Volker Habermaier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Der Volker Habermaier, wo ane 1962 z Ludisburg uf d Wält cho isch, isch e düütsche Lehrer und Schueldiräkter, und er isch der Presidänt vom Hebelbund vo Löörech.

s Läbe[ändere | Quälltäxt bearbeite]

Dr Habermaier het vo 1986 bis 1993 a der Ludwig-Maximilians Universität z Münche und a der Uni vo Stuttgart Germanistik, Gschicht, Politikwüsseschaft, Filosofy und Kunscht- und Musiggschicht studiert. Z Stuttgart und z Ludisburg het er s Referendariat zum Middelschuellehrer gmacht, und spöter het er au s Rächt zum Wirtschaftskund z underrichte übercho. Er wohnt z Schopfe im Landchreis Löörech. Er isch ghüroote und het zwo Döchtere.[1]

Vo ihm git’s Uufsätz zu der Fachdidaktik, zu der Musig und der Literatur und er het, deils zäme mit andernen Autore, Gschichtsbüecher für die dütsche Schuele gschribe.

Ane 1995 isch der Volker Habermaier Lehrer am Schopfemer Theodor-Heuss-Gymnasium worde, i dere alte Schuel, wo au scho der Johann Peter Hebel underrichtet gha het und wo sid 1969 der nöi Name het zum Aadänke an erschte Bundespresidänt vo der Bundesrepublik Dütschland, der Theodor Heuss. Sid 2004 isch der Habermaier dört Oberstudieroot und Studiediräkter gsi, bis ane 2016. Im Joor 2015 het er au der Gmeinschaftskundeunderricht a der Freie Waldorfschuel Schopfe übernoo. Sid 2016 schaffet er als Schuelleiter und Oberstudiediräkter vom Georg-Büchner-Gymnasium z Rhyfälde, wo wägem dütsche Dichter und Naturforscher Georg Büchner so heisst.

für d Mundart[ändere | Quälltäxt bearbeite]

Der Habermaier het au Vortreeg und Artikel zu der alemannische Mundartliteratur usegää. Mit em Dichter Markus Manfred Jung vo Löörech, wo au am Theodor-Heuss-Gymnasium z Schopfe Lehrer gsi isch, leitet er sid 2005 di Internazionali Schopfemer Mund-Art Literatur-Wärchstatt.

Wäge sim Inträsse füre Dialäkt vo sinere Gägend isch der Volker Habermaier denn au zum «Löörecher Hebelbund» cho. Er het für dää d Leitig vo de "Literarischen Begegnungen" übernoo, un er isch denn däm si Vizepräsident und 2015 als Nochfolger vom Hansjürgen Schmidt (1941–2015) der Presidänt vom Hebelbund worde.[2] Füre e Hebelbund schaffet er regelmässig mit em Löörecher Dreiländermuseum und dämm sim Diräkter Markus Moehring zäme.

Schrifte[ändere | Quälltäxt bearbeite]

  • Alexander macht GESCHICHTE macht Alexander. Das Bild Alexanders des Großen in der Historiographie. In: Praxis Geschichte, 2000, S. 34–37.
  • Geschichte plus. Lehrbuch. Ausgabe Berlin. 2000. ISBN 9783061107123
  • Mitautor vo: Thema Geschichte. Das 19. Jahrhundert: Nationsbildung und Modernisierung. 2005. ISBN 9783507368590
  • Nationalsozialismus und Drittes Reich. Reclam, Ditzingen 2015. ISBN 9783150170861
  • Mitautor vo: Geschichte plus 7./8. Schuljahr. Schülerbuch Brandenburg. 2008. ISBN 9783060647675
  • mit em Hans-Wilhelm Eckhardt: Zeit für Geschichte – Ausgabe 2008 für Gymnasien in Niedersachsen. Schülerband 8. 2009
  • mit em Hans-Wilhelm Eckhardt und dr Kerstin Meyer: Zeit für Geschichte 9/10: Gymnasium Niedersachsen - Geschichtliches Unterrichtswerk für Gymnasien Band 9/10. 2013. ISBN 9783507365643
  • Bruno Epple – “Das Lob der Schöpfung”. 2014, uf alemannisch.de

Fuessnoote[ändere | Quälltäxt bearbeite]

  1. Mund-Art Literatur-Werkstatt
  2. Volker Habermaier: Willkommen beim Hebelbund Lörrach!