Blaustein

Us der alemannische Wikipedia, der freie Dialäkt-Enzyklopedy
Hops zue: Navigation, Suech


Wappa Deitschlandkart
Wappa vo de Gmoed Blauschdoi
Blaustein
Deutschlandkarte, Position vo de Gmoed Blauschdoi hervorghobe
48.4252777777789.8813888888889495Koordinaten: 48° 26′ N, 9° 53′ O
Basisdata
Dialekt: Alemannisch
Hauptvariante: Schwäbisch
Regionalvariante: Mittelschwäbisch
Bundesland: Bade-Wirttebärg
Regierongsbezirk: Dibenga
Landkroes: Alb-Done-Kreis
Heh: 495 m i. NHN
Fläch: 55,6 km²
Eiwohner:

15.059 (31. Dez. 2012)[1]

Bevelkerongsdicht: 271 Eiwohner je km²
Boschtloetzahl: 89134
Vorwahlen: 07304, 0731
Kfz-Kennzoeche: UL
Gemeindeschlüssel: 08 4 25 141
Adress vo dr
Gmoedsverwaltong:
Marktplatz 2
89134 Blaustein
Webpräsenz: http://www.blaustein.de
Birgermoeschter: Thomas Kayser
Lag vo de Gmoed Blauschdoi em Landkroes Alb-Done-Kreis
Karte
Dialäkt: Schwäbisch

Blauschdoi (dt. Blaustein) isch a Schdat em Alb-Dona-Krois en Bada-Wirttaberg. Mid guad 15.000 Eiwonr isch se d zwôidgreaschda Schdad em Landkrôis.

D geografisch Laag vo Blauschdoi[ändere | Quälltäxt bearbeite]

Blauschdoi laid weschdlich vo Olm auf ra Heahe zwischa 490 ônd 690 Meadr. Zu ram g'herad Doil vo dr Schwäabischa Alb, am Hochsschdräss, s Blaudal, s Laudrdal ond andre gloinre Däalr. D'rch d Schdad fliaßad d Fliss Blau ônd d Glôina Laudr, dia em Ordsdoil Laudra endschbrengd.

Gmoedsgliadrich[ändere | Quälltäxt bearbeite]

Zu Blauschdoi gherad d Ortsdoil Arnegg, Bärmarenga, Ehraschdoi, Herrlenga (mid Obrherrlenga), Klingaschdoi, Margbronn, Weidach (mid Laudra ond Hoaschdoi) ond Wippenga.

Gschicht[ändere | Quälltäxt bearbeite]

Blauschdoi isch scho seid dr Schdoizeid b'siadlad gwea. S gheid au jôngschdaizeidliche, reamische, middlaldrliche ond nadierlich au neizeidliche Fônde. As 6000 Jôhr alde Jôngschdaizeidliche Dorf en Eraschdoi aus dr Zeid vo dr Schussariadr ônd dr Michlsbärgr Kulduur isch 2011 ens Weldkulduurärbe vo dr UNESCO aufgnoa worra.

Bis 1810 isch Blauschdoi a rachdr Fliggadebbich vo ondrschiadliche Herrschafda ond Hr'schafdsadoel gwea. Jeadr Flägga hodd zu ra andra Herrschafd g'herd (Olm, Glôaschdr Seaflenga, Bernhausa-Härrlenga, Wirddabärg, Deitschherra ond ville meh). Manche Flägga hend au gleichzeidich zu mähr're gherd. Au d'Religio war, ond isch en de ondrschieadliche Flägga ondrschieadlich. Grob gsaid send dia Flägga em Daal kadolisch ond dia auf am Hochschdräss ônd dr Alb z'meischd evangelisch.

Blauschdoi isch bis en de 1860er Jôhr arg vo dr Landwr'dschafd präagad gwea. Erschd dr Bau vo dr Eisabaleanee zwischa Olm ond Blaubeira 1868 hodd d'rzua g'fierd, dass zômendeschd de Flägga em Daal nôch ond nôch enduschdrialisierd wôrra send. Am bekanndaschda war d Fabrigg vo de Hômml-Laschdr en Eraschdoi, ônd d' Kallg-Schdoibrich.

D aigadlicha Gmoid Blauschdoi isch erschd am 1. September 1968 durch dr Zammeschluss vo de Gmoida Ehraschdoi ond Klengaschdoi endschdanda. Dôdrbei isch au dr Nama von dr Gmaid nei erfonda worra, endeam ma da Nama vom Fluss Blau mid de Endônga von de boide alde Ordsnama "-schdoi" zu Blauschdoi kombenierad hodd. Bei dr Gmoidsreform en de 1970er Jôhr send dann am 1. Juli 1971 au Margbronn-Diadenga ond Arnegg eigmaidadd wôrra. Am 1. Ogdobr 1974 send dann Bermarenga ond Wibbinga drzua ko, ond nach lengre grichdliche Ausanandrsetzonga am 1. Jännr 1975 au Herrlenga midd Obrherrlenga, Laudra, Hoaschdoi ond Weidach. Seid am 1. Ogdobr 2014 isch Blauschdoi a Schdad.

Verwaldong[ändere | Quälltäxt bearbeite]

Blaostoe gherd zu koinra Verwaltongsgmoischafd.

Dr Birgermoeschder vo Blauschdoi isch dr Thomas Kayser.

Gmoidsraad[ändere | Quälltäxt bearbeite]

Zämmesetzig vum Gmeinderot
Partäi Wahle vu 2009 Wahle vu 2004
SPD 4 Sitz 4 Sitz
CDU 7 Sitz 8 Sitz
Bündnis 90/Di Griene 4 Sitz 4 Sitz
Wehlervereinigunge 7 Sitz 6 Sitz
Gsamt 22 Sitz 22 Sitz
Quälle: Statisdischs Landesamt vu Bade-Württebärg

Dialäggd[ändere | Quälltäxt bearbeite]

Dr Dialäggd vo Blauschdoi ghert zom Schwäbisch. D regionala Variande isch as Middlschwäabisch.

Weblengg[ändere | Quälltäxt bearbeite]

 Allmänd (Commons): Blaustein – Sammlig vo witere Multimediadateie

Fuaßnood[ändere | Quälltäxt bearbeite]

  1. Statistisches Bundesamt – Gemeinden in Deutschland mit Bevölkerung am 31.12.2012 (XLS-Datei; 4,0 MB) (Iwohnerzahle uf Grundlag vom Zensus 2011)