Onderreichabach

Us der alemannische Wikipedia, der freie Dialäkt-Enzyklopedy


Wappa Deitschlandkart
Wappa vo de Gmoed Unterreichenbach
Unterreichenbach
Deutschlandkarte, Position vo de Gmoed Unterreichenbach hervorghobe
Koordinate: 48° 50′ N, 8° 43′ O
Basisdata
Bundesland: Bade-Wirttebärg
Regierongsbezirk: Karlsrua
Landkroes: Calb
Heh: 328 m i. NHN
Fläch: 6,3 km²
Eiwohner:

2424 (31. Dez. 2021)[1]

Bevelkerongsdicht: 385 Eiwohner je km²
Boschtloetzahl: 75399
Vorwahl: 07235
Kfz-Kennzoeche: CW
Gmoedsschlissel: 08 2 35 073
Adress vo dr
Gmoedsverwaltong:
Im Oberdorf 15
75399 Unterreichenbach
Webpräsenz: www.unterreichenbach.de
Schuldes: Carsten Lachenauer
Lag vo de Gmoed Unterreichenbach em Landkroes Calb
KarteOstelsheimEnzkreisLandkreis KarlsruheLandkreis KarlsruheLandkreis BöblingenLandkreis TübingenLandkreis RastattLandkreis FreudenstadtPforzheimBad HerrenalbDobelHöfen an der EnzUnterreichenbachSchömberg (Landkreis Calw)Oberreichenbach (Schwarzwald)Bad LiebenzellAlthengstettCalwBad Teinach-ZavelsteinBad WildbadEnzklösterleNeuweilerSimmersfeldAltensteigRohrdorf (Landkreis Calw)EgenhausenHaiterbachNagold (Stadt)Wildberg (Schwarzwald)EbhausenNeubulachGechingenOstelsheimSimmozheimSimmozheim
Karte
Dialäkt: Schwäbisch

Onderreichabach (amtlich Unterreichenbach) isch a Gmaende em Landgraes Calb en Bada-Wirddabärg. Dor Flägga isch vo aldors här wirddabärgisch gwäa, ghaerd abor seid dor Vorwaldongsreform ănna 1974 zom Regirongsbezirk Karlsrua. Ondorreichabach isch deidlich nåch Pforza orientird, wirdschafdlich, vorkehrsmäsich ond vom Aekaofa här. Därzeid (2018) leid d Aewonorzaal bei ogfär 2200.

Geografi[ändere | Quälltäxt bearbeite]

Onderreichabach leid em Nagolddaal zwischa Calb ond Pforza. Ondorhalb isch-s Daal bis en d Gegaward nae no eng ond sombfich. Dor Blazz raechd sdellaweis grad so fir d Eisabãlinie Pforza–Calb ond fir d Bundessdråß B463. D Heng vom Daal send durchwägg bewalded, ovorkennbar isch mor emm Schwaarzwald.

D Gmarkong sezzd sich zsẽma aus 14,1 % Landwirdschaftsfleche, 64,1 % Wald, 18,4 % Sidlongsfleche ond 3,3 % sonsdichor Fleche.

Natur ond Kultur[ändere | Quälltäxt bearbeite]

Dor Nagolddaal-Raadwäag gåd em Bereich vo Ondorreichabach an dor esdliche Daalseid endlang. Dui Sdell vom Daal gild als bsondors schee.

Em Ondorgschoss vo dor Tannbergschule geid-s seid 1999 a Fleesorei-Museom, 2011 vellich nui aegrichded. Em Museom gåd-s om d alda graosa Bedeidong vo dor Fleesorei sbeziäll fir Onderreichabach. D Flees send ibor d Nagold, d Enz, dor Näggor ond dor Rhae bis nåch Holland gflees wårda. S ledsde Floos isch 1911 d Nagold nondor gfara.

Älle drei Jår wird s Daalhubafäsd (Talhubenfest) gfeired, Ende August/Ãfang Säbtembor. Schaofarda uff-ma Originalfloos send dor Hehepunkt. Fir s Rãmaprogramm, Ässa ond Drengga sorged d erdliche Vorae.

D Eisabã-Brugg ibor d Nagold bei Ondorreichabach isch d ledsda exisdirenda so genannda "Schwedler"-Brugg, benannd nåch Johann Wilhelm Schwedler (1823–1894). Där hådd a Konsdrukzio aus Stahl ärfonda, bei där d Sdräba vor dor Brugg blos uff Zug belasded wärded. D Sdabilideed vo därardiche Brugga isch haoch, sbard abor gleichzeidich sogar no Maddrial. S Landesdenkmalamd mechd dui Brugg, dui no aus dor Erbauungszeid sdammd, als technischs Denkmal ärhalda.

Gmaendegliderong[ändere | Quälltäxt bearbeite]

Zo Onderreichabach ghaered Onderreichabach sälbor, seid 1914 dor Flägga Dennjächd ond seid 1972 dor Flägga Kapfahardt.

Aus dor Gschiichd[ändere | Quälltäxt bearbeite]

Onderreichabach wird zom aersda Mål em Jår 1375 ärweend, Kapfahardt dorvår scho 1260. Viile Jårhondord lang isch Ondorreichabach dor ledsde wirddabärgische Flägga em Nagolddaal gwäa. Bis zom Bau vo dor Eisabãsdregge Pforza–Calb em Jår 1868 hådd-s em Daal ondorhalb vo Ondorreichabach koen Wäag mae gäa. So isch-s Daal bis dånã ao a naddirlicha Grenz zwischa de frijor sälbsdendiche Sdaada Wirddabärg ond Bada gwaä. Mor hådd rächds und lenggs d Heng nuffmissa, omm nåch Pforza weidor zom komma. Glei nåch dor Eisabã isch nå abor ao a Sdrås durchs Daal baud wårda, d haedicha B463.

Verwaldong ond Politigg[ändere | Quälltäxt bearbeite]

Onderreichabach hådd midd dor Stadt Bad Liabazell a Verwaldongsgmaeschaft.

Birgermåesdor vo Onderreichabach isch dor Carsten Lachenauer.

Wahla[ändere | Quälltäxt bearbeite]

Ergäbnis vo de Landdagswaala seid 2006:[2]

Johr CDU Greane SPD FDP Lenke1 AfD Sonschtiche
2016 23,7 % 34,5 % 10,4 % 6,8 % 2,2 % 18,7 % 3,6 %
2011 36,3 % 26,4 % 21,7 % 4,9 % 2,6 % 8,1 %
2006 41,4 % 11,9 % 25,1 % 12,5 % 3,7 % 5,5 %

1 2006: WASG, seid 2011: Die Linke

Dialäggd[ändere | Quälltäxt bearbeite]

Dor Dialekt vo Onderreichabach isch Schwäbisch. Sae bsondora Färbong hådd-or durch on leichda sidfrenggischa Aeschlag. So haerd-mor em Flägga "i haa gsaa" sdadd "i hao gsaed", odor "mir fare nåch Karlsru hinnere" sdadd "mir fared nåch Karlsrua hendore".

Weblink[ändere | Quälltäxt bearbeite]

 Commons: Unterreichenbach – Sammlig vo Multimediadateie

Wikisource Unter-Reichenbach in der Beschreibung des Oberamts Calw von 1860 im dütschsprochige Wikisource

Fuaßnood[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2021 (CSV-Datei).
  2. Statistisches Landesamt Baden-Württemberg: Landtagswahl uf statistik-bw.de