Wikipedia Diskussion:Schreibwettbewerb/2021

Puuremolerei

@Plutowiki:, de Artikel Puuremolerei isch en sehr schööne Artikel, wo eigetli emool bi de Wikipedia:Artikel- und Listenkandidaturen nominiert ghört. Aber praktisch de ganz Teggscht isch jo scho 2019 gschriibe worde, un bim Schryybwettbewärb goot’s jo drum, neui Artikel z schryybe oder alti ussbaue, solang de Wettbewärb lauft. Isch uff jeede Fall bis jetz eso gsi. --Terfili (Diskussion) 13:44, 16. Nov. 2021 (MEZ)

Stichwaal

S falt mer schwèèr, daa der äint Artikel em andere voorzziend – si sind ja ganz verschide, aber beed sind würkli guet. Vo miir uus hett mer äifach beeden Autoore das goldig Pösltäili chöne gèè … --Freiguet (Diskussion) 11:51, 3. Jan. 2022 (MEZ)

Mi het s do jetz au Wunder gnuu, ass es e Stichwahl git, ich hätte au beedi Artikel uuszaichnet, aber guet, ich ha mi jetz entschiide, au wänn s mer au schwäär gfalle isch. --Holder (Diskussion) 06:38, 4. Jan. 2022 (MEZ)