Sankt Viktor

Sankt Viktor (San Vittore)
Wappe vo Sankt Viktor (San Vittore)
Basisdate
Staat:	Schwiiz
Kanton:	Graubünde (GR)
Region:	Moesaw
BFS-Nr.:	3835i1f3f4
Poschtleitzahl:	6534
Koordinate:	728523 / 12231646.249.105278
Höchi:	278 m ü. M.
Flächi:	22.06 km²
Iiwohner:	875 (31. Dezämber 2022)
Website:	www.sanvittore.ch/
s Land bi Sankt Viktor s Land bi Sankt Viktor
Charte
Charte vo Sankt Viktor (San Vittore) w

Sankt Viktor (uf Iteliänisch und ofiziel: San Vittore) isch e Gmaind vom Kanton Graubünde.

Geografy

D Gmaind lyt in der Region Moesa und z’underscht im Misox. S Dorf lyt uf dr rächte Talsyte under am stäile Bärg, wo d Gmaind druff es baar Mäiesäss und no wyter obe d Alpe het. S Gmaindgebiet isch uf beide Syte vom Fluss Moësa und gaat im Süde bis under s Bärgdörfli Laura, wo zu dr Nochbergmaind Roveredo ghört.

Im Weschte chunt s Gränzdorf Monticello vo S. Viktor an Kanton Tessin aa. D Tessiner Nochbergmeind isch Lumino.

D Alp Rescignaga im Süde isch en Exklaafe vo dr Gmaind und gränzt an Itaalie.

Gschicht

Sankt Viktor isch ane 1168 s erschte Mol imene Dokumänt erwäänt.

Bis ane 1646 hend Sankt Viktor und Roveredo zäme en gmäinsami Grichtsgmaind und Nutzigskorporazioon pildet, wo si denn wider ufdeilt hend.

Architektur

• d Stiftschile Sankt Johann und Viktor
• d Kapälle vom Heilige Luzius
• s Huus Romagnoli
• dr Palascht Viscardi, hüt mit em Talmuseum vom Misox
• s Huus Casa del Gerb
• dr Burgturm Torre Pala
• dr Palascht Togni

Literatur

• Rinaldo Boldini: Chiese e museo di San Vittore (GR): guida storico-artistica = Kirchen und Museum von San Vittore (GR). Locarno 1987.
• Cesare Santi: San Vittore. In: Historisches Lexikon vo dr Schwiiz.

Weblink

 Commons: San Vittore – Sammlig vo Multimediadateie

• Website vo dr Gmaind San Vittore