Pierre-Auguste Renoir

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Pierre-Auguste Renoir

Dr Pierre-Auguste Renoir [pjɛːʁ oˈgyst ʁəˈnwaːʁ] (* 25. Februar 1841 z Limoges; † 3. Dezämber 1919 z Cagnes, hüfig nume Auguste Renoir gnennt) isch e franzöösische Mooler vom Impressionismus gsi.

Lääbe[ändere | Quälltäxt bearbeite]

Pierre-Auguste Renoir, ca.1910

Er het e Leere as Borzellaanmooler gmacht und in ere Manufaktuur gschafft, bis die het müesse zuemache, wil mä s Borzellaan mee und mee maschinell het afo bedrucke. Vo 1861 bis 1864 het er bim Schwizer Mooler Charles Gleyre gleert. Er isch e Fründ vom Claude Monet, Alfred Sisley und vom Frédéric Bazille worde und und het mit deene zämme im Freie gmoolt. 1864 her er zum erste Mol e Bild im Pariser Salon usgstellt. Vo 1865 bis 1871 isch d Lise Tréhot si Geliebti gsi und Modäll gstande für en. E Bild mit ere, D Lise mit em Sunneschirm het er 1868 am Salon usgstellt. D Kritiker häi zwar sini Gmäld globt, verchauft het er aber braktisch nüt und isch bitter arm gsi.

Wo dr Dütsch-Franzöösisch Chrieg aagfange het, het er sich freiwillig zur Kawallerii gmäldet, het aber nie müesse kämpfe. Noch em Chrieg isch er wider vil mit em Monet, Sisley und mit em Édouard Manet zämme gsi. Si häi vilmol s Gliiche gmoolt, wie zum Bischbil d Familie Monet im Garde vo iirem Huus z Argenteuil, wo s e Version vom Renoir git drvo und äini vom Manet.

Wie bi vile andere Impressioniste isch au bim Renoir dr Schmalhans Chuchimäster gsi. Vo dr Middi vo de 1870er Joor aa isch s em besser gange, won er dr Zollbeamti Victor Cocquet und dr Verleeger Georges Charpentier kennegleert het und vo iine Ufdrääg für Bordret und e groosses Daafelebild überchoo het. Dank em Charpentier het er vo denn aa e Hufe Ufdrääg us dr 'bessere Gsellschaft' überchoo.

1881 und 1882 het er drei groossi Räise uf Algerie, uf Italie, won er sich mit de Freske vom Raffael und de Bilder vom Jean-Auguste-Dominique Ingres beschäfdigt het, und no äinisch uf Algerie gmacht. 1882 het er z Palermo s Bordret vom Komponist Richard Wagner gmoolt.

Noch sim letschte Italie Ufenthalt het er sich vom Impressionismus afo abwände und klassizistischi Ideä afo übernee. Uf ere Räis uf d Insle Guernsey im Joor 1883 het er e Serii vo Gmäld gmacht, under andere Moulin Huet Bay[1]. Er isch in e schöpferischi Krise cho und het s Gfüül gha, künstlerisch in ere Sackgass glandet z si. Äins vo de wichdige Bilder us dere Zit isch s Bild Die groosse Badende vo 1887, wo voll vo kunsthistorische Zitaat isch.

Im März 1885 het si Geliebti Aline Charigot en ersts Chind, dr Soon Pierre Renoir, wo spööter as Schauspiiler bekannt worden isch, uf d Wält brocht. Dr jüngeri Soon Jean Renoir isch spööter Filmreschissöör worde. Am Ändi vo de 1880er Joor het er wider Fröid gfunde an de Farbe und am flüssige, sinnlige Moole. Zum impressionistische Moolstil vo de 1870er Joor isch er aber nüme zrugg.

Um 1892 häi sich bin em die erste Zäiche vom Rheumatoide Arthritis bemerkbar gmacht, was denn felschligerwiis as Gicht diagnostiziert worden isch. Wil s em im milde Middelmeerklima besser gangen isch, isch er 1907 ändgültig uf "Les Collettes", e Landhuus mit eme groosse Garde z Cagnes-sur-Mer bi Nizza züüglet. Hüte isch dört e Museum iim zu Eere. [2]

Drotz siner Chranket het dr Renoir no die ganz Zit gmoolt, au won er im Rollstuel gsässe isch und män em dr Bimsel het müesse an d Hand binde, wil er en nüm het chönne heebe.

Dr Pierre-Auguste Renoir isch achtesibzgi gsi, won er gstorben isch. Er het e Hufe Landschaftsbilder, Stilllääbe, Bordret vo Erwaggsene und vo Chinder, Aktbilder, Bilder vom Danzvergnüege und vom Familielääbe hinderloo. Si Graab befindet sich uf em Friidhoof z Essoyes im Departemänt Aube in dr Champagne.

E baar vo sine Wärk[ändere | Quälltäxt bearbeite]

Bild Ditel Entstande Gröössi, Materiaal Usstellig/Sammlig/Bsitzer
Pierre-Auguste Renoir - Mademoiselle Romaine Lascaux.jpg Mademoiselle Romaine Lascaux 1864 81 × 65 cm, Ööl uf Liinwand Cleveland Museum of Art z Cleveland
Pierre-Auguste Renoir - Frédéric Bazille.jpg Dr Mooler Bazille an siner Staffelei 1867 105 × 73 cm, Ööl uf Liinwand Musée d'Orsay z Bariis
Pierre-Auguste Renoir 020.jpg D Diana as Jeegere 1867 197 × 132 cm, Ööl uf Liinwand National Gallery of Art z Washington D. C.
Renoir Lise With Umbrella.jpg D Lise mit em Sunneschirm 1867 184 × 115 cm, Ööl uf Liinwand Folkwang Museum z Esse
Renoir clown.jpg Dr Zirkusgloon 1868 192 × 128 cm, Ööl uf Liinwand Kröller-Müller Museum z Otterlo
Pierre-Auguste Renoir - En été (La Bohémienne).jpg Im Summer 1868 85 × 59 cm, Ööl uf Liinwand Alte Nationalgalerie z Berlin
Pierre-Auguste Renoir 108.jpg S Ehepaar Sisley 1868 105 × 75 cm, Ööl uf Liinwand Wallraf-Richartz-Museum & Fondation Corboud z Köln
Auguste Renoir - La Grenouillère.jpg Dr Froschdäich (La Grenouillère) 1869 66 × 86 cm, Ööl uf Liinwand Schwedisches Nationalmuseum z Stockholm
Pierre Auguste Renoir - La Promenade.jpg Dr Spaziergang 1870 80 × 64 cm, Ööl uf Liinwand J. Paul Getty Museum z Los Angeles
Pierre-Auguste Renoir - Odalisque.jpg Odaliske 1870 69 × 123 cm, Ööl uf Liinwand National Gallery of Art z Washington D. C.
Pierre-Auguste Renoir 090.jpg Dr Pont-Neuf 1872 74 × 93 cm, Ööl uf Liinwand National Gallery of Art z Washington D. C.
Pierre-Auguste Renoir 071.jpg D Madame Monet uf em Diwaan 1872 54 × 73 cm, Ööl uf Liinwand Museu Calouste Gulbenkian z Lissabon
Pierre-Auguste Renoir - Claude Monet painting in his Garden at Argenteuil.jpg Dr Claude Monet, wien er in sim Garde z Argenteuil moolt 1873 46 × 60 cm, Ööl uf Liinwand Wadsworth Atheneum z Hartford (Connecticut)
Pierre-Auguste Renoir - Madame Monet and her Son.jpg D Madame Monet und iire Soon 1874 51 × 68 cm, Ööl uf Liinwand National Gallery of Art z Washington D. C.
Pierre-Auguste Renoir 023.jpg D Loosche 1874 80 × 64 cm, Ööl uf Liinwand Courtauld Institute of Art z London
Pierre-Auguste Renoir, Danseuse.jpg D Dänzere 1874 142 × 93 cm, Ööl uf Liinwand National Gallery of Art z Washington D. C.
Pierre-Auguste Renoir 089.jpg D Bariisere 1874 82 × 101 cm, Ööl uf Liinwand National Museum Cardiff z Cardiff
Auguste Renoir - La Balançoire.jpg D Rittigampfi 1876 92 × 73 cm, Ööl uf Liinwand Musée d’Orsay z Bariis
Pierre-Auguste Renoir, Le Moulin de la Galette.jpg Bal au Moulin de la Galette 1876 131 × 175 cm, Ööl uf Liinwand Musée d’Orsay z Bariis
Pierre Auguste Renoir La-sortie du Conservatoire.jpg Dr Usflug vom Konservatorium 1876-1877 187 × 117 cm, Ööl uf Liinwand Barnes Foundation z Merion bi Philadelphia
Jeanna Samary-Renoir.png D Jeanne Samary 1878 173 × 102 cm, Ööl uf Liinwand Eremitaasche z Sankt Petersburg
Pierre-Auguste Renoir 094.jpg D Madame Charpentier und iiri Chinder 1878 131 × 88 cm, Ööl uf Liinwand Metropolitan Museum of Art z Nöi York
Pierre-Auguste Renoir, Seascape.JPG D Wälle 1879 64,8 × 99,2 cm, Ööl uf Liinwand Art Institute of Chicago z Chicago
Pierre-Auguste Renoir 124.jpg E Ruederer z Chatou 1879 81 × 100 cm, Ööl uf Liinwand National Gallery of Art z Washington D. C.
Dejeuner-canotiers.jpg S Morgenässe vo de Ruederer 1880-1881 130 × 173 cm, Ööl uf Liinwand Phillips Collection z Washington D. C.
Renoir Doges' Palace, Venice.jpg Dr Dooschebalast z Venedig 1881 54,5 × 65 cm, Ööl uf Liinwand Sterling and Francine Clark Art Institute z Williamstown (Massachusetts)
Pierre-Auguste Renoir 141.jpg Frücht us em Süüde 1881 51 x 68,5 cm, Ööl uf Liinwand Art Institute of Chicago z Chicago
Renoirparapluies.jpg D Räägeschirm 1881-1885 180 × 115 cm, Ööl uf Liinwand National Gallery z London
Pierre-Auguste Renoir - Richard Wagner.jpg Dr Richard Wagner 1882 53 × 46 cm, Ööl uf Liinwand Musée d'Orsay z Bariis
Pierre-Auguste Renoir 019.jpg Danz in dr Stadt 1882-1883 180 × 90 cm, Ööl uf Liinwand Musée d'Orsay z Bariis
Pierre-Auguste Renoir - Danse à la campagne.jpg Danz uf em Land 1882-1883 180 × 90 cm, Ööl uf Liinwand Musée d'Orsay z Bariis
Renoir Nachmittag der Kinder in Wargemont.jpg Noomiddaag vo de Chinder z Wargemont 1884 Ööl uf Liinwand Museum Alte Nationalgalerie, Berlin
Pierre-Auguste Renoir Mädchen mit Peitsche.jpg S Chind mit dr Peitsche 1885 81 × 92 cm, Ööl uf Liinwand Eremitaasche z Sankt Petersburg
Pierre-Auguste Renoir 021.jpg Die groosse Badende 1887 115 × 170 cm, Ööl uf Liinwand Philadelphia Museum of Art z Philadelphia
Pierre-Auguste Renoir 158.jpg Jungi Mäitli am Klavier 1892 116 × 90 cm, Ööl uf Liinwand Musée d'Orsay z Bariis
Pierre-Auguste Renoir 048.jpg Dr Jean Renoir, wien er nääit 1900 55 × 46 cm, Ööl uf Liinwand Wallraf-Richartz-Museum & Fondation Corboud z Köln
Pierre-Auguste Renoir 150.jpg S Urdäil vom Paris 1908 81 × 100 cm, Ööl uf Liinwand Phillips Collection z Washington D. C.
Renoir - Banhista Enxugando a Perna Direita.jpg E Badendi, wo iir Bäi duet abdröchne 1910-1911 84 × 65 cm, Ööl uf Liinwand Museu de Arte de São Paulo z São Paulo
Pierre-Auguste Renoir 125.jpg Rueh noch em Bad 1918-1919 110 × 160 cm, Ööl uf Liinwand Musée d'Orsay z Bariis

Liddratuur[ändere | Quälltäxt bearbeite]

  • Edmond Renoir: Mein Bruder Auguste Renoir. Der Brief von 1879. Aus dem Französischen übersetzt von Elisabeth Edl. Basel: Piet Meyer Verlag 2007.
  • Jean Renoir: Mein Vater Auguste Renoir (OT: Renoir). Diogenes, Zürich 1981, ISBN 3-257-22425-7
  • Julius Meier-Graefe: Renoir. Insel-Verlag, Frankfurt am Main 1986. ISBN 3-458-32556-5
  • Bruce Bernard (Hrsg.): Die großen Impressionisten. Delphin-Verlag, München 1987. ISBN 3-7735-5323-4
  • Thomas Blisniewski: „Und gab ihr den Apfel und pries sie vor allen die Schönste“ – Pierre Auguste Renoirs und Richard Guinos „Venus Victrix“ im Wallraf-Richartz-Museum – Fondation Corboud. In: Kölner Museums-Bulletin. Berichte und Forschungen aus den Museen der Stadt Köln (4), 2002, S. 34-44
  • Auguste Renoir. Gemälde 1862-1917, Katalog zur gleichnamigen Ausstellung in der Kunsthalle Tübingen, DuMont Verlag, Köln 1996
  • Pierre-Auguste Renoir. Wie Seide gemalt. Katalog zur gleichnamigen Ausstellung in den Kunstsammlungen Chemnitz. Hirmer Verlag, München 2011.
  • Karin Sagner: Renoir und seine Frauen. Sandmann Verlag, München 2012.

Weblingg[ändere | Quälltäxt bearbeite]

 Allmänd (Commons): Pierre-Auguste Renoir – Sammlig vo witere Multimediadateie

Fuessnoote[ändere | Quälltäxt bearbeite]

  1. The Nationalgallery, Moulin Huet Bay, abgrüeft am 15. Juni 2011
  2. Internetseite der Stadt Cagnes-sur-mer mit Musée Renoir (fr)
Dä Artikel basiert uff ere fräie Übersetzig vu dere Version vum Artikel „Pierre-Auguste_Renoir“ vu de dütsche Wikipedia.

E Liste vu de Autore un Versione isch do z finde.