig 407/1941 im Amtsblatt vum Riichspostministerium d'Ifüehrig vu Leitgebiite bekannt gä worre. Sälli hän zuenächst numme fer dr Paketdienst golte. Es het 24 Päcklileitstelle mit Unterleitstelle gä, wo vu 1 bis 24 durchnummeriert gsi sin. Die Gebiite hän in etwa dr Oberpostdirektionsbezirke entsproche. Ab em 19. Oktober 1943 het des System au fer dr Briefdienst golte. Sit 1944 isch d'Bevölcherig ufgforderet worre, die Zahle z'nutze. Es isch usserdem e Anpassig vu dr Gebiite erfolgt, so dass au Kombinatione us Zahle un Buechstabe verwendet worre sin, wie z. B. 5b fer Ostpraisse.

Es git verschideni Meinige dorüber, ob d'Leitgebiitszahle e Erfolg gsi sin oder nit. Fest stot, dass in dr 1950er Johre u. a. ufgrund vu dr Automatisierig vum Briefdienstes e Yberarbeitig vu er Postleitzahle erforderlich worre isch. Am 23. März 1962 isch under Postminister Richard Stücklen die nöi, viirstellig Postleitzahl igfüehrt worre. Bereits am 3. November 1961 sin sälli im Amtsblatt vum Minister fer Post- un Fernmeldewäse Nr. 126 bekannt gä worre. S'Verkehrsgebiet isch no in 7 Leitzone underdeilt gsi, sälli wiiderum in bis zue 10 Leitrüm, jeder Leitruum in bis zue 10 Leitberiiche. Die viirt Stell het dr Postort agä.

Noochem Bitritt vu dr DDR isch ä Nöiorganisation vu dr Postleitzahlen dringend notwendig worre. Meh wie 800 Postleitzahle sin sowohl in Ost- als au Westdytschland vorhande gsi. Die am 1. Juli 1993 igfüehrt fümfstellig Postleitzahl isch dur e riisige Werbekampagne vorbereitet worre, die under anderem d'Fingerfigur Rolf begleitet het. Die etwa 30.000 nöie Postleitzahle sind rein numerisch un geographisch ufbaut. Usgoend vu 83 Briefzentre gen die erste beide Ziffere d'Region a, d'Ziffere dri bis fümf zeige a, wo dr Empfänger wohnt un wie er si Post erhaldet (Zuestellig, Postfach) un ob er Großchunde isch.

Bis 2003 hän nooch Agabe vum Weltpostverei 117 Staate Postleitzahle igfüehrt. Am Afang vu 2005 het die irisch Regulierigsbehörde (ComReg) d'Ifüehrig vu Postleitzahle achündigt.

PLZ-Systeme[ändere | Quälltäxt bearbeite]

Staate ohni Postleitzahle[ändere | Quälltäxt bearbeite]


Weblink[ändere | Quälltäxt bearbeite]