Staatebund

Us der alemannische Wikipedia, der freie Dialäkt-Enzyklopedy

Dr Staatebund (Konföderation, völkerrächtlige Verein) isch e Zsämmeschluss vo souveräne Staate (Mitgliidstaate, Bundesgliider) mit ere eigene, aber nume lockere Organisation uf dr Bundesebeni.

Dr Underschiid zwüschen eme Staatebund und em Bundesstaat isch, ass im Bundesstaat d Souveränität biim Bund liit, währed im Staatebund die einzelne Staate souverän si. Die Underschiid si allerdings fliessend, hüfig wärde beidi Begriff synonym bruucht. D Souveränität bedütet in däm Zsämmehang in erster Linie s Rächt, d Kompetänze zwüschen em Einzelstaat und em Bund z verdeile (die so genannti Kompetänzkompetänz). D Institutione vom ene Staatebund si im Allgemeine ee repräsentativi Versammlig, gmeinsami Usfüehrigsorgan für die gmeinsame Ufgoobe und e Schiidsgrichtsbarkeit für s Biilege vo Striitigkeite under de Gliidstaate. Im ene Staatebund chönne Gsetz vo dr gsetzgäbende Körperschaft vom Bund keini diräkte Uswirkige uf d Bürger ha, si wärde nume zur Verabschiidig an d Parlamänt vo de Gliidstaate delegiert, usserdäm bestoht en Usdrittsrächt für d Gliidstaate.

Die Europäischi Union isch as Völkerrechtssubjekt kei Staatebund, sondern isch in ere Klasse für sich. S dütsche Bundesverfassigsgricht het se im ene Urdeil vo 1993 as Staateverbund bezeichnet, was au über d Gränze vo Dütschland use Aklang gfunde het. D EU het in ihre Mitgliidsländer innepolitischi Befuegnis, wo uf e Bundesstaat hiwiise, doch stoht däm bis jetzt no kei eiheitligi gmeinsami Ussepolitik gegenüber, was d Union wien e reine Staatebund loot lo usgseh.

Bispil[ändere | Quälltäxt bearbeite]

Bispil für Staatebünd si:

Lueg au[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Staatenbund“ vu de dütsche Wikipedia. E Liste vu de Autore un Versione isch do z finde.