Lechtaler Alpe
| Lechtaler Alpe | |
|---|---|
 Lag vu dr Lechtaler Alpe innerhalb vu dr Oschtalpe | |
.png) Blick vum Stanskogel uf di zäntrale Lechtaler Alpe | |
| Höchst Gipfel | Parseierspitze (3.036 m ü. A.) |
| Lage | Tirol, Vorarlberg |
| Deil vo | Nordtiroler Chalchalpe Nerdligi Oschtalpe |
| Iideilig noch | AVE: 3b SOIUSA: 21.I |
| Koordinate | 47° 10′ N, 10° 29′ O |
D Lechtaler Alpe sin e Gebirgsgruppe vu dr Nerdlige Chalchalpe un mit ere Flechi vu fascht 1000 km² di grescht Gruppe dervu. Si lige im weschtlige Eschtrych vor allem im Bundesland Tirol un, zue me chlaine Dail, z Vorarlberg.
D Gipfel vu dr Lechtaler Alpe sin di hegschte vu dr Nerdlige Chalchalpe, dr ainzig Dreidöuserder vu däne, isch do (Parseierspitze mit 3.036 m ü. A.). Alpeverainshitte un Hechewäg mache s megli s Gebirg in e baar Däg z durwandere, wäge däm isch d Gebirgsgruppe ne gärn gschetzt Wanderbiet. Ainewäg sin d Lechtaler Alpe im Verglych zue ne baar andere Gebirgsgruppe vu dr Nerdlige Chalchalpe, zem Byschpel dr Allgaier Alpe, turistisch weniger ufgschlosse un hänwäge däm an vyl Ort no ne urspringligere Karakter.
Geology
[ändere | Quälltäxt bearbeite]D Lechtaler Alpe sin e Chettegebirg mit eme uusbregte Hauptchamm un rych verzwygte, lange Sytechämm. Si sin rund 70 km lang un im Durschnitt 20 km brait. Tipisch isch e vylfältig Ufböu vu dr Gschtai, wu vylmol uf chlaine Ruum wägslet, in dr Hauptsach us Sedimäntgschtaimit em seli abwägsligsryche Landschaftsbild. Wichtigschte Gipfelbildner isch dr Hauptdolomit, wu fir vylmol bruchigi, stark zerglidereti un schuttrychi Bärg sorgt (z. B. Dremelspitze, Leiterspitze, Vorderseespitze, Vallesinspitze). Wichtig isch au dr Fläckemergel mit geellächt-bruchige Schuttbärg in greßere Hechene (z. B. an dr Parseierspitze, Trittkopf, Freispitze) sun blueschtryche, dichte griene Matte in mittlere Hechene. Fir scharfe Grat sorgt dr Aptychechalch (Gipfelhuube vu dr Parseierspitze, Roggspitze). En arg herte, hälle Chalch mit beschte Chlättermegligkaite bietet dr Oberrhätchalch (z. B. Holzgauer Wetterspitze, Freispitze). Dr Wätterschtaichalch bildet di lang Muure vu dr Heiterwand un zaichnet si du e kompakt, wenig zerglideret Uussää mit yydrucksvolle Felswänd uus. E Bsunderhait sin d Gosauschichte im Muttekopfgebiet, wu dur uegwendli bunti Konglomerat, Brekzie un Sandschtai uffalle. Näbe dr Sedimäntgschtai het s aber am sidlige Rand auch metamorphi Gschati, zum Byschpel drifft me nerdli vu St. Anton am Arlberg am Galzig oder am Sidabfall vu dr Parseierspitze ab dr Dawinalp dalabezues uf Glimmerschifer, s tipisch Gschtai vu dr Zäntralalpe.
Nochber-Gebirgsgruppe
[ändere | Quälltäxt bearbeite]D Lechtaler Alpe gränze an die andere Gebirgsgruppe vu dr Alpe:
- Allgaier Alpe (im Norde)
- Ammergauer Alpe (im Nordoschte)
- Wätterschtaigebirg un Mieminger Cjette (im Oschte)
- Ötztaler Alpe (im Side)
- Samnaungruppe (im Side)
- Verwallgruppe (im Sidweschte)
- Lechquällegebirg (im Weschte)
Umgränzig
[ändere | Quälltäxt bearbeite]D Umgränzig vu dr Lechtaler Alpe isch orografisch verglychswys aifach. Im Weschte bidet dr Flexepass d Gränze zum Lechquällegebirg. Vu dert uus verlauft si am Zürser Bach lang iber Zürs bis zue dr Yymindig in Lech bim glychnamige Ort un am Lech lang bis uf Reitte, wyter zue dr Ammergauer Alpe dur Zwischentoren, e langgstreckt Dal mit ere Wasserschaide bis zum Ehrwalder Dalchessel. Im Oschte gränzt dr Fernpass mit em Gurgltal d Lechtaler Alpe zur Mieminger Chette ab. Im Side verlauft d Gränze am Inn lang vu Imst bis Landeck un goht wyter mit em Fluss Sanna bis zur Yymindig vu dr Rosanna. D Rosanna duruuf verlauft d Gränze zum Verwall bis St. Anton am Arlberg un wyter zum Arlbergpass, vu dert uus dr Rauzbach duurab bis Stuben un wider duruuf zum Flexepass.
In e Dail Charte un Atlante wird di weschtli vum Flexepass gläge Gebirgsgruppe zue dr Lechtaler Alpe zellt. In dr AVE vum Dytsche, em Eschtrchische un em Sidtiroler Alpeverain, wu do brucht wird, wird die Gebirgsgruppe aber aigeständig gfiert as Lechquällegebirg.
Untergruppe
[ändere | Quälltäxt bearbeite]Di eltere, vergriffene Uflage vum „Alpenvereinsführer Lechtaler Alpen“ dien d Gebirgsgruppe eso unterdaile:
- Vallugagruppe
- Stanskogelgruppe
- Feuerspitzgruppe
- Freispitzgruppe
- Parseiergruppe
- Medriol
- Torspitzgruppe
- Parzinn un Steinkar
- Lichtspitzgruppe
- Muttekopfgruppe
- Heiterwandgruppe
- Fallerscheingruppe
- Rudigergruppe
- Liegfeistgruppe
- Thanellergruppe
- Loreagruppe
- Gartnerwandgruppe
Vyl vu däne Untergruppe wäre no wyter unterdailt.
Di aktuäll Uflag vum „Alpenvereinsführer Lechtaler Alpen alpin“ nimmt e weng e greberi Unterdailig:
- Vallugagruppe un Nordchämm
- Wetterspitz- un Vallesingruppe
- Freispitzkamm
- Parseiergruppe
- Medriol. Rosskar un Grießtalgruppe
- Muttekopfgruppe und Parzinn
- Namloser Bärg un Heiterwand – zwische Lech, Namlos un Hahntennjoch
- Liegfeistgruppe
- Thaneller un Loreagruppe
Gipfel
[ändere | Quälltäxt bearbeite]In dr Lechtaler Alpe git s iber 600 Gipfel, wu ne Name drage un mit ere „Höhenkote“ versää sin. Die sortierbar Tabälle zellt di zee hegschte Bärg uf un derezue uusgläseni anderi Gipfel. In dr Lischt d Hechi ufgfiert, d Schartehechi (Prominänz) mit Bezugsscharte un sy Dominanz mit Bezugsbärg. Des macht s megli d Sälbschtändigkait vu me Gipfel abzschetze.
Bässe un Ibergäng
[ändere | Quälltäxt bearbeite]Ußer dr ufzellte Bäss, wu d Lechtaler Alpe mit dr Nochbergruppe verbinde, git s innerhalb vu dr Lechtaler Alpe ain Ibergang, wu me mit em PKW cha driber fahre:
- Hahntennjoch, 1.894 m
Turistisch wichtig Ibergäng sin u. a.
- Almajurjoch (2.237 m, Standort vu dr Leitkircher Hitte)
- Kaiserjoch (2.310 m, Standort vum Kaiserjochhuus)
- Flarschjoch (2.464 m)
- Patrolscharte (2.846 m, dr hegscht Ibergang in dr Lechtaler Alpe)
- Seescharte (2.599 m, Ibergang im Zug vum E5)
- Vorderi un Hinteri Dremelscharte (2.434 m bzw. 2.470 m)
Turismus
[ändere | Quälltäxt bearbeite]Alpeverainshitte
[ändere | Quälltäxt bearbeite]In dr Lechtaler Alpe git s die Hitte vum Dytsche un Eschtrychische Alpeverain:
- Anhalter Hitte (in der Nähe des Hahntennjoch)
- Ansbacher Hitte (bi Flirsch)
- Augschburger Biwak (am Augschburger Hechewäg)
- Augschburger Hitte (bi Grins)
- Edelwysshuus (bi Steeg)
- Hanauer Hitte (bi Boden)
- Heiterwandhütte (bi Imst)
- Kaiserjochhuus (bi Pettneu)
- Leitkircher Hitte (bi St. Jakob)
- Loreahitte (in dr Nechi vum Fernpass)
- Memmenger Hitte (bi Bach)
- Muttekopfhitte (bi Imst)
- Reittener Hitte (bi Rinnen)
- Simmshitte (bi Stockach)
- Steinseehitte (bi Zams)
- Stuegerter Hitte (bi Zürs)
- Ulmer Hitte (bi St. Christoph)
- Wolfratshauser Hitte (bi Lermoos)
- Wirttbärger Huus (bi Zams)
D Hitte sin im Allgmaine uf vu Aafangs Juli bis Mitti Septämber. Di meeschte Hitte biete au Äse un Drinke aa. Am beschte isch, wämer vor em Bsuech uf ere Hitte bi dr Alpeverain oder im Dal imOrt noofrogt.
Naturschutz
[ändere | Quälltäxt bearbeite]Im Tiroler Dail vu dr Lechtaler Alpe git s die Schutzbiet:
- Naturschutzgebiet Ehrwalder Becken bi Ehrwald
- Naturschutzgebiet Antelsberg bi Tarrenz
- Sonderschutzgebiet Silzer Innau bi Silz
- Ruhegebiet Muttekopf
- Naturpark Tiroler Lech, au Naturschutzgebiet
Im (chlaine) Vorarlberger Dail vu dr Lechtaler Alpe git s zurzyt kai Schutzbiete.
Literatur / Charte
[ändere | Quälltäxt bearbeite]- Alpenvereinsführer Lechtaler Alpen, 1. Uflag 1972, Bergverlag Rother, München,
- Alpenvereinsführer Lechtaler Alpen alpin, 1. Uflag 2002, Bergverlag Rother, München, ISBN 3-7633-1268-4
- Rother Wanderführer Arlberg-Paznaun, Bergverlag Rother, München, ISBN 3-7633-4121-8
- Rother Wanderführer Kaunertal-Oberinntal, Bergverlag Rother, München, ISBN 3-7633-4027-0
- Rother Wanderführer Pitztal mit Imst und Umgebung, Bergverlag Rother, München, ISBN 3-7633-4058-0
- Rother Wanderführer Rund um die Zugspitze, Bergverlag Rother, München, ISBN 3-7633-4264-8
- Rother Wanderführer Außerfern, Bergverlag Rother, München, ISBN 3-7633-4055-6
- Rother Wanderführer Allgäu 2, Bergverlag Rother, München, ISBN 3-7633-4259-1
- Dieter Elsner: Winter im Lechtal, ISBN 3-920269-22-5
Weblink
[ändere | Quälltäxt bearbeite]
Commons: Lechtaler Alpen – Sammlig vo Multimediadateie- Ture un Gipfel in dr Lechtaler Alpe uf steinmandl.de
- http://www.lechtal.at/
- Informationssyte iber d Lechtaler Alpe
- Adlerwäg
Fueßnote
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Lechtaler_Alpen“ vu de dütsche Wikipedia. E Liste vu de Autore un Versione isch do z finde. |