Vorlage:AdW/45
La Procure|La Procure
La Procure ìsch a frànzeescha Büachhàndelskätta, wo-n-ànna 1898 vum Àbt Henri Delépine z’ Arras grìnda worra ìsch. Sitter 1919 bfìndet sìch dr Sìtz z’ Pàris.
Dr äärschta Lààda, „La Procure de musique religieuse“, han dr Àbt Henri Delépine un si Brüader Louis ànna 1898 z’ Arras, ìm Norda vu Frànkrich, grìnda. Zwìscha 1914 un 1918 ìsch d’ Gsällschàft uff Boulogne-sur-Mer verschìewa worra, un schpeeter uff Anglànd. Dernoo ìsch dr Sìtz ànna 1918 uff d’ Rue Cassette ìm 6. Arrondissement vu Pàris verschìewa worra, un ìm nachschta Joohr uff d’ Rue de Mézières, gega-n-ìwwer d’ Kìrich Saint-Sulpice, ìm ehamààliga Noviziàt vu da Jesüita.
Àm Ààfàng ìsch dr Zwack vu dana Büachhàndlunga gsìì, religiöösa Müsik üssaz’gaa un z’ vertaila, un Biacher so wia àndra Gegaschtand fìr d’ Pfàrräija z’ vergalta. Ìm Joohr 1934 ìsch dr Betriib a Àktiagsällschàft worra, unter’m Nàmma La Procure Générale du Clergé des missions et des œuvres catholiques. Ànna 1975 hàt d’ Ärwa dr Betriib ìn da Publication de La Vie Catholique verkàuift; doo drbi hàt dr Betriib aifàch dr Nàmma „La Procure“ bikumma.