Schaffuuser Sägi

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
47.738.23Koordinaten: 47° 43′ 48″ N, 8° 13′ 48″ O
Schaffuuser Sägi
Gemeinde Grõfuusè
Iigmäindig: 1888
Postleitzahl: 79865


È Panorama vom Mettmadal bi dè Schaffuuser Sägi, wo zwüschè m Schluchseer Ortsdeil Schönèbach un Gròòfuusè lyt.
d Mettma obberhalb vo dè Schaffuuser Sägi, i dè Höchi vo Groofuusè

Schaffuuser Sägi isch dè Nammè von èm Wyler im Mettmadal im Südschwarzwald. D Sägi lyt im mittlerè Mettmadal zwüschè Grõfuusè im Oschtè un Schönèbach im Weschtè. Bi dè Schaffuuser Sägi hèts sich um è Exklavè ghandlèt, ergo schwizer Staatsgebièt, wo vo Dütschland umzinglèt gsi isch.

Gschichtè[ändere | Quälltäxt bearbeite]

d Schaffuuser Sägi zwüschè Grõfuusè un Schönèbach, die obberscht wasserdribbeni Aalaag im Mettmadal

D Sägi mit èm zuèghörigè Waald uff èm Stauferbärg isch im 11. Johrhundert vom Graf Eberhard I. vo Nellèburg a s Kloschter Allerheiligè z Schaffuusè voschenkt worrè. Nõch dè Uffhebig vom Kloschter isch d Sägi mit èm Waald a d Stadt Schaffuusè, spòter a dè Kanton Schaffuusè übbergangè. Selbscht im Johr 1530, wo s Dorf Grõfèhuusè abduuscht worrè isch mit dè Randègmeindè Schlaatè un Beggingè, hèn d Schaffuuser d Sägi mit èm Waald bhaaltè, well vo dört guèts Holz zum Bauè z gwünnè gsi isch. Èrscht im Johr 1888 isch s Territorium, wo d Sägi un dè Waald druff ligèd, a d Gmeind Grõfèhuusè un dõdemit a s Land Baddè übbergangè. Dè Waald un d Ligèschaftè bi dè Schaffuuser Sägi hèn abber witterhy zum Kanton Schaffuusè ghört. Im Johr 2008 hèt dè Kanton Schaffuusè d Ligèschaftè voüsserèt, allerdings isch dè Waald am Stauferbärg witterhy Eigètum vom Kanton. S zuèschtändige Forschtamt wörd vom Kanton Schaffuusè bschtellt.

Vokeer[ändere | Quälltäxt bearbeite]

D Schaffuuser Sägi lyt a dè K 6501, wo vo Grõfuusè a d Mettma abbè gòt, dalabsi a dè Schaffuser Sägi vorby füürt un denòch a dè linkè Mettmahaaldè un spõter am Schönèbach nõch bis zum glychnammigè Ort Schönèbach uè gòt. Sell Strõßli un diè idyllisch glegene Sägi ziènèt im Summerhalbjohr èn Huufè Motorradfaarer aa. Sell kurz Stüggle Strõß bi dè Sägi, wo durch s Mettmadal nõch gòt, chönnt zu dè wènnigè Strõßè im Mettmadal (im obberè Mettmadal gòt d L 170 vo Amèrtsfäld bis Seebrugg ebbèfalls durch s Dal).

Weblinggs[ändere | Quälltäxt bearbeite]