Radio SRF 1

Radio SRF 1 (bis Dezember 2012 DRS 1) isch als das erschti Programm vum Schwiizr Radio (SRF), dr verbreitischt und dr meischt gköhrtischt Radiosender vu de Schwiiz.

Nachrichte

Dr Radiosender leit sehr viil Wert uf aktuelli und vertüüfti Informatione, Hintergrundsendige und Unterhaltig dur Satire und Hörspiil. Zu de Nachrichtesendige strahlt dr Sender au mehrfach am Tag verschideni Regionaljournal uus, wo us de verschidene dytschsproochige Regione brichte (Basel-Stadt/Baselbiet, Aargau/Soledurn, Bärn/Fryburg/Wallis, Zentralschwyz, Züri/Schaffhuuse, Oschtschwyz und Graubünde). Gsendet wird uf Schwyzerdytsch und Hochdytsch.

Musik

Uff em Programm stoht Musik uss zimlig vyle Bereich. So wärde zum Byspiil Oldies gschpiilt, gnauso aber au Schlager, Volksmusik und zu me gleine Teil au Aktuelles. Dodemit stellt Radio SRF 1 e Parallele zum dytsche Sender SWR4 dar, isch allerdings no e bitz weniger uff Schlager ussgrichtet wie SWR4.

Mundartprogramm

Uf em Radio SRF 1 gits jede Dunnschtig z Oobe di eistündig Mundartsändig «Schnabelweid» und jede Tag au e churzi Rubrik im Verlauf vom Morge. D Mundartredaktore vom Radio sind de Markus Gasser und de Christian Schmutz. Früener isch d «Schnabelweid» langi Johr vom Christian Schmid gleitet worde.

Lueg au

Weblink

offizielli Websyte vo Radio SRF 1