Tugge

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Tuggen
Wappe vo Tuggen
Basisdate
Staat: Schwiiz
Kanton: Schwyz (SZ)
Bezirk: March
BFS-Nr.: 1347i1f3f4
Poschtleitzahl: 8856
UN/LOCODE: CH TUG
Koordinate: 714191 / 22914047.2033328.945828409Koordinaten: 47° 12′ 12″ N, 8° 56′ 45″ O; CH1903: 714191 / 229140
Höchi: 409 m ü. M.
Flächi: 15.30 km²
Iiwohner: 3317 (31. Dezämber 2017)[1]
Website: www.tuggen.ch
Tùgge

Tùgge

Charte
KlöntalerseeObersee GLSihlseeWägitalerseeUfenauLützelauZürichseeKanton GlarusKanton St. GallenKanton ZürichBezirk EinsiedelnBezirk HöfeBezirk SchwyzAltendorf SZGalgenenInnerthalLachen SZReichenburgSchübelbachTuggenVorderthalWangen SZCharte vo Tuggen
Iber des Bild
w

Tugge (amtlich Tuggen) isch e chliis Dorf un e politischi Gmeind im Bezirk March vum Kanton Schwyz i de Schwyz.

Geografi[ändere | Quälltäxt bearbeite]

Tugge liit i dr Linthebeni am Südabhang vom Buechberg und stoost an Zürisee. S het ä eigeni Autobaanuusfahrt am Zuebringer vu d'r Autobaan A3. In und um Tuggä häts vili Puurebetrieb. Es het au no Reschterand und anderi Chliibetriib. Zue de Gmeind ghööred ds Dorf Tùgge u d Wiiler Boleberg, Giredorf u Holeneich. Vu de Gmeindflechi sind 62,7 % landwirtschaftlichi Flechi, 22,1 % Wald, 11,6 % Sidligsflechi u 3,6 % suschtigi Flechi.

Gschicht[ändere | Quälltäxt bearbeite]

Tugge vom Buechberg us gsie

De Ortsname (ahd. Tuccunie, lat. Ducones) laitet me vom latinische Wort ducere ab, was "züche" haisst. Drum nint mer a, as dozmol d Schiff, wo vom Zürisee cho sind, umglade worde sind und denn d Güeter uf Flooss an Walesee zoge worde sind. De Grund isch, as früener de Zürisee vill grösser gsii isch und bis uf Tugge au schiffbar gsii isch. De Seetail het im Mittelalter Tuggenersee ghaisse.

Z Tugge hend um 610 de St. Gallus und de St. Columban missioniert. D Missionare hend afange e Chloster baue, well aber de Gallus die haidnische Tempel azunde het und d Opfergoobe in See ine grüert het, hend si müese flüche [2]. S Woppe vo de Gmaind Tugge zaigt de Hailigi Gallus ufeme Böötli.

Aber d Tuggener sind trotzdem glii Christe worde und die ältisti Erwäänig vode Chile z Tugge cha um 650/60 datiert werde. Im 7. Joorhundert sind i dere Chile au drai Mane bigrabe worde. S mittleri Graab lit gnau uf de Achs vode Chile und isch, wie die andere baide Gräber gostet und au gnau uf de Altoor uusgrichtet [3].

Im Mittelalter hend d Groofe vo Rapperschwil en Turm baut, wo denn zum Schloss Grynau usbaut worden isch, wo im 13. Joorhundert dör Hüroot a d Groofe vo Toggeborg choo isch.

Iiwoner[ändere | Quälltäxt bearbeite]

Jaar 1850 1860 1870 1880 1888 1900 1910 1920
Iiwoner 1161 1134 1102 1076 1130 1060 1155 1297
Jaar 1930 1941 1950 1960 1970 1980 1990 2000
Iiwoner 1327 1358 1409 1551 1851 1854 2182 2646

De Uusländeraateil isch 2010 bi 14,4 % gläge.

Religion[ändere | Quälltäxt bearbeite]

78,2 % vu de Iiwoner sind im Jaar 2000 römisch-katholisch gsii, 9,6 % evangelisch-reformiert.

Spraach u Tieläkt[ändere | Quälltäxt bearbeite]

Bi de Volchszellig 2000 hend vu de 2646 Iiwoner 90,1 % Tüütsch als Hauptspraach aaggää u 9,9 % anderi Spraache.

De Tieläkt vu Tùgge ghöört zum Höuchschtalemannisch.

Weblink[ändere | Quälltäxt bearbeite]

 Commons: Tuggen – Sammlig vo Multimediadateie

Fuessnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2. Walahafrid Strabo: Vita Galli
  3. Rainer Christlein: Die Alamannen; Stuggart (1978). ISBN 3-8062-890-5