Bad Liebenzell

Us der alemannische Wikipedia, der freie Dialäkt-Enzyklopedy
Hops zue: Navigation, Suech


Wappa Deitschlandkart
Wappa vo de Stadt Bad Liebezell
Bad Liebenzell
Deutschlandkarte, Position vo de Stadt Bad Liebezell hervorghobe
48.7741666666678.7313888888889333Koordinaten: 48° 46′ N, 8° 44′ O
Basisdata
Dialekt: Alemannisch
Hauptvariante: Schwäbisch
Regionalvariante: Nordschwarzwald
Bundesland: Bade-Wirttebärg
Regierongsbezirk: Karlsruhe
Landkroes: Calw
Heh: 333 m i. NHN
Fläch: 33,8 km²
Eiwohner:

8714 (31. Dez. 2012)[1]

Bevelkerongsdicht: 258 Eiwohner je km²
Boschtloetzahl: 75378
Vorwahlen: 07052 07084 Maisenbach-Zainen
Kfz-Kennzoeche: CW
Gemeindeschlüssel: 08 2 35 008
Stadtgliederung: 7 Ortsteile
Adress vo dr
Stadtverwaltong:
Kurhausdamm 2-4
75378 Bad Liebezell
Webpräsenz: www.bad-liebenzell.de
Birgermoeschter: Volker Bäuerle (SPD)
Dialäkt: Schwäbisch

Bad Liebenzell (schwäbisch Bad Liabazell uffs "i" betont) isch a Sdäddle em Nagolddaal midd-ora laanga Gschiicht. Dor "Hirsauer Codex" låd (lässt) vormuada, dass Bad Liabazell scho vår 1100 exisdird hådd. Em sbåda Middlaldor hådd´s Amt Liebenzell de "Markgrafen von Baden" ghaerd. Em Jår 1604 isch´s durch Dausch zo Wirddabärg komma.

Midd saenor Paracelsus-Therme isch Bad Liabazell oene vo de vier Gmaendena em Graes Calw midd-em Titl "Bad". Ausor Bad Liabazell send dees no Bad Härraalb (Bad Herrenalb), Bad Daenach (Bad Teinach) ond Bad Wildbad. Deswäaga håesd sich der Graes Calw ao "Bädorgraes" (Bäderkreis). D Stauferburg ausem 13. Jårhondord isch s´ bedeidensde Bauwärg vo Bad Liabazell, des må mor scho vo Weidem här siid. En Liabazell schwäddsd-mor schwäbisch, mid-ma ganz leichda sidfränggischa Aeschlag. Em Jår 2011 håd Liabazell 9.295 Aewohnor zeeld.

S´ Sdaddwabba zaegd a silbrichs Zäld, en dem a näggichor (nackter) Mã en-ra volla Baadwann hoggd ond on blaua Kelch en dor Hãd hådd. Dui gold-gfliasda Baadwann sdåd uf-ma schachbrädd-ardicha schwarz-goldena bläddleda (geplättelten) Boda. Em blaoa Hemml iborm Zäld dribor schwäbd a oenzälna Hirschstang, was so vil håesd wia dass Bad Liabazell zo Wirddabärg ghaerd. D´ Sdaddfarba send Blao-Weis.

Seid 1992 geid´s a Partnorschafd mid Villaines la Juhel en Franggreich.

Sdaddaedålong[ändere | Quälltäxt bearbeite]

Zo Bad Liabazell ghaered ausarom seggs Flägga (Dörfer), älle uff dor Haeche (Höhe) ibor dor Nagold:

Em Osda, rächds vo dor Nagold: Meddleng (Möttlingen), Monakam ond Ondorhaugsdedd (Unterhaugstett).
Em Wäsda, lenggs vo dor Nagold: Boebärg (Beinberg), Måesabach-Zåena (Maisenbach-Zainen) ond Ondorlengahaard (Unterlengenhardt).

Geografi[ändere | Quälltäxt bearbeite]

Bad Liabazell leid ogfär 10 km nerdlich vo Calw, an dor Nagold; dui fliasd middla durch dor Flägga durch. Dor diafsde Punkt leid (liegt) 310 m diaf, då må d´ Nagold d´ Gemarkung vorlessd, dor haechsde Punkt leid 687 m haoch uff dor Gemarkung vo Måesabach-Zåena.

Gmeinderåd[ändere | Quälltäxt bearbeite]

Zämmesetzig vum Gmeinderot
Partäi Wahle vu 2009 Wahle vu 2004
SPD 5 Sitz 5 Sitz
CDU 12 Sitz 12 Sitz
Gmeinsami Wehlervereinigunge 5 Sitz 4 Sitz
Gsamt 22 Sitz 21 Sitz
Quälle: Statisdischs Landesamt vu Bade-Württebärg

Schuala[ändere | Quälltäxt bearbeite]

Bad Liabazell hådd mid saem Reuchlin-Schulzentrum a Grondschual, a Haobdschual, a Realschual ond a Ferderschual. En de Ortsdåel Meddleng ond Ondorhaugsdedd geid´s jeweils ao a Grundschual.

Religiona[ändere | Quälltäxt bearbeite]

Bad Liabezell mid saenor Bläsikirch (St. Blasiuskirche) isch vo aldors här evangelisch, s´ hådd enzwischa abor ao a Katholischa Kirch em Flägga. En Liabazell isch d´ Zendrale vo dor gleichnamiga "Liebenzeller Mission". Dådurch isch Bad Liabazell en vile Lendor uff dor Wäld bekannd.

Im Kurpark

Tourismus ond Vorkehr[ändere | Quälltäxt bearbeite]

Bad Liebenzell isch durch d´ Nagoldtalbahn (Pforzheim - Horb am Neckar) ans iborregionale Sdregganetz ãgschlossa.

Vo Liabazell aus kã-mor viel scheene Wandoronga macha, em Daal ond uff d´ Bärg nuff. Bsondors schee isch a Wandorong durchs Mõbachdaal (Monbachtal) nuff zom Ordsdåel Monakam. Bad Liabazell leid ausordem am Osdwäag, dem Fernwandorwäag vo Pforzheim nåch Schaffhausa.

Tradiziona[ändere | Quälltäxt bearbeite]

Uffm Hofgut Georgenau bei Meddleng fended äll Jår am Palmsonndich dor Calwer Palmridd sdadd, dees isch a Reidorprozessio, må vom-a Esl ãgfird wird. Vorbonda isch dui Prozessio am Schluss midd-ma evangelischa Gottesdienst em Grina.

Bekannde Leid[ändere | Quälltäxt bearbeite]

  • Joh. Christoph Blumhardt, *16.6.1805 en Sduagord (Stuttgart), 25.8.1880 en Bad Boll. Dor Blumhardt isch vo 1838 bis 1852 en Meddleng Pfarror gwäa. Saene Gebetshaelonga hend en ganz Deidschland Ufsäha erregd. En Bad Boll hådd-or dornåch a Seelsorgzentrum grended.

Fuaßnote[ändere | Quälltäxt bearbeite]

  1. Statistisches Bundesamt – Gemeinden in Deutschland mit Bevölkerung am 31.12.2012 (XLS-Datei; 4,0 MB) (Einwohnerzahlen auf Grundlage des Zensus 2011)

Em Web[ändere | Quälltäxt bearbeite]



Dä Artikel basiert uff ere fräie Übersetzig vum Artikel „Bad_Liebenzell“ vu de dütsche Wikipedia.

E Liste vu de Autore un Versione isch do z finde.