Mage Solar Stadion

Us der alemannische Wikipedia, der freie Dialäkt-Enzyklopedy
(Witergleitet vun MAGE SOLAR Stadion)
Hops zue: Navigation, Suech
MAGE SOLAR Stadion
friejer: Dreisamstadion
MAGE SOLAR Stadion
Badenova-Stadion
Date
Ort Fryybeg, Deutschland Düütschland
Verein SC Fryybeg
Eröffnig 1954[1]
Kapazität 24.000[1] Plätz
Oberflechi Naturwase
Sanierige 1970, 1980, 1993–1995, 1999, 2004
Veraastaltige
  • Spiele des SC Freiburg
Nordweschte
Nordtribüne
Solarkollektore uf em Dach

S Mage Solar Stadion (Eigeschribwiis: MAGE SOLAR Stadion) isch d Wettkampfstätte vum Fueßball-Erschtligischt SC Fryybeg z Fryybeg. S lyt im eschtlige Stadtdeil Waldsee an dr Schwarzwaldstroß. Bis Juni 2004 het s Stadion, wu 24.000 Zueschauer fasst, dr Name Dreisamstadion drait, vu dert a bis im Dezember 2011 no "badenova Stadion" noochem Energiversorger badenova, sitem Jänner 2012 no dr jetzig Namme.

Gschicht[ändere | Quälltäxt bearbeite]

Noch em Zweete Wältchrieg het dr SC Fryybeg zerscht kai aigene Sportblatz ghaa. Erscht anne 1953 het dr Verain e Gländ im Oschte vu dr Stadt ibernuu. Dert isch derno ne Sportblatz aaglait wore, wu am 4. Septämber 1954 offiziäll yygweit woren isch. 1970 isch dr Sportblatz zerscht um e Tribine mit 480 Sitzblätz erwyteret wore,[1] acht Johr speter - noch em Ufstiig in di 2. Bundesliga – isch dr erscht groß Uusböu chuu. Mit dr Errichtig vun ere Haupttribine un dr Erwyterig vu dr Stohräng isch d Kapazitet uf 15.500 Blätz gstiige. Derzue isch au ne Fluetlichtaalag ischtalliert wore.

In dr Winterpause vu dr Saison 1994/1995 isch mit em Böu vun ere neie Hinterdortribine (Sid-Syte) aagfange wore, wu d Böuarbete im Juni/Juli 1995 fertig gsii sin, het s Stadion derno ne Kapazitet vu 18.000 ghaa.

Uf di hitig Greßi isch s schließlig anne 1998 chuu, wu d Nord- un d Oschttribine erwyteret bzw. neierrichtet wore sin. D Nordtribine bietet 6000 Zueschauer ne Stohblatz, uf dr Oschttribine het s 6000 Sitzblätz. Boodi Tribine sin iberdacht. Vor dr Oschttribine sin au behindertegrächti Blätz diräkt am Spiilfäld entstande.

Insgsamt bietet s Stadion jetz 24.000 Zueschauer Blatz (14.000 Sitzblätz un 10.000 Stohblätz).[1] Alle Tribine sin iberdacht. Wäg ere Chlag us dr Nochberschaft isch s em Verain untersait wore, d Kapazitet vum Stadion wyter z vergreßere.

Mittlerwyyli isch s Stadion wyter umböue wore. Iber zwai Photovoltaik-Chraftwärch mit ere Laischtig vu 146.000 kWh pro Johr wird e große Dail vum Energibedarf deckt.[1] Au d Wasehaizig wird umwältschonend mit Stirlingmotore bedribe. Mit em Aaböu vun eme Funktionsgebei anne 2004 isch s fir VIP-Gescht no chummliger wore. Des Gebei lyt im Nordweschtecke vum Stadion. Hinter dr Nordtribine isch e Fanhuus böue wore, wu dur d Fangmainschaft (Dachverband der Organisierten SC-Freiburg Fans) gfiert wird.

Scho ne baar Mol het s im Stadion Länderspiil gee, zletscht het di Dytsch Fueßballnationalmannschaftf churz vor dr Fueßball-Wältmaischterschaft 2006 e Fryndschaftsspiil gege Luxemburg gspiilt, in dr Fueßball-Wältmaischterschaft het s Stadion as Trainingsblatz fir di Niderländisch Nationalmannschaft dient, wu ihre Quartier z Hinterzarte ghaa het.

Di dytsch Nationalmannschaft vu dr Fraue het am 28. Februar 2008 e Fryndschaftsspiil gege China an dr Dreisem bstritte. Drotz ass dr Termin am e vieri am Nomittag am e Dunschtig seli uuginschtig gsii isch, sin ainewäg fascht 20.000 Zueschauer chuu un hän e 2:0-Siig vu dr dytsche Mannschaft gsää. Im Mai 2010 isch d Nationalmannschaft vu dr Niderlande uf Fryybeg returchuu. In der WM-Vorberaitig het "Oranje" ne Teschtspiil gege d Nationalmannschaft vu Mexiko bstritte.

Mer chunnt guet zum Stadion iber d Stadtbahnlinie 1 in Richtig Littewyyler oder iber Bahnhof Littewyyler vu dr Helledalbahn. Bi Haimspiil wäre di boode Zuefahrtsstroße, d Schwarzwaldstroß un d Heinrich-Heine-Stroß, fir Nit-Aaliiger gspeert.

Plakette vu dr Stadt zum Uusböu

Stadionneibau[ändere | Quälltäxt bearbeite]

Wel s MAGE SOLAR Stadion chuum no dr Aaforderige an e modärn Stadion entspricht, wäre syt ere Zyt megligi Standort fir e nei Stadion gsuecht.

In ere Machbarkaitsstudie sin insgsamt zeh Standort uf eme Baan vu dr Stadt uf ihri Aignig untersuecht wore, wu aber alli wenig Uussicht uf e Realisierig hän.[2]

As meglige elfte Standort isch jetz e Flechi in dr Nechui vu dr A5-Uusfahrt Harte/Haitersche ederzue chuu, wu unter em Namme Breisgau-Arena gfiert wird.[3]

Länderspiil[ändere | Quälltäxt bearbeite]

Manne[ändere | Quälltäxt bearbeite]

Vier Länderspiil vu dr dytsche Fueßballnationalmannschaft vu dr Manne het s im Dreisamstadion bzw. Badenova-Stadion gee.

Derzue hän di niderländisch un di mexikanisch Fueßballnationalmannschaft gegenenander gspiilt.

Fraue[ändere | Quälltäxt bearbeite]

D Frauenationalmannschaft isch bishär aimol im Fryybeger Stadion z Gascht gsii.

Literatur[ändere | Quälltäxt bearbeite]

  • Werner Skrentny (Hrsg.): Das große Buch der deutschen Fußballstadien. Verlag Die Werkstatt, Göttingen 2001, ISBN 3-89533-306-9, S. 129–131

Fueßnote[ändere | Quälltäxt bearbeite]

  1. 1,0 1,1 1,2 1,3 1,4 Stadionfakte uf dr offiziälle Websyte vum SC Fryybeg
  2. Badischi Zytig vum 25.11.2010
  3. Breisgau-Arena

Weblink[ändere | Quälltäxt bearbeite]

47.9888888888897.8930555555556Koordinate: 47° 59′ 20″ N, 7° 53′ 35″ O

Dä Artikel basiert uff ere fräie Übersetzig vum Artikel „MAGE_SOLAR_Stadion“ vu de dütsche Wikipedia.

E Liste vu de Autore un Versione isch do z finde.