Thomas Kemmerich

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Thomas Kemmerich (2011)

Dr Thomas Karl Leonard Kemmerich (* 20. Februar 1965 z Aachen) isch e dytsche Bolitiker (FDP) un vum 5. Februar bis zum 4. Merz 2020 Minischterbresidänt vum Freistaat Thüringen gsii. Är isch syt 2015 Landesvorsitzer vu dr FDP Thüringen un syt 2019 Vorsitzer vu dr FDP-Fraktion im Thüringer Landdaag. Dervor isch er scho vu 2009 bis 2014 Mitgliid vum Thüringer Landdaag un vu 2017 bis 2019 Mitgliid vum Dytsche Bundesdaag gsii.

Sy Wahl het bundeswyt un internazionaal fir Ufsää gsoorgt, wel er mit dr Stimme vu dr AfD ins Amt gweelt wooren un des as Dammbruch un as aktivi Kooperazioon mit Räächtsextreeme yygschetzt wooren isch.[1][2][3][4] No dr massive Kritik het er si ai Daag no syre Waal fir e Neiwaal uusgsproche.[5] Am 8. Februar het er sy Ruggdritt verchindet.[6]

Häärchumft, Uusbildig un Beruef[ändere | Quälltäxt bearbeite]

Dr Kemmerich het anne 1984 am Pius-Gimnasium z Aachen Abitur gmacht un derno bis 1987 im Grooß- un Ainzelhandel Chaufmann gleert. Parallel het er an dr Universiteet Bonn Jura studiert un 1989 mit em Eerschte Staatsexaame abgschlosse.[7]

No dr bolitische Wändi isch dr Kemmerich uf Erfurt chuu un het si deert as Unternämeberooter sälbschtständig gmacht. Är het landwiirtschaftligi Bedriib un Unternäme is em Handwäärch beroote. Ab 1991 het dr Kemmerich s Dienschtlaischtigskombinat Bedriibsdail „Friseur & Kosmetik“ und r Produktionsgnosseschaft (PGH) vum Friseerhandwäärch vu Weimar, Rudolstadt, Auerbach un Sömmerda in d Friseur Masson GmbH umgwandlet. 2000 isch s Unternäme in dr Friseur Masson AG umgwandlet woore, dr Kemmerich isch Vorstandsvorsitzer woore.[8]

Dr Thomas Kemmerich isch dernääbe ain vu zwee Gschäftsfierer vu dr Uhrenwerk Weimar GmbH.[9]

Dr Kemmerich isch reemisch-kadoolisch un ghyroote. Är isch Vater vu segs Chinder, drei Siin un drei Deechtere, un läbt z Erfurt un z Weimar.

Bolitik[ändere | Quälltäxt bearbeite]

Ab Ändi 2006 isch dr Kemmerich Thüringer Landesvorsitzer vu dr FDP-nooche Verainigung Liberaler Mittelstand gsii, wun er syt Novämber 2011 as Bundesvorsitzer vorstoot. Syter 2007 isch er au FDP-Chraisvorsitzer in dr Thüringer Landeshauptstadt Erfurt. Bi dr Kommunalwaale z Thüringen 2009 het er d Bartei retuur in Erfurter Stadtroot gfiert un isch deert Frakzioonsvorsitzer gsii. Bi dr Landdaagswaal 2009 isch er iber Blatz 3 vu dr FDP-Landeslischt au in Landdaag yyzooge un isch deert Wiirtschaftsbolitische Sprächer gsii.

Bi dr Ooberbuurgermaischterwaal z Erfurt am 22. April 2012 isch dr Kemmerich as FDP-Kandidaat aadrätte. Mit 2,6 % vu dr Stimme het er di weenigschte Stimme vu allne siibe Kandidaate iberchuu.[10]

Bi dr Landdaagswaal 2014 isch d FDP wider us em Landdaag uusgschiide, dodermit het au dr Kemmerich, wu uf Blatz 4 vu dr FDP-Landeslischt kandidiert ghaa het, sy Mandat verloore. Är gheert wyter em Erfurter Stadtroot aa un isch deert Mitgliid vun ere gmainsaame Frakzioon vu FDP, Freie Weeler un Pirate. Syter 2019 isch er Frakzioonsvorsitzer vu dr FDP-Frakzioon im Erfurter Stadtroot.

Noch em Ruggdritt vu dr Franka Hitzing as FDP-Landesvorsitzeri isch dr Kemmerich am 29. Novämber 2015 uf eme Sunderbarteidaag z Stadtroda mit 85 vu 143 giltige Stimme (59 Brozänt) zue irem Noofolger gweelt woore.[11]

Zu dr Bundesdaagswaal 2017 isch dr Kemmerich as FDP-Kandidaat im Wahlkrais Erfurt – Weimar – Weimarer Land II un as Spitzekandidaat vu dr FDP-Landeslischt z Thüringen aadrätte un isch in 19. Dytsche Bundesdaag gweelt woore. Deert isch er Mitgliid im Uusschuss fir Wiirtschaft un Energy gsii[12] und im Unterausschuss Regionale Wirtschaftspolitik und ERP-Wirtschaftspläne[13] un stellverdrättend Mitgliid im Uusschuss fir Erneerig un Landwiirtschaft.

Im Novämber 2018 isch er z Weimar zum Spitzekandidaat vu dr FDP Thüringen fir d Landdaagswaal 2019 gweelt woore.[14] Bi dr Landdaagswaal het d FDP mit 55.493 Stimme en Stimmaadail vu 5,0066 % iberchuu un isch dodermit in Landdaag retuurchuu.[15] Dr Kemmerich isch isch zum Frakzioonsvorsitzer vu dr FDP-Frakzioon gweelt woore.[16] Sy Bundesdaagsmandaat het dr Kemmerich am 14. Novämber 2019 niiderglait, Noorucker isch dr Reginald Hanke gsii.[17]

Bi dr Waal zum Thüringer Minischterbresidänt Kemmerich am 5. Februar 2020 im dritte Waalgang näb en Bodo Ramelow (Die Linke) un em Christoph Kindervater (barteiloos uf Vorschlaag vu dr AfD) kandidiert un isch vu dr Frakzioone vu dr FDP, CDU un AfD mit 45 Stimme zum Minischterbresidänt vum Freistaat Thüringen gweelt woore. Dr Ramelow het 44 Stimme iberchuu un dr Kindervater, wu d AfD d Kandidatuar vun em ufräächt ghalte het, kai Stimm. In dr eerschte beede Waalgäng hän dr Ramelow kai absolut Mee kriegt un au nit dr Kindervater.[18] Är isch noch em Reinhold Maier dr zweet Minischterbresidänt vu dr FDP in dr Gschiicht vu dr Bundesrepublik Dytschland un dr eerscht Minischterbresidänt, wu mit Stimme vu dr AfD in s Amt gweelt wooren isch.[19][20] No dr massive Kritik an dr Waal het er am 8. Februar sy Ruggdritt verchindet.[6] Am 4. Merz isch dr Bodo Ramelow zum Minischterbresidänt gweelt woore.

Syt 2011 isch dr Kemmerich Vorsitzer vu dr FDP-nooche Bundesverainigung Liberaler Mittelstand.

Weblink[ändere | Quälltäxt bearbeite]

 Commons: Thomas Karl Leonard Kemmerich – Sammlig vo Multimediadateie

Fueßnote[ändere | Quälltäxt bearbeite]

  1. Zentralrat der Juden „entsetzt“ über Ministerpräsidentenwahl in Thüringen. Der Tagesspiegel, abgerufen am 5. Februar 2020.
  2. „FDP und CDU werden zum Steigbügelhalter der rechtsextremen AfD“. Westdeutsche Zeitung, abgerufen am 5. Februar 2020.
  3. FDP-Mann Kemmerich in Thüringen gewählt. ntv, abgerufen am 5. Februar 2020.
  4. Internationale Presse zu Thüringen: „Das ist Demokratie!“, Welt, 6. Februar 2020
  5. KEMMERICH GIBT AMT AUF „Mein Rücktritt ist unumgänglich“. In: www.faz.de. Abgerufen am 6. Februar 2020.
  6. 6,0 6,1 Ministerpräsident Kemmerich erklärt sofortigen Rücktritt, Deutschlandfunk, 8. Februar 2020
  7. https://www.thueringer-landtag.de/abgeordnete/abgeordnete-fraktionen-sitzordnung/abgeordnetendetails/abgeordneter/thomas-l-kemmerich/
  8. Unternehmenswebsite (Memento vom 21. Oktober 2015 im Internet Archive) Abgerufen am 30. November 2015
  9. https://uhrenwerk-weimar.de/de/impressum/, abgruefen am 5. Februar 2020
  10. Wahlergebnis bim Thüringer Landeswaallaiter
  11. Thomas Kemmerich ist neuer Thüringer FDP-Chef. Die Welt, 29. November 2015, abgerufen am 29. November 2015.
  12. Pressemitteilung: Besetzung Bundestagsausschüsse. In: fdpbt.de. Fraktion der Freien Demokraten im Deutschen Bundestag, 14. Januar 2018, abgerufen am 25. Januar 2018.
  13. Unterausschuss Regionale Wirtschaftspolitik und ERP-Wirtschaftspläne. Abgerufen am 3. März 2019.
  14. Thomas Kemmerich ist Spitzenkandidat der FDP. In: mdr.de. Mitteldeutscher Rundfunk, 17. November 2018, archiviert vom Original am 25. Oktober 2019; abgerufen am 25. Oktober 2019.
  15. Landtagswahl 2019 in Thüringen - endgültiges Ergebnis uf wahlen.thueringen.de.
  16. Fünf Freie Demokraten für Thüringen. In: liberale.de. Abgerufen am 12. November 2019.
  17. Deutscher Bundestag - Ausgeschiedene Abgeordnete der 19. Wahlperiode. Abgerufen am 17. November 2019.
  18. Mitteldeutscher Rundfunk Thüringen: Live-Ticker – Wahl-Krimi in Thüringen, 5. Februar 2020
  19. Thüringen: FDP-Kandidat Kemmerich ist Ministerpräsident, Freie Presse vom 5. Februar 2020.
  20. Sturz des Ministerpräsidenten: Höckes AfD feiert sich für Abwahl Ramelows in Thüringen.
Information icon.svg Dä Artikel basiert uff ere fräie Übersetzig vu dere Version vum Artikel „Thomas_Kemmerich“ vu de dütsche Wikipedia. E Liste vu de Autore un Versione isch do z finde.