Jon Pult

Us der alemannische Wikipedia, der freie Dialäkt-Enzyklopedy
Dr Jon Pult im 2019

Dr Jon Andri Pult[1] (* 12. Oktober 1984 z Scuol) isch en Schwizer Politiker vo dr Soziaaldemokratische Partei (SP), wo im 2019 in Nazionalroot gwählt worde isch.[2] Vorhär isch er für acht Joor im Grosse Root vo Graubünde gsässe.[3] Im Oktober 2023, het er si Kandidatur als Noochfolger vom zruggträttende Bundesroot Alain Berset aakündigt.[4][5]

Früeche Wärdegang und Usildig[ändere | Quälltäxt bearbeite]

Em Jon Pult sin Vater isch dr Lehrer Clot Pult. Dr Jon isch in Guarda in Graubünda und z'Mailand ufgwachse[6] und isch in Domat/Ems in Chindergarte gange.[7] Sin Groossvater isch wie si Vater au Lehrer gsi.[8] Sin Unkle isch de Romanisch-Lehrer Chasper Pult.[9][10] Nachem Chindergarte isch er in Primarschuel und spöter s'Gymnasium in Chur gange.[7]

Bruefliche Wärdegang[ändere | Quälltäxt bearbeite]

Sit em 2016 isch dr Jon Pult bi dr Feinheit, emene Kampagne und Strategieentwickler aagsetllt gsi.[11] Im Joor 2022, isch er in de Verwaltigsroot vo Feinheit cho.[11] Im 2014 het der Jon Pult dr Presidänt vo dr Alpeinitiative[12] wo sich für d'Verlagerig vom Verkehr vo dr Strooss uf d'Schine iisetzt.[13]

Politische Wärdegang[ändere | Quälltäxt bearbeite]

Sit Joore gilt dr Jon Pult als en politische Hoffnigsträger. Die Neui Zürcher Zytig het en scho im 2014 als es politischs Talent erkore.[14] Drei früeneri SP Presidänte hen en au globt. D' Jaqueline Fehr het ihn im 2010 es Verspräche für d'Zuekunft gnennt.[6] Dr Peter Bodenmann het im 2015 gmeint, dass dr amtierendi SP Presidänt Christian Levrat nur dorum no Präsidänt blibt, um em Jon Pult meh Zyt wot gäh, demit är denn au parat isch, wenn so wyt isch, und wo dr Helmuet Huebacher gfrogt worde isch, wär är als dr nächschti SP Presidänt gsehni, het er zur Antwort gäh, dass obwohl anderi öppe über dr Beat Jans oder dr Cedric Wehrmut diskutiere, gseht är dr vor allem dr Jon Pult.[6]

Gmeinds- und Kantonalpolitik[ändere | Quälltäxt bearbeite]

Zwüsche 2005 und 2011 isch dr Jon Pult es Mitglied vom Gmeindsroot in Chur gsi, und vo 2010 bis 2018 het er im Grosse Rot vo Graubünde politisiert.[2] Im 2013 het er d'Olympiakandidatur vo St.Moritz fürs Joor 2022 bekämpft.[15] Im 2018 isch er zruggträtte will er im 2019 het welle für dr Nazionalroot kandidiere. [16]

Als Nationalrot[ändere | Quälltäxt bearbeite]

Er het sich im 2011 wie au im 2015 für de Nationalroot kandidiert, aber isch nit gwählt worde.[14] Im 2019 het er für de Nazionalroot wie au für de Ständeroot kandidiert.[14] und isch denn im Ändeffäkt in de Nazionalrot gwählt worde.[17] Im 2023 isch er widrgwählt worde.[18]

Persönlig[ändere | Quälltäxt bearbeite]

Dr Jon Pult isch en Doppelbürger vo Italie und dr Schwiiz und läbt in Chur.[7] Sin Bürgerort isch früener Sent[2] im Graubünde gsi und hüt, wo Sent mit Scuol fusioniert het, Scuol.

Äinzelnoochwiis[ändere | Quälltäxt bearbeite]

  1. ↑ Jon Andri Pult in Lugano - Reports (en)
  2. ↑ 2,0 2,1 2,2 Ratsmitglied ansehen
  3. ↑ Jon Pult wechselt in den Verwaltungsrat (de)
  4. ↑ Berset-Nachfolge: Jon Pult kandidiert für den Bundesrat (de-CH) . 
  5. ↑ SP-Nationalrat Jon Pult kandidiert für Nachfolge von Alain Berset (de)
  6. ↑ 6,0 6,1 6,2 "Die SP bräuchte nach 16 Jahren männlicher Dominanz nun eine Präsidentin".
  7. ↑ 7,0 7,1 7,2 Über mich.
  8. ↑ Prof. Jon Pult 1911-1991
  9. ↑ How do you say "Brunch" in Romansh?.
  10. ↑ Chasper Pult.
  11. ↑ 11,0 11,1 Feinheit: Nationalrat Jon Pult wechselt in den VR (en)
  12. ↑ Neuer Präsident für die Alpen-Initiative (de-DE)
  13. ↑ "Ich mag die Alpeninitiative, weil sie pragmatisch ist" (de)
  14. ↑ 14,0 14,1 14,2 Jon Pult will in den Ständerat und glaubt an den «Geist des Wandels»
  15. ↑ «Wir mussten das wahre Gesicht von Olympia zeigen» Südostschweiz
  16. ↑ Jon Pult will in den Nationalrat (de-CH)
  17. ↑ Starke Stimmen für die Alpen! (de-DE)
  18. ↑ Jon Pult ist für weitere vier Jahre in Bern Südostschweiz
Vun "https://als.wikipedia.org/w/index.php?title=Jon_Pult&oldid=1043275"