Schloss Laufè
S Schloss Laufè isch è Schloss i dè Gmaand Laufè-Uuwisè im Ussèamt vum Bezirk Andelfingè im Zürcher Wyyland im Nordè vum Kanton Züri i dè Schwyz.
Laag[ändere | Quälltäxt bearbeite]
.jpg)
S Schloss lyt am linkè Ufer vum Hochrhy zwǜschem Untersee un èm Basler Rhyknǜǜ uff èm gächè Flüè übber m Rhyfall un bǜètet èn exquisitè Uusbligg übber dè größschte Lauffè am Hochrhy. Vom Schloss uus füürt èn Fuèsswäg zum Känzeli, wo dè Bsuècher schu fascht sin Zinkè i d Gischt vum Rhyfall innèhebbè cha. Dirèkt unter m Schloss obberhalb vum Rhyfall-Unterbeggi lyt d Halteschtell Laufen am Rheinfall a dè Rhyfallbaan, è rein touristischi Baanstation vo dè SBB, wo d S12 un d S33 vo Winti odder vo Schaffuusè haaltè düèn.
Gschichtè[ändere | Quälltäxt bearbeite]
Diè ärschti urkundlichi Erwäänig vum Schloss Laufè datyrt us èm Johr 858 n. Chr. S Schloss isch dè Stammsitz vom Freihèrr vo Laufè gsi. Im Schlosshèrr odder sim Vogt isch d Vogtei oblègè übber diè benõchbòrtè Gmaandè, wôrènd d Grundhèrrschaft im Bischof vo Konschdanz ghört hèt. Im Johr 1544 hèt d Stadt Züri s Schloss erworbè. Unter dè Zürcher Hèrrschaft sin i dè Johr 1544 bis 1547 grösseri baulichi Voänderigè vorgnõ worrè. Wôrènd dè Helvetik hèt d Feudalhèrrschaft mit èm Iimarsch vo dè Franzosè 1798 è rasches Änd gnõ. Vo 1799 bis 1804 hèt dè Johann Heinrich Bleuler der Ältere dõ è Mòler-Atelié ghaa. Sin Soon Louis Bleuler hèt 1830 znägscht als Pächter un 1845 als Bsitzer diè Bleuler Mòlschuèl uffgmacht. Im Johr 1941 isch s Schloss Laufè im Bsitz vum Kanton Züri chò. Hüt lyt im Schloss è Reschtaurant un bis im Oktober 2019 hèt s è Jugendherbärg dört dinnè gää.
Weblinggs[ändere | Quälltäxt bearbeite]
Commons: Schloss Laufen – Sammlig vo MultimediadateieKoordinate: 47° 40′ 36″ N, 8° 36′ 54″ O; CH1903: 688340 / 281333
|
Dä Artikel basiert uff ere fräie Übersetzig vum Artikel „Schloss_Laufen“ vu de dütsche Wikipedia. E Liste vu de Autore un Versione isch do z finde. |