Zum Inhalt springen

Cem Özdemir

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch
dr Cem Özdemir (2020)

Dr Cem Özdemir (* 21. Dezämber 1965 z Aurich) isch e dytsche Bolitiker (Bindnis 90/Di Griene. Är isch vu Dezämber 2021 bis Mai 2025 Bundesminischter fir Ernehrig un Landwirtschaft im Kabinett Scholz gsii. Vu Novämber 2024 bis Mai 2025 isch er zuesätzli Bundesminischter fir Bildig un Forschig gsii.

Är isch vu 2008 bis 2018 ein vu zwei Bundesvorsitzende vu dr Bartej gsii.

Läbe un Beruef

[ändere | Quälltäxt bearbeite]

Dr Özdemir isch dr Suhn vun ere dirkische Gaschtarbeiterfamilie; är het 1983 di dytsch Staatsburgerschaft aagnuu. No dr Mittlere Ryyfi an dr Realschuel z Aurich het er bis 1987 z Reidlenga ne Uusbildig zum Erzieher gmacht. Derno het er an dr Fachoberschuel z Nirdenga d Fachhochschuelryyfi gmacht un e Sozialpädagogik-Studium an dr Evangelische Fachhochschuel fir Sozialwäse Reitlenge (hite Evangelischi Hochschuel Ludwigsburg) aagfange, wun er 1994 as Diplom-Sozialpädagog (FH) abgschlosse het. Syt 1987 het dr Özdemir as Erzieher un freje Schurnalischt gschafft. Dr Özdemir isch Muslim.[1] Anne 2003 het er d Schurnalischti Pia Castro ghyrote, wu vu Argentinie stammt. Är het mit ihre ne Dochter un e Suhn.[2] Im Novämber 2023 het s Baar verchindet, ass si scho lenger drännt läbe.[3] Syt 2024 isch dr Özdemir mit dr kanadische Jurischti Flavia Zaka liiert.[4]

2003 isch dr Özdemir Transatlantic Fellow vum German Marshall Fund of the United States gsi.[5] In däre Zyt het er u. a. Brownbag-Läsige ghalte an der University of Madison im US-Bundesstaat Wisconsin[6] zue dr Roll vu dr Dirkej z Europa.

Bolitik

[ändere | Quälltäxt bearbeite]

Bardej

[ändere | Quälltäxt bearbeite]
Dr Cem Özdemir bi dr Vorstellig vu syym Buech "Die Türkei" z Frankfurt/Main im Oktober 2008

Dr Özdemir isch syter anne 1981 Mitglid vu dr Griene. Är het syyni politisch Heimet im Griene-Chreisverband Ludwigsburg.[7] Vu 1989 bis 1994 isch er im Griene-Landesvorstand vu Bade-Wirttebärg gsi. Anne 1992 het er zue dr Mitgrinder ghert vu Immi-Grün – Bündnis der neuen InländerInnen.

Am 2. Juni 2008 het dr Özdemir syy Kandidatur fir dr Bundesvorsitz vu syyre Bardej aagchindet.[8] Gegekandidat vum Özdemir fir d Wahl, wu im Novämber aagsetzt gsi isch, isch dr Volker Ratzmann gsi, dr Griene-Fraktionsschef im Abgordnetehuus vu Berlin,[9] wu aber us private Grind syy Kandidatur am 4. Septämber 2008 ufgee het.

Im Vorfäld vu dr Wahl zum Bundesvorsitzende het sich dr Özdemir uf em Landesbartejdag vu dr Griene Bade-Wirttebärg um e uussichtsryyche Lischteplatz fir d Bundesdagswahl 2009 beworbe. Är isch doderby in zwo Kampfkandidature syyne bartejintärne Gegekandidate unterläge.[10] Dr Özdemir het aber einewäg an syyre Kandidatur fir dr Bartejvorsitz feschtghebt.[11]

Ab 15. Novämber 2008 isch dr Özdemir - näbe dr widergwählte Claudia Roth - eine vu zwei Bundesvorsitzende vu dr Bardej gsii. Är isch mit 79,2 Prozänt vu dr Delegiertestimme gwehlt wore.[12].

Bi dr Bundesdagswahl 2009 isch dr Özdemir as Diräktkandidat aadrätte fir dr Bundesdagswahlkreis Stuegert I. Är het aber gege dr CDU-Kandidat Stefan Kaufmann verlore[13] un isch dodermit ohni Bundesdagsmandat blibe.

Anne 2010 isch dr Özdemir mit 88,5 Prozänt im Amt vum Bundesvorsitzende bstetigt wore, 2012 mit 83,29 Prozent.[14]

Noch em ender schlächte Abschnyde bi dr Bundesdagswahl 2013 isch dr gsamt Bundesvorstand vu dr Bardej zruckdrätte. Dr Özdemir het derno aagchindet, ass er wider fir s Amt vum Bardejvorsitzdene kandiere wett. Am 19. Oktober 2013 isch er mit 71,4 Prozänt vu dr Deligiertestimme widergwehlt wore, näbe dr Simone Peter.[15]

Aafangs Jänner 2018 het dr Özdemir aagchindet, ass er nimi fir dr Vorsitz kandidiert. Zue sym Noofolger isch dr Robert Habeck gwehlt wore.

Bundesdagsabgordnete

[ändere | Quälltäxt bearbeite]

Vu 1994 bis 2002 isch dr Özdemir Mitglid vum Dytsche Bundesdag gsi. Är isch dodermit dr erscht Bundesdagsabgordnete mit ere dirkische Härchumft gsi. Syt 1998 isch er innepolitische Sprächer vu dr Bundesdagsfraktion Bündnis 90/Die Grünen gsi.

Des Amt het er am 26. Juli 2002 nidergleit, wu Vereffetlichunge iber e ginschtige Privatkredit vum PR-Berater Moritz Hunzinger[16] un d uuzuelässig Verwändig vu dienschtlig erworbene Bonus-Myyle Ufsäh gregt hän. Är het au syy Ruckzug us em Bundesdag bekannt gee.[17] D Kandidatur fir d Bundesdagswahl 2002 het er nimmi chenne zruckzie, aber no syyre Widerwahl het er s Bundesdagsmandat nit aagnuu.

Dr Özdemir isch bis dert alliwyl iber d Landeslischt Bade-Wirttebärg in dr Dytsch Bundesdag yyzoge. Wun em dr bade-wirttebärgisch Landesverband vu dr Griene ne uussichtsryyche Lischteplatz versait gha het un är dodermit bi dr Bundesdagswahl 2009 nit iber e Lischteplatz abgsichert gsi isch, isch em dr Yyzug in dr 17. Dytsch Bundesdag nit glunge. Syy Bewärbig um e Diräktmandat im Wahlchreis Stuegert I isch ohni Erfolg blibe.

Am 1. Dezämber 2012 isch dr Özdemir uf dr zweet Blatz vu dr Landeslischt Bade-Wirttebärg fir d Bundesdagswahl 2013 gwehlt wore. Är isch au zum zweite Mol im Bundesdagswahlchreis Stuegert I zue dr Wahl fir s Diräktmandat aadrätte; är isch derno iber d Landeslischt in dr Bundesdag yyzoge.

2017 isch dr Özdemir zäme mit dr Katrin Göring-Eckardt zum Spitzekandidateduo fir d Bundesdagswahl 2017 gwehlt wore. Är isch wider im Wahlchreis Stuegert I aadrätte.[18] As Abgordnete het er ab 2018 dr Vorsitz vum Uusschuss fir Verchehr un digitali Infrastruktur ibernuu.[19]

Bi dr Bundesdagswahl 2021 het dr Özdemir zum erschte Mol s Diräktmandat erstmals das Direktmandat im Wahlchreis Stuegert I mit 40,0 % vu dr Erschtstimme gwunne.[20] Des isch s bescht Erschtstimmenergebnis iberhaupt z Bade-Wirttebärg un au s bescht Erschtstimmenergebnis vu dr Griene z Dytschland gsii.[21]

Europaabgordnete

[ändere | Quälltäxt bearbeite]

Vu 2004 bis 2009 isch er Mitglid vum Europäische Parlamänt gsi in dr Fraktion Die Grünen/EFA. Är het em Uusschuss fir uuswärtigi Aaglägeheite aaghert un isch ussepolitische Sprächer vu syyre Fraktion gsi. Är isch au Vize-Presidänt vum nitständige Uusschuss zur behauptete Nutzig vu europäische Staate dur d CIA fir d Bferderig un s rächtswidrig Feschthalte vu Gfangene (CIA-Uusschuss) gsi[7] derzue Mitglid vu dr hochrangige Kontaktgruppe Nordzypern, vu dr interparlamentarische Delegation EU-Dirkei, vu dr Anti-Racism and Diversity Intergroup[7] sowie der Atlantikbrücke. Anne 2007 het er bi dr Grindig vu dr europäische Dänkfabrik European Council on Foreign Relations mitgmacht.[22]

As Europaabgordneter het er im Johr 2007 d Schirmherrschaft iber dr Christopher Street Day Stuegert ibernuu.[7] Är isch e offiziälle Unterstitzer vum Bindnis Freiheit statt Angst fir Dateschutz un gege staatligi Iberwachig.[23]

Zur Europawahl 2009 isch dr Özdemir nimi aadrätte.

Bundesminischter fir Landwirtschaft =

[ändere | Quälltäxt bearbeite]

No dr Bundesdagswahl 2021 het dr Bundesvorstand vu dr Griene dr Özdemir gege dr Mitbewärber Anton Hofreiter as Bundeslandwirtschaftsminischter vu dr Ampelkoalition us SPD, Griene un FDP vu dr 20. Legislaturperiod duregsetzt.[24][25] S Kabinett Scholz isch mit em Özdemir as Landwirtschaftsminischter am 8. Dezämber 2021 ernännt wore. Dr Özdemir isch dr erscht Bundesminischter mit dirkischem Migrationshintergrund gsii.[26]

Bundesminischter fir Bildig un Forschig

[ändere | Quälltäxt bearbeite]

Wu d Ampelkoalition ussenanderghejt isch, het dr Özdemir am 7. November 2024 zerscht kummisarisch s Amt vum Bundesminischter fir Bildig un Forschig ibernuu, am 25. Novämber 2024 isch er offiziäll vum Bundesbresidänt Frank-Walter Steinmeier ernännt wore.[27][28] Mit em Amtsaadritt vum Kabinett Merz am 7. Mai 2025 isch er us syn Minischterämter uusgschide.

Kandidatur as Minischterbresidänt vu Bade-Wirttebärg =

[ändere | Quälltäxt bearbeite]

Am 25. Oktober 2024 het dr Özdemir verchindet, ass er bi dr Landdagswahl z Bade-Wirttebärg 2026 as Spitzekandidat vu dr Griene wett aadrätte un as Noofolger vum Winfried Kretschmann dr negscht Minischterbresidänt wett gee.[29] Bi dr Budnesdagswahl 2025 het er wäge däm uf e Kandidatur verzichtet. Am 24. Mai 2025 isch er vum Landesbartejdag mit 97 Brozänt vu dr Stimme zum Spitzekandidat gwehlt wore.[30]

Dr anatolisch Schwob

[ändere | Quälltäxt bearbeite]

Dr Cem Özdemir cha guet Schwäbisch schwätze. Är bezeichnet sich gärn as anatolische Schwob un setzt s Schwäbisch gärn as „fryndligi Provokation“ yy, wänn ihn eber fir e Uusländer haltet.[31]. Fir dr Belchen-Verlag het dr Özdemir anne 2001 e schwäbischi Version vu Romeo un Julia vum Albert Hefele uf Schwäbisch uf CD gsproche.[32]

Vereffetlichunge

[ändere | Quälltäxt bearbeite]

Monografie

[ändere | Quälltäxt bearbeite]
  • Ich bin Inländer. dtv, München 1997, ISBN 3-423-24109-8. (ufzeichnet vum Hans Engels; aktualisierti Neiuusgab 1999)
  • Currywurst und Döner. Integration in Deutschland. Lübbe, Bergisch Gladbach 1999, ISBN 3-7857-0946-3. (in Zämmearbet mit em Bernd Knopf un em Jürgen Gottschlich)
  • Deutsch oder nicht sein? Integration in der Bundesrepublik Deutschland. Bastei Lübbe, Bergisch Gladbach 2000, ISBN 3-404-60482-2.
  • Die Türkei – Politik, Religion, Kultur. Beltz, Weinheim 2008, ISBN 3-407-75343-8.

as Rugeber

[ändere | Quälltäxt bearbeite]
  • Abenteuer Vorlesen. Ein Wegweiser für Initiativen. Ed. Körber-Stiftung, Hamburg 2002, ISBN 3-89684-036-3.
  • Mitten in Deutschland. Deutsch-türkische Erfolgsgeschichten. Herder, Freiburg [u. a.] 2011, ISBN 978-3-451-30469-9. (mit em Wolfgang Schuster)

Bydreg in Sammelbänd

[ändere | Quälltäxt bearbeite]
  • Die Armee gehört in die Kaserne. Über das Verhältnis von Militär und Politik in der Türkei. In: Lydia Haustein, Joachim Sartorius, Christoph Bertrams (Hrsg.): Modell Türkei?: Ein Land im Spannungsfeld zwischen Religion, Militär und Demokratie, Wallstein Verlag 2006, ISBN 978-3-8353-0067-5, S. 73 ff.
  • Griechenland und Türkei. Können Falken Tauben werden? In: Apostolos Katsikaris (Hrsg.): Türkei Europa, Magnus-Verlag, Essen 2006, ISBN 978-3-88400-506-4, S. 58 ff.

Literatur

[ändere | Quälltäxt bearbeite]
  • Özlem Topçu: "Unser Cem". In: Die Zeit, 23. Oktober 2009.
[ändere | Quälltäxt bearbeite]

Fuessnote

[ändere | Quälltäxt bearbeite]
  1. ↑ Erstmals wird ein Moslem Parteichef, Bild, 15. November 2008
  2. ↑ spiegel.de vom 5. Dezember 2009
  3. ↑ "Kümmern uns gemeinsam um unsere Kinder": Cem Özdemir trennt sich von seiner Frau. 13. November 2023, abgruefen am 13. November 2023.
  4. ↑ Uwe Bogen: Landwirtschaftsminister mit neuer Liebe: Kanadierin hat das Herz von Cem Özdemir erobert. In: stuttgarter-zeitung.de. 20. August 2024, abgruefen am 20. August 2024.
  5. ↑ Past Fellows (Site cha nüme abgrüeft wärde; Suche im Webarchiv)[1] [2] Vorlage:Toter Link/www.gmfus.org
  6. ↑ Center for European Studies Spring 2003 Events Archivlink (Memento vom 20. Augschte 2008 im Internet Archive)
  7. ↑ 7,0 7,1 7,2 7,3 Gayweb-Newsticker: Cem Özdemir: Schirmherr des CSD Stuttgart 2007 Archivlink (Memento vom 9. Augschte 2009 im Internet Archive)
  8. ↑ vgl. Özdemir kündigt Kandidatur als Parteichef an bei Spiegel-Online
  9. ↑ vgl. Volker Ratzmann kandidiert für Grünen-Vorsitz bi welt.de, 15. Juni 2008
  10. ↑ Ferda Ataman: Özdemir gescheitert: Grüne demütigen designierten Vorsitzenden, SPIEGEL ONLINE - Nachrichten - Politik, 12. Oktober 2008
  11. ↑ Trotz Demütigung: Özdemir kandidiert für Grünen-Vorsitz, SPIEGEL ONLINE - Nachrichten - Politik, 13. Oktober 2008
  12. ↑ Özdemir und Roth neue Doppelspitze der Grünen bi welt.de, 15. Novämber 2008
  13. ↑ Ergebnisse der Bundestagswahl 2009 in Stuttgart. Archiviert vom Original am 1. Oktober 2009; abgruefen am 12. Oktober 2009.
  14. ↑ Roth und Özdemir bleiben Parteivorsitzende Der Tagesspiegel, 17. November 2012. Abgerufen am 18. November 2012
  15. ↑ Archivierte Kopie (Memento vom 16. Februar 2015 im Internet Archive) Parteigremien neu gewählt] uf gruene.de, Stand 20. Oktober 2013
  16. ↑ Der Skandal um die PR-Honorare. In: Manager-Magazin, 22. Juli 2002
  17. ↑ Matthias Geis: Özdemir fliegt – Und die Grünen geben sich moralisch. Archivlink (Memento vom 18. Septämber 2008 im Internet Archive) In: Die Zeit Nr. 32 vum 1. August 2002 (Dr Rucktritt vum Özdemir in dr Relation zue dr Verfählige vum Scharping un vum Gysi)
  18. ↑ Zwei starke Kandidat*innen für eine Regierungsbeteiligung in Berlin. (gruene-stuttgart.de [abgerufen am 8. März 2017]).
  19. ↑ Deutscher Bundestag - Cem Özdemir leitet den Verkehrsausschuss. Abgruefen am 27. November 2021.
  20. ↑ Bundestagswahl in Stuttgart: Direktmandate gehen an die Grünen und die CDU. In: stuttgart.de. 26. September 2021, abgruefen am 29. September 2021.
  21. ↑ Direktkandidat Cem Özdemir ist Stimmenkönig im Südwesten. In: Zeit Online. Abgruefen am 14. März 2022.
  22. ↑ Ibersicht iber d Mitglider uf dr ECFR-Homepage Archivlink (Memento vom 16. Novämber 2006 im Internet Archive)
  23. ↑ Demonstration Freiheit statt Angst Unterstitzerlischt
  24. ↑ faz.net / Helene Bubrowski: Für den Marktplatz geboren
  25. ↑ Sabine am Orde: Grüne und Ministerämter: Die Linken sind sauer. In: Die Tageszeitung: taz. 26. November 2021, ISSN 0931-9085 (taz.de [abgerufen am 29. November 2021]).
  26. ↑ Ampelregierung: Das sind die Ministerinnen und Minister im Kabinett von Olaf Scholz. In: Der Spiegel. 6. Dezember 2021, ISSN 2195-1349 (spiegel.de [abgerufen am 6. Dezember 2021]).
  27. ↑ Ernennung von Cem Özdemir zum Bundesminister für Bildung und Forschung. In: bundespraesident.de. Abgruefen am 25. November 2024.
  28. ↑ Das ist die neue Bundesregierung nach dem Austritt der FDP. In: tagesschau.de. 7. November 2024, abgruefen am 7. November 2024.
  29. ↑ tagesschau.de: Özdemir will Spitzenkandidat bei Landtagswahl in Baden-Württemberg werden. In: tagesschau.de. 25. Oktober 2024, abgruefen am 25. Oktober 2024.
  30. ↑ Christine Keck: Özdemir setzt auf ein grünes Wunder. In: Der Spiegel. 24. Mai 2025, abgruefen am 24. Mai 2025.
  31. ↑ Der anatolische Schwabe uf dr Homepage vum Goethe-Inschtitut (Dezämber 2008)
  32. ↑ Romeo und Julia auf Schwäbisch uf amazon.de
Dä Artikel basiert uff ere fräie Übersetzig vu dere Version vum Artikel „Cem_Özdemir“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Cem_Özdemir&oldid=1069967"