Missionar

Us der alemannische Wikipedia, der freie Dialäkt-Enzyklopedy

Missionare sind Lüt wo anderi Mensche zu irer Religion und Weltaschauig becheere wönd.

[ändere] Missionierendi Religione

• S Chrischdedum
• Hare Krischna
• Scientology
• Dr Islam isch nur bedingt missionierend.

[ändere] Alemanischi Missionare

Bi de Alemane hend meriri Missionare dra gschaffe um s Christetum z verbraite. Nöd selte isch a dem Ort, wo die Mane gwürkt hend, e Chloschter gründet worde.

• De Arbogast, 6. odr 7. Johrhundert, Stroossburi
• De Columban († 23. November 615), 610-612 am Zürisee und bi Bregez. Chloschter: Bobbio z Italie.
• De Gallus († 16. Oktober; um 640/50), ab 610 am Zürisee und am Bodesee. Chloschter: Sanggale.
• De Fridolin († 6. März), het um 630 am Obere Rhii gwürkt. Chloschter: Säckinge.
• De Trudbert († 26. April 643), im Briisgau.
• De Landelin († 21. September), um 700 i de Ortenau. Chloschter: Ettehaimmünster.
• De Pirmin († 3. November 753), het im Johr 724 s Chloschter Riichenau gründet.
• De Mainrat († 21. Jänner 861), Chloschter: Einsidle.

Wa die Mane gmacht hend da beschrybet d Hagiographe i de Hailigevite.