Wasserreservoir

Us der alemannische Wikipedia, der freie Dialäkt-Enzyklopedy


Als Wasserschpycher odder Wasserreservoir benamst mò natürlichi odder künschtlichi Spycher für Trinkwasser odder Bruuchwasser.

D Bezeichnung „Reservoir“ chunnt uss dè französischi Sprõch (frz.: reservoir (hydrique)) un wörd vor allèm z Süddütschland un dè Schwiz allgmein für natürlichi un künschtlichi Spycher bruucht, è Unterscheidung zwǜschè natürlich un künschtlich isch abber i dè dütschè Umgangssprõch genèrell nit klar.

Natürlichi Spycher[ändere | Quälltäxt bearbeite]

Obberirdisch[ändere | Quälltäxt bearbeite]

Unterirdisch[ändere | Quälltäxt bearbeite]

Künschtlichi Spycher[ändere | Quälltäxt bearbeite]

Stauseè[ändere | Quälltäxt bearbeite]

Hauptartikel: Stausee

Stauseè sin künschtlich aaglaiti Stillgwässer, wo für s Spychèrè vo Wasser bruucht wörd.

Dǜèfbhälter[ändere | Quälltäxt bearbeite]

Wasserschpygel vom Reservoir lyt dǜèfer, wiè s èm Vosorgungsdrugg entschpricht. Für d Vosorgung muè einèwäg s Wasser us èm Bhälter hoch bumpt wörrè. Dǜèfbhälter sin dōhèr Suugbhälter für Bumpwärchaalaagè un diènèd èm Uusglych zwǜschè Quällèzuèlauf odder Brunnèvorförderung un dè Wasserschpysung i s Vosorgungsnetz. Bi Druggbhälterbumpwärch hèn si dèzuè Deiluffgaabè vo dè Hochbhälter, wiè Uusglych vo Vobruuchsschwankungè odder Spycherung vo Löschwasser z übbernää.

Löschwasserschpycher[ändere | Quälltäxt bearbeite]

Offènè Wasserschpycher uff La Gomera

Zimli hüüfig un bi chlynèrè Landgmeindè fascht immer notwèndig isch d Spycherung vo Löschwasser in bsundèrè Löschwasserschpycher für d Füèrweer, z. B. wenn kei zentrali Wasservosorgung vorhandè isch odder dè Wasservorrõt im Hochbhälter für Großbränd nit uusreicht. Well keini bsundèrè hǜgiènischè un technischè Aaforderungè a s Wasser gschtellt wörrèd, cha für s Ufffüllè au Obberflächèwasser bruucht wörrè. Im allgemeinè wörrèd vorhandeni Wyèr mit Yrichtungè für s Löschwasser vosää odder künschtlichi Löschwasserberych aaglait. In vodichtètè innerörtlichè Baugebièt sin dègegè unterirdischi Löschwasserreservoir sinnvoller.

Hochbehälter[ändere | Quälltäxt bearbeite]

Historischè Wasserschpycher z Markdorf

Am hüüfigschtè un bi dè meischtè zentralè Wasservosorgungsaalaagè vorhandè isch d Wasserschpycherung in Hochbhälter. Es sin d Wasserschpycher bzw. Wasserbhälter, wo dè Wasserschpygel höcher wiè s Vosorgungsgebièt lyt un sèllèwäg s Wasser mit nadürlichem Gefälle i s Vosorgungsnetz abbèlaufè duèt. Si diènèd zum Uusglych vo Vobruuchsschwankungè, im glychmäßigè Yhaltè vom Drugg im Vosorgungsnetz, dè Notvosorgung un dè Spycherung vom Wasservorrõt für Löschzwèck, bi Pipelines un Gruppè-Wasservosorgungsaalagè als Unterbrèchbhälter un Zonèbhälter.

Wörd dè Hochbhälter in entschprèchender Höchi aagordnèt, isch dõdemit dè Vosorgungsdrugg gää. Eventuèll chönnèd Hochbhälter uff unterschydlichè Höchè aagordnèt wörrè, um voschidèni Druggschtufè z bediènè (buggliges Gläuf). Bhälter diènèd allerdings nit nu zum Uffbau vom Wasserdrugg, sondern ggf. gnauso dè Druggreduzyrung, vor allem in Vosorgungsnetz mit großèm Höèunterschyd wörrèd sognannti Durchflussbehälter ygsetzt, well suscht dè Drugg am dǜèfschtè Pungt vom Vosorgungsnetzes z groß wörrè würd.

Èrdhochbhälter[ändere | Quälltäxt bearbeite]

Èrdhochbhälter

Dè Wasserschpycher wörd an èm höèmäßig un örtlich günschtigè Blatz zum übberwygendè Teil unterirdisch ybaut un mit Èrdrych übberdeggt. Sèlli Form vom Hochbhälter wörd hüüfig favorisyrt, well si am wǜrtschaftlichschtè un bedrybssicherschtè isch.

Hochbhälter ond Wasserturm näbenand

Wasserturm[ändere | Quälltäxt bearbeite]

Wasserturm uff dè Nordseeinslè Langeoog, au bruucht als Seezeichè
Hauptartikel: Wasserturm

Wassertürm chönnèd nu gringi Wassermèngè spychèrè, stellèd abber durch iri geodätischi Höchi èn entschprèchendè Drugg für s dǜèfer ligende Roorleitungsnetz zur Vofüègung. Wenn kein günschtig glègènè Gländepungt vorhandè isch, wörd s Wasser i dè Nôcho vom Vosorgungsgebièt i dè Wasserkammèrè gschpychèrèt, wo im obbèrè Deil vom turmartigè Bauwärch unterbrocht wörd. Glègèntlich wörd dè Wasserturm als Standroorturm (Wassersilo) uusgfüürt, woby d Sollè vo dè Wasserkammèrè glych wiè d Gründungssollè isch. D Koschtè von èm Wasserturm sin erheblich höcher wiè von èm Èrdbhälter (öppè füüf- bis zeefach). Dè Wasserschpygel vom Spycher wörd dõhèr meischtems nit so hoch übber m Vosorgungsgebièt wiè bim Èrdhochbhälter glait un sin Fassungsruum wörd chlyner ghaaltè.

Schwappwasserbhälter[ändere | Quälltäxt bearbeite]

In Hallebäder git s Schwappwasserbhälter, au Rohwasserschpycher dauft. Dè Nammè Schwappwasserbhälter isch zschtand chò, well z. B. in Schwimmbeggè s Wasser übber è Übberlaufrǜnni schwappt, bevor s im eigèntlichè Bhälter aachunnt. Dè Schwappwasserbhälter isch also èn Ruum, wo sich s Wasser aasammlè duèt un widder entnõ wörrè cha.

S Nutzvolumé vom Rohwasserschpycher setzt sich uss voschiddènè Aadeil zämmè, ìm Vodrängungsvolumè vo dè Badegäscht, èm Schwappwasservolumè durch d Wällé, wo durch d Badegäscht gmacht wörrèd, bi-nèm Huufè ältèrè Aalaagè au no us èm Spüèlwasservolumè, wo für d Filterschpüèlung vorghaaltè wörd. Gnaui Formlè für d Berèchnung vo dè einzelnè Volumina stôn im Deil 1 vo dè DIN 19643.

Literadur[ändere | Quälltäxt bearbeite]

  • Rosemarie Karger, Frank Hoffmann:Wasserversorgung. Gewinnung - Aufbereitung - Speicherung - Verteilung, 14. Ufflaag, Springer Vieweg, Wysbaddè 2013, ISBN 978-3-8348-1380-0.
  • Willi Gujer:Siedlungswasserwirtschaft. Springer Volaag Bèrlin Heidelbärg, Bèrlin Heidelbärg 1999, ISBN 978-3-662-12992-0.
  • Helmut Damrath:Wasserversorgung. B. G. Teubner, Stuègètt 1998, ISBN 978-3-519-15249-1.
  • Mutschmann/Stimmelmayr:Taschenbuch der Wasserversorgung, 16. Ufflaag, Springer Vieweg, Wysbaddè, ISBN 978-3-8348-9805-0

Luèg au[ändere | Quälltäxt bearbeite]

Weblinggs[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Wasserspeicher“ vu de dütsche Wikipedia. E Liste vu de Autore un Versione isch do z finde.