Alternative Linke

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Logo
Basisdate
Gründigsdatum: 29. Mai 2010
Gründigsort: Lausanne
Präsidium: gits nit
Generalsekretär: Frédéric Charpié
Mitgliider: 1'500[1]
(Stand: 2011)
Wähleraadeil: 1.2 %
(Stand: Nationalratswahl 2011)
Kantonali Parlament: 12 Sitze
Parteigliiderig: 6 Sektione
Gruppierige: Jeunesse La Gauche
Nahestehendi Gruppe:
Alternativi Liste, POP, SolidaritéS
Website: www.alternative-linke.ch

Die Alternativi Linggi (AL; franz.: La Gauche; ital.: La Sinistra) isch e linksalternativi Schwiizer Partei, wo für e ökologischi und linki Politik iitritt, aber gägä d'EU i de jetzigä Form isch. Sie setzt sich für me soziali Grechtigkeit ii. Im April 2011 het d'AL d'Volksinitiative zur Abschaffig vo de Pauschalbestüürig uf nationaler Ebeni lanciert, damit die Millionär i de Schwiiz au aständig Stüüre zahle mönd, we jede anderi Mensch au. Die Initiativä chunnt am 30. November 2014 zur Abschtimmig.

D'Partei isch 2010 gründet worde mit em Ziil e neui nationali Partei für Parteie links vo de SP und dä Grüenä z'schaffe, wo für e konsequenti Linggi Politik iiträtet. Dara beteiligt sind unter anderem die Alternative Listene i de Kantön Züri und Schaffhuuse gsi und im Welschland Sektione vo de Partei vo de Arbeit und vo de Solidarités im Waadtland (wo die beide Linksparteie zusamme mit anderne linke Gruppe und unabhängige unter em Dach vo «La Gauche» uftretet) und in Genf. Zu dem hend au Les Communistes us Genf mitgmacht. Us em Wallis isch e Gruppe als Sektion biiträte und im Kanton Bern isch e Sektion vo de Partei neu gründet worde.

S'Wichtigste Organ vo de Partei isch de Kongress, wo jährlich amene anderne Ort stattfindet, bisher z Schaffhuuse (2009, vor de offizielle Gründig), z Lausanne (2010), z Züri (2011) und z Biel (2012). De Kongress entscheidet über die wichtigste Sache we neui Initiative, Uufnahme vo Sektione und Statuteänderige. Danebet gits no en Vorstand, wo bis zu zwei stimmberechtigti Mitgliider (und zwei Ersatzmitgliider pro Kanton umfasse chan. De trifft sich mindeschtens viermal jährlich und beschtimmt Sachä, wo dringender sind, und fasst au Parole.

Weblink[ändere | Quälltäxt bearbeite]

Einzelnachwiis[ändere | Quälltäxt bearbeite]

  1. Broschüre: «In der Kürze liegt die Würze», S. 28