Bundesstaat

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E Charte mit de Bundesstaate

Dr Begriff Bundesstaat het im Föderalismus zwei verschiidnigi Bedütige: die vom e Bund vo Staate (Föderation) und die vom e Staat won e Deil vom ene Bund isch.

Dr Bundesstaat as Gsamtstaat[ändere | Quälltäxt bearbeite]

In erster Linie wird under Bundesstaat dr föderali Gsamtstaat gmeint, e Staat, wo us eme Bund oder ere Union vo mehrere Gliidstaate zsämmegsetzt isch;

  • Gegesatz: Gliidstaat (Deilstaat, wie öbbe Land, Bundesland oder Kanton), e Deil vo son eme Gsamtstaat mit eigener Staatlichkeit,
  • Gegesatz: Eiheitsstaat, e Staat, wo d Undergliidrige von em kei eigeni Staatlichkeit hai,
  • Gegesatz: Staatebund (Konföderation), e Verbindig vo mehrere Staate, wobii d Verbindig, dr Staatebund, kei Staatlichkeit het.

Im Fall vo dr Bundesrepublik Dütschland, dr Republik Östriich und dr Schwiizerische Eidgenosseschaft wird d Bezeichnig „Bundesstaat“ meistens im Sinn vom föderale Gsamtstaat, bruucht – man redet denn vo Bundesebeni, wo institutionalisierte Staatsorgan wie Bundesparlamänt oder Bundesgricht figuriere, wo hierarchisch de Gliidstaate übergordnet si.[1]

Dr Bundesstaat as Gliidstaat vom ene Gsamtstaat[ändere | Quälltäxt bearbeite]

Andrersiits wird under Bundesstaat e föderalistische Gliidstaat as Deil vo som ene Gsamtstaat verstande;

Im Fall vo de Vereinigte Staate vo Amerika und dr Republik Indie wird s Wort „Bundesstaat“ (state) im zweite Sinn bruucht, wie au für d Gliidstaate (ab 1920 d Länder) vom Dütsche Riich, wo au as Bundesgliider bezeichnet wärde.

Für d Gliid- oder Deilstaate – bsundrigs wenn dr Begriff „Bundesstaat“ im erste Sinn bruucht wird – finde sich divärsi anderi Bezeichnige: Länder (Bundesländer), Kantön, Einzelstaate.

Lueg au[ändere | Quälltäxt bearbeite]

Literatur[ändere | Quälltäxt bearbeite]

  • Hans Kristoferitsch, Vom Staatenbund zum Bundesstaat? – Die Europäische Union im Vergleich mit den USA, Deutschland und der Schweiz, Springer Verlag, Diss. Univ. Wien 2007, ISBN=978-3-211-35201-4

Nowiis[ändere | Quälltäxt bearbeite]

  1. E. Gruner, B. Junker: Bürger, Staat und Politik in der Schweiz, 1972
Dä Artikel basiert uff ere fräie Übersetzig vu dere Version vum Artikel „Bundesstaat“ vu de dütsche Wikipedia.

E Liste vu de Autore un Versione isch do z finde.