Architektur

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Historischi Archidekduur: Himeji-jō z Japan us em 17. Joorhundert
Zitgenössischi Archidekduur: E Woon- und Gschäftshuus z Berlin, 2010 fertig baut

S Wort Archidekduur bezäichnet im wiitiste Sinn d Usenandersetzig vom Mensch mit bautem Ruum. S blaanvolle Entwärfe und Gstalte vo Bauwärk isch dr zentraali Inhalt vo dr Archidekduur.

Dr Sanggaller Chlosterblaan isch e berüemti middelalterligi Archidekduurzäichnig

Dr klassisch Archidekduurbegriff het verschiideni Bedütigsfassette. Er stoot

  • für d Baukunst, dr Bau und die esthetischi Gestaltig vo Bauwärk. Allerdings isch dr Begriff Baukunst hüte nüme seer scharf.
  • as Ditel von ere Bau-Tüpologii.
  • as Bezäichnig für ds Bruefsfäld vom Archidekt.
  • as Oberbegriff für d Wärk vo de Archidtekte.
  • as Bezäichnig für d Wüsseschaft vom Baue , sältener au Archidektonik.

Ganz allgemein cha mä sääge, ass sich d Archidekduur vom Baue dur iiri bsunderi gstalterischi Kwalideet underschäidet. Si goot über äifachi Zwäckbaute uuse, wo dr Nutze bestimmend isch, und wird mit iire esthetische Aasprüch zur Baukunst.

Baukunst im Barock

D Vorstellig, was bim Entwurf und dr Herstellig vom ene Bauwärk die äigentligi archidekdonischi Läistig isch und s Bauwärk über s räin Zwäckhafte uuselüpft, het sich im Lauf vom vergangene Joorhundert dütlig gänderet: Bis zum Ändi vom 19. Joorhundert häi d Archidekte vor Allem überliifereti Bauforme verwändet – dr so genannt Stil – und die si mäistens stark ornamentaal usgschmückt gsi. In däm het sich dr künstlerischi Rang as Meerwärt und Schöönhäit vom ene Bauwärk manifestiert und das im bewusste Geegesatz zu Bauwärk, wo dr puure Bragmatik verhafdet gsi si.

Litratuur[ändere | Quälltäxt bearbeite]

Über Archidekduur
  • Louis Hellman: Architektur für Anfänger (Architecture A-Z - A Rough guide). Rowohlt, Reinbek bei Hamburg 1988, ISBN 978-3-499-17551-0.
  • Hermann Hipp, Ernst Seidl (Hrsg.): Architektur als politische Kultur. philosophia practica. Reimer, Berlin 1996, ISBN 3-496-01149-1.
Lexikoon
  • Hans Koepf, Günther Binding: Bildwörterbuch der Architektur. Mit englischem, französischem, italienischem und spanischem Fachglossar. Kröner, Stuttgart 2005, ISBN 3-520-19404-X.
  • Ingo Sauer, Christine Kretschmer: Kinder entdecken Architektur - Projekte für die Grundschule. Klett-Kallmeyer 2011.[1]
  • Ernst Seidl (Hrsg.): Lexikon der Bautypen. Funktionen und Formen der Architektur. Philipp Reclam, Stuttgart 2006, ISBN 978-3-15-010572-6.

Weblingg[ändere | Quälltäxt bearbeite]

 Allmänd (Commons): Architecture – Sammlig vo witere Multimediadateie

Wikisource S dütschsprochig Wikisource hät Originaltegscht zum Thema „Architektur“.

Onläin-Daatebanke über Archidekde und Bauwärk
  • archINFORM - die gröössti Internazionaali Archidekduurdaatebank uf dr Wält mit Informazioonen über Baute und Archidekde (dt. Versioon)
  • nextroom - architektur im netz umfangriichi Daatebank vo aktueller Archidekduur sit 1900 (vor allem Östriich)
Litratuurröschersche
Ardikel, Referaat

Fuessnoote[ändere | Quälltäxt bearbeite]

  1. Pfister, Eva (10. August 2011). Wie man Kinder für Architektur begeistert. rp-online.de. Abgrüeft am 10. September 2011.
Dä Artikel basiert uff ere fräie Übersetzig vu dere Version vum Artikel „Architektur“ vu de dütsche Wikipedia.

E Liste vu de Autore un Versione isch do z finde.